ဖိုတိုဂျဲနစ် ဂျာရစ်

ဂျာရစ်သည်မည်သူနည်း။ဂျာရစ်ဘာကြောင် ဖြစ်ပေါ်လာရသနည်းဟူသော မေးခွန်းများ လာဖွယ်ရာရှိသဖြင့် ကြိုတင်ဖြေကြားခြင်းအလို့ငှာ တရက်သ၌ ကျုန်ုပ် မိမိပျောက်ကလေးသည် ပျင်းသည်နှင့် (တနည်း) လက် အားခြင်းလဲဖြစ်သဖြင့် မျောက်တို့သဘာဝ အငြိမ်မနေနိုင်ခြင်းရှိလေရာ  ဗျူတီးစလွန်းသို့သွား၍ ချို့တဲ့သော ရုပ်ရည်ကို ပြောင်းလဲစေရန် သွားရောက်အားထုတ် ကြိုးပမ်းလေသည်။

ဆိုင်ရှင်သည် မိမိပျောက်ကလေး ၀င်လာသည်နှင့် သူလုပ်သမျှခံမည့်တောရုပ် ငါးချဉ် ရုပ် ဟု သတ်မှတ်ခါ အစွမ်းကုန်ပြုပြင်လေတော့သည်။တစ်နာရီခန့်အကြာတွင်မတော့ ဗျူးတီးရှန်၏အဆိုအရ ဘာဘီရုပ် (ဘာဘူရုပ် မဟုတ်ပါ ) ကလေးနှင့် တူသည့် မျက်နှာအဖြစ်ထွက်ပေါ်လာခဲ့လေသည်။

မြှောက်ပင့်ပြောဆိုခြင်းကို နှစ်သက်သော  လူတို့၏သဘောပီပီ  အသင်လူသား မိမိပျောက်ကလေးသည် ဘာဘီဒေါ  (ဘာဘီဒေါ့ မဟုတ်ပါ)နှင့်တူသည်ဆိုကတည်းက သဘောခွေ့လှစွာဖြင့် မနောဘ၀င်စွေ့လှ တာကြောင့် သူတောင်းသော ၁၅၀ ခန့်ပမာဏ ပိုက်ဆံကို မစားမသောက်ရက် နှပ်ချေးငါးပိလုပ်စား ကာ စုထားခဲ့သမျှ မညည်းမညူ မတွန့်မတို ကြည်ဖြူစွာ ထုတ်ပေးလေသည်။

အပြန်တစ်လမ်းလုံး၌ လည်းကောင်း၊အိမ်တွင်လည်းကောင်း ဘာဘီဒေါကလေးမိမိပျောက်သည် စတိုင်အ သစ် ကလေးဖြင့် အလန်းဇယားထုတ်ရန်ကြံစည်လေရာ မိမိ၏ အလှတရားများကို ပြလိုစိတ်ပြင်းပြခြင်းကို တားမရခြင်းအလို့ငှာ  ရုပ်ချည်းဆိုသလိုပင် စိတ်ရူးပေါက်ခါ ကားလက်မှတ်ဝယ်၍ တောမမြို့သို့ အိမ်ဦး သခင်ထံ ခရီးနှင်လေသည် ။လမ်ခရီး၌ နေမထိရေမစို လေမတိုက်စေရန်လည်းကောင်း ခေါင်းပြားမည် စိုး သဖြင့်လည်းကောင်း ပုံပျက်မည်စိုးသဖြင့်လည်းကောင်း မအိပ်စက်နိုင်ပဲ တောင့်တောင့်ကြီးဖြင့် လိုက်ပါလာ ခဲ့လေသည် ။

၆ နာရီကျော်နီးပါး အချိန်ဖြုန်းပြီးနောက် မြို့သို့ရောက်ရှိလေရာ အနှီအိမ်ဦးသခင်သည် ဆီးကြိုသော သကာ လ၌ မိမိပျောက်ကလေးအား မြင်မြင်ခြင်းပင် တအံ့တသြ ထောပနာပြုလေသည်။“ဘယ်လိုပုံကြီး ဖြစ်လာ တာလဲ ”ဟူ၍ လည်းကောင်း  “ ဒုက္ခပဲ မှန်မကြည့်ဘူးလား မသိဘူး ” ဟူ၍ လည်းကောင်း ” မိန်းမရယ်  နင့် ပုံစံက ခုမှတောက တက်လာတဲ့ ဂျာရစ်ပုံဖြစ်နေတယ်ဟဲ့”ဟူ၍လည်းကောင်း “ဘယ်သူက မြှောက်ပေးလိုက် လို့ နင်ဒီပုံ ပေါက်လာတာလဲ တော်တော်များလှနေတယ် ထင်လို့လား ” ဟူ၍ လည်းကောင်း  ဘွဲ့ဂုဏ်ထူး နာမ်စား ၀ိသေသနများ သတ်မှတ်လေရာ ဘာဘီဒေါရုပ်မှ ဘာဘီဒေါ့ရုပ်သို့ ပြောင်းကာ ထိုမှအစပြု၍ မိမိပျောက်ကလေးသည် ဂျာရစ်ဟူသော အမည်နာမ ကိုရရှိလေသည် ။ 

အနှီဂျာရစ်  သည် တောမှမြို့တက်လာသည့်သဏာန်ရှိသော်ညားလည်း အင်မတန်မှပင် ဓာတ်ပုံရိုက် ခြင်း အမှု ကိုဝါသနာထုံလေရာ ရောက်လေရာ၌ ပဲပေးခြင်းအမှုတို့ဖြင့် ဓာတ်ပုံမှတ်တမ်း တင်စေတတ်လေသည်။ ရူပါသည်လည်း အကုန်အကျခံ၍ ပုံသွင်းလာသည်ဖြစ်လေရာ အိမ်ဦးနတ်မည်သို့ပင် ထောပနာပြုနေပါစေ အလွန်မှပင် ရှိုးထုတ် စတိုင်လုပ်ကာ မှတ်တမ်းတင်ချင်နေလေသည်။သို့နှင့် နီးစပ်ရာ လူများသောဈေးဝယ် စင်တာကြီးတခုသို့ ကမန်းကတန်းပြေးကာ မ၀ယ်နိုင်သော ဘရမ်းတံဆိပ်တုံးပုံများကြားတွင် ပဲစုံပစ်ရရှာလေ သည်။

ရိုက်ပေးသောသူကိုလဲ  “ ခပ်ဝေးဝေးမှ ရိုက်နော် .အရမ်းနီးရင်မလှဘူး ” “ အဲလောက်ကရိုက်နော် ..ဒီနား နည်းနည်းတိုးဦးလေ.. ဟိုလိုလေးရွှေ့လိုက်ပါလား အဲလောက် အကွာအဝေးလေးပေါ့ ”စသည်ဖြင့် ရိုက်ချင် လာစိတ် များများပေါက်လာအောင် ဆရာလည်း လုပ်သလို ပိုစ့်လဲအမျိုးမျိူးပေးလေသည်။လူတောမရှောင် သူရှေ့မရှောင် မော်ဒယ်ဂျာရစ်သည် ကော့လန်ပျံတမျိူး  ရပ်ထိုင်ကွ ပြူံးရီငိုမဲ့ အမျိူးမျိူးသော ပုံစံတို့ ဖြင့်  စတိုင်ပေးလေရာ ဖြတ်သွားသမျှ လူအပေါင်းတို့သည် မည်သည့်နိုင်ငံမှလာသော တောမော်ဒယ်နည်း ဟူ သော ပုံမျိူးဖြင့်စူးစမ်းကြလေလျှင် ဂျာရစ်မိမိပျောက်ကလေးသည် မိမိ၏စတိုင်ကို သဘောကျသည် အလို့ ငှာ ထိုသို့ကြည့်ကြခြင်းကို သိသဖြင့် အောင်မြင်သော အသံဝါကြီးဖြင့် “ အောင်ပြီ အောင်ပြီ အောင်ပြီ ” ဟု   သုံးကြိမ်တိတိ ကြုံး ၀ါးလေသည်။

ဂျာရစ်ကလေးမိမိပျောက်သည် စတိုင်အမျိူးမျိူးထုတ်၍ ရိုက်သော်ညားလည်း မျက်နှာပေါ်မှ အစာရေစာ ငမ်းခြင်း၏ခြေရာများဖြစ်သော ၀က်ခြံဖုထစ်တို့ကို ဖုံးကွယ်ခြင်းငှါမတတ်နိုင်သဖြင့် ခပ်ဝေးဝေးမှနေ၍ ခပ်ဝါး ၀ါး စတိုင်ထုတ်ကာ ကင်မရာမန်းအား အငိုက်ဖမ်းရလေသည်။တစ်ပုံရိုက်ပြီးတိုင်း အိမ်ဦးသခင်သည် “ဂျာရစ်ရယ် ညည်းကို ငါကြည့်ရတာ တော်တော်အခြေအနေဆိုးလိုက်တာ” ဟူ၍ လည်းကောင်း “ဘာပုံ ကြီးလည်းကွာ. ဆံပင်ပုံကြီးကတုံးတိတိနဲ့ မျက်နှာက၀ိုင်းဝိုင်းနဲ့”ဟူ၍လည်းကောင်း “ဟူးး...မိန်းမ နင် -တော်တော်ရုပ်ဆိုးနေပြီနော် ” “  ဒီပုံကြီးအတိုင်းသာတွေ့ခဲ့ရင် မယူခဲ့ဘူး ”ဟူ၍လည်းကောင်း မြည်တွန် -တောက်တီးက မိမိပျောက်ကလေး ၏ အလှကို ထင်ပေါ်စေရန် ဖွဲ့နွဲ့ ပြော ဆို လေ သည် ။

ထိုအခိုက်တွင်  ဂျာရစ်ကလေးမိမိပျောက်သည် အင်မတန်မှ နှလုံးသည်းခြေ ၌  ပူဆွေးဝမ်းနည်းကြေကွဲ ခြင်း ကိုခံစားလိုက်ရလေရာ ပိုစ့်ပေး၍ ထိုဓာတ်ပုံကိုပင် ရိုက်ဖြစ်အောင်ရိုက်ကာ မှတ်တမ်းတင်နိုင်လိုက်သေး သဖြင့် အိမ်ဦးနတ်၏မေတ္တာပို့လွှတ်ခြင်းကို လုံးလုံးလျားလျား ထပ်မံခံရရှာလေသည် ။

သို့နှင့် နေစောင်းသော်အိမ်သို့ ပြန်ရောက်လေလျှင် ဖြတ်ညှပ်ကပ်ကူးဆက်တာဝန်များ ပြုလုပ်ပြီးသကာလ ဓာတ်ပုံများ ထွက်လာလေသောအခါတွင် အိမ်ဦးနတ်၏  ကြောက်မက်ဖွယ်အသံနက်ကြီးကို ရုတ်တရက် ကြားလိုက်ရ လေသည် ။

“ဟားးး ငါ့မိန်းမ တော်တော်ရုပ်ဆိုးပေမယ့် ဒီလိုပြင်လိုက် အဝေးရိုက်တော့လည်း  ဖိုတိုဂျဲနစ်တော့ ဖြစ်သား ဟ..ဂျာရစ်ရ” ဟု သောစကားကို နားနှင့်ဆတ်ဆတ် ကိုယ်တိုင်ကိုယ်ကျ ကြားလိုက်ရလေသည်။ထိုသို့သော

အ်ိမ်ဦးသခင်၏ ရုတ်တရက် နှုတ်ထွက်ချီးမွမ်းစကားကို ကြားပြီးသကာလ ဂျာရစ်ကလေးသည် နှလုံးပီတိ ဂွမ်းဆီထိ၍ “၁၅၀ ပေးရကျိူးနပ်ပဟဲ့၊ကုန်ရကျိူးနပ်ပဟဲ့” ဟုတွေးမိကာ ၀မ်းသာမြူးထုးစွာ ပျော်ပျော်ကြီး ကစုန်ပေါက်လျှက်  ဂျာရစ်ဟူသောဘွဲ့ဂုဏ်ထူးဖြင့် ထန်းခေါက်ဖာပိုက်ကာ ရွာသို့ ပြန်လေတော့လေသ တည်း....။

ဤတွင်ပြီး၏ ။။။

အားလုံးပြုံးပျော်နိုင်ကြပါစေ။ရယ်သောသူသည် အသက်ရှည်သည် ဟူ၏။

မဒိုးကန်

၂ နာရီ ၄၅ မိနစ်တိတိ
အင်္ဂါနေ့
၁၃ရက် ၁၂လ ၂၀၁၁ ခုနှစ်