ကိုလံဘတ်ရဲ့ ပေါက်ဖော်များ

 “လမ်းက ကွေ့သလား ကောက်သလား

စဉ်းစားချိန် မရဘူး

ဘ၀က မောင်းချလိုက်တယ်..”

&&&&&&&&

ဒီနေ့ အလုပ်ကိစ္စနဲ့ ပလတ်စတစ်စက်ရုံတစ်ရုံကို သွားရတယ်။စက်ရုံဝရောက်တော့ နေပူကျဲကျဲထဲမှာ အမိုးမပါ ဘာမပါနဲ့ ပလတ်စတစ်ရွေးနေတဲ့ အလုပ်သမားနှစ်ယောက်ကို ၀င်ဝင်ချင်း တွေ့မိတယ်။

“ဟူးး..နေကလည်း ပူလိုက်တာကွာ..လွန်ရောပဲ...” တဲ့..။

ဗမာသံဟ..မြန်မာလိုပြောတဲ့ အသံကြားတော့ ခြေလှမ်းက တုန့်ကနဲ..ဒါဆို ဒီနှစ်ယောက်ဟာ ဗမာတွေပဲပေါ့..

“ဟုတ်ပကွာ..နေကလည်း ဘယ်အညှိုးနဲ့ ဒီလောက်တောင် ပူနေရတုန်း မသိဘူး..ရေခဲရေ ရောင်းတော့ မိုးရွာ၊ ဆိုက္ကကာနင်းတော့ နေပူဆိုတာ ဒါမျိုးဖြစ်မယ်ကွ..တစ်ခါတစ်ခါ ဘ၀တွေက ခါးတယ်ကွာ” တဲ့ နောက်တစ်ေ- -ယာက်က ထပ်ညည်းတယ်။

“သြော်..အကိုတို့က ဗမာတွေလား..ကျွန်တော်လည်း မြန်မာပါပဲဗျ” ဆိုပြီး မိတ်ဆက်တော့ သူတို့ကလည်း ပြန် နှုတ်ဆက်တယ်။

 “ဟုတ်တယ်..ညီလေး.ဗမာတွေကွာ..စက်ရုံထဲမှာလည်း ကျန်သေးတယ်...ညီလေးက လူအသစ်လား..ဒီနေ့မှ -ရောက်တဲ့ လူလား”

“မဟုတ်ဘူးအကို..ကျွန်တော်က တခြားအလုပ်ကပါ..အလုပ်ကိစ္စနဲ့ ဒီကိုလာတာ..အကိုတို့ ဒီကိုရောက်ကြတာ ကြာပြီလား”

“အင်း..ကျွန်သက် ၄နှစ်ရှိပြီ ညီလေး”တဲ့ ပြန်ဖြေတယ်။ရင်ထဲမှာနင့်ကနဲပဲ..။သူတို့နဲ့ စကားစဖြတ်ပြီး ကိုယ့်အလုပ်ကိစ္စကို အရင် သွားလုပ်တယ်။ကိစ္စပြီးတော့ ဒီအပေါက်ကပဲ ထွက်ရတာမို့ သူတို့ကို နှုတ်ဆက်ပြီး ပြန်လာခဲ့တယ်။ဟိုအကိုပြောတဲ့ “ကျွန်သက်” ဆိုတဲ့ စကားက ကိုယ့်အလုပ်ပြန်ရောက်တဲ့အထိ နားထဲက မထွက်ဘူး။ငါတို့တွေဟာ ရေခြားမြေခြားမှာ သူပြောသလို “ကျွန်လာခံနေရတာလား” ဆိုတဲ့ အသိ၊အတွေးက ကိုယ့်ကိုယ်တောင် သိမ်ငယ်သွားသလိုလို။ဟုတ်တော့လည်း ဟုတ်နေသလိုလိုပါပဲလေ။

“နေ့ရက်တွေကို အပေါ့အငန် မြည်းရင်း 

စံချိန်ကျိုးလာတဲ့ အတ္တဟာလည်း

သက္ကရာဇ်တွေကိုတောင် အာသာမပြောတော့

ခြေဦးကို အပြေးအလွှားနမ်းနေရတဲ့

မျက်ရည်စက်တွေကိုလည်း သနားလှပေါ့..”

 မိခင် ရွှေပြည်ကြီးနေ ကျွန်တော်တို့ အမျိုးအမျိုးသော အကြောင်းတွေပြလို့  ရေခြားမြေခြားကို ထွက်လာကြ တယ်။လူလည်အာရှသားစတိုင်တွေနဲ့ လေထဲမှာလည်း ကွန်ဒိုတွေ တစ်လုံးပြီးတစ်လုံး အစီအရီဆောက် ခဲ့ကြလို့ မျှော်လင့်ချက်မျက်ဝန်းတွေ တဖျက်ဖျက်နဲ့ အရောင်တွေ လက်လက်ထလို့ပေါ့။တကယ် လုပ်ငန်းခွင် ထဲရောက်တော့ အလုပ်ချိန် ရှစ်နာရီ ပလပ်စ်အိုတီအောက်မှာ မလူးသာ မလှုပ်သာ။မဖြစ်စလောက် လစာနဲ့ စိတ်ဓါတ်တွေ ဖရိုဖရဲဖြစ် လာကြတယ်။နေရာဒေသအလိုက် အကြောင်းအမျိုးမျိုးနဲ့ မြှောက်စားခံရသူတွေ ကျတော့လည်း နေ့ချင်းညချင်း ဘုရင်စိတ်ပေါက်သွားကြတယ်။လမ်းမှာ ကိုယ်ဆွေကိုယ်မျိုးတွေ တွေ့ကြ ရင်တောင် ဗမာသံကြားတာနဲ့ မသိသလိုပဲ ဒေါင်းယောင် ဆောင်နေကြလေရဲ့..။ကံမကောင်း အကြောင်းမလှ လို့ ဖိနှိပ်ခံရတဲ့သူတွေ ကျပြန်တော့လည်း သည်းခံရဖန်များလာတော့ ကိုယ့်ကိုယ်ကိုယ် ကျွန်တစ်ယောက်လို ခံစားလာရတယ်။မွေးရာပါ အငုံ့စိတ်ရှိတဲ့သူတွေဆိုရင်တော့ အလုပ်ကပြန်လာတဲ့အခါ အခန်းပိတ်ငိုကြ၊ရေချိုး ရင်းငိုကြ အဲဒီမြင်ကွင်းတွေက အမြဲတမ်းကြားနေရ၊မြင်နေရတဲ့အခါ ကိုယ့်ကိုယ်ကိုယ် ၂၁ရာစုရဲ့ နောက်ဆုံး ထုတ် ကျွန်အကြီးစားတွေထဲက တစ်ယောက်လေလားဆိုပြီး ပြန်ပြန်မေးရတာ အကြိမ်ကြိမ်..။

“ဆန်ပေးရင် ဆီရတယ် ဆိုပေမဲ့လည်း တစ်ခါတစ်လေ  မေတ္တာပေးလို့ အနွေးဓါတ်ပြန်မရတဲ့အခါ အားလုံးရဲ့ ထွက်ပေါက်တွေက ယမကာနဲ့ဆန့်ကျင်လိင်တွေ ဖြစ်လာကြတယ်။အရှိန်အဆများသွားတဲ့နေ့ ဆိုရင်တော့ ရင်ထဲက အမှန်တရားတွေ လွှတ်ကျလာတတ်တယ်။လစာထုတ်ရက်တွေဆို ဖြတ်တောက် ပေးကမ်းပြီးလို့ မဖြစ်စလောက် ကျန်တဲ့ပမာဏကို ခပ်တင်းတင်းဆုပ် အမေ့ကို ဖုံးဆက်ဖို့ ရှက်ရွံနေကြတဲ့ အဆီပြန်နေတဲ့ မျက်နှာတွေ ရင်နာပေမဲ့ မြင်ရပါများလာတော့ မျက်လုံးတွေကပါထုံလာတယ်။“ဟဲလို..အမေလား..နေကောင်း င်းလား.. ဒီလတော့ အမေရယ်၊အလုပ်က...xxx.....xxx.....xxx......ဒါပဲနော်..အမေ..” ဆိုတာတွေက မရိုးနိုင်တဲ့ ကြားနေကျ အကောင်းဆုံးတေး တစ်ပုဒ်ပေါ့။“မိန်းမရေ..သားတွေရော နေကောင်းရဲ့လား..ဒီလတော့ သည်းခံ ကြပါအုံးကွာ..နောက်လကြရင်တော့...”ဆိုတဲ့စကားကိုပြောပြီး မျက်ရည်မကျအောင် အံကျိတ်ထားတဲ့ ယော ကျာင်္းရင့်မာကြီးတွေ ကွင်းပြင်ထဲမှာ တိမ်တွေကို ကြည့်နေတဲ့ မြင်ကွင်းက ၂၁ရာစုရဲ့ အကောင်းဆုံးပန်းချီကား တစ်ချပ်လား အောက်မေ့ရတယ်။


“ဘယ်တော့ပြန်မလဲ သားကြီး”လို့ အမေးခံရတိုင်း နှလုံးအိမ်ကို သံချွန်နဲ့ လာလာထိုးဆွသလို တစစ်စစ်နဲ့။ငါ တို့ရဲ့ အိမ်ပြန်ချိန်တွေကရော နီးနိုင်ပါ့မလားလို့ တွေးမိလိုက်တိုင်း ဖက်ကြမ်းတွေပဲ တိုတိုသွားခဲ့တယ်။အဖြေ ကတော့ မှုန်ဝါးဝါးပါပဲ..။သြော်..နေထွက်တာ မမြင်ရတဲ့ အရပ်မှာ ငါတို့တွေက ရူးသွပ်စွာနဲ့ အာရုံဏ်တက်ချိန် ကို စောင့်နေမိကြတဲ့ မနုဿတွေများလား...။

“ရေကလည်း စိမ်း..

မြေကလည်း စိမ်း..

လမ်းတွေကလည်း စိမ်း..

အလွမ်းတွေလည်း စိမ်းတဲ့ နယ်မြေသစ်မှာ 

စွန်တွေလို အသံတထိတ်ထိတ်နဲ့ ကြိုးကိုငေး

ငှက်တွေလို အရိပ်မဲ့မဲ့နဲ့  အိပ်တန်းမျှော်..

ပျော်စရာဆိုတာ နတ္ထိ

တစ်ယောက်ရင် တစ်ယောက် ဖွင့်ကြည့်လိုက်တော့လည်း

ရွှေပြည်တော်ရဲ့ နယ်နိမိတ်ကိုတောင် 

ဦးညွှတ်ခွင့်မရတဲ့ ရှိုက်သံတွေသာ

(အလုအယက်)တိုးဝှေ့စီးဆင်း

ကိုလံဘတ်ဆိုတာလည်း 

သမိုင်းထဲက မြစ်တစ်စင်းပေါ့..။

လေးစားစွာဖြင့်

ကိုရင်

23:45(GMT)