Thursday, March 20, 2014

တင်သိန်းအေးရဲ့ဝဲတရား




2014မှာဆယ်လစ်ဗျစ်တီတွေအလျိူလျိူမင်္ဂလာဆောင်ကြသည့်သတင်းများကဂျာနယ်တွေမဂ္ဂဇင်းတွေအင်တာနက်စာမျက်နှာတွေပေါ်မှာပလူပျံနေကြသည်။တင်သိန်းအေးတစ်ယောက်ဧည့်ခန်းထဲကဆက်တီခုံပေါ်ထိုင်ရင်းအတွေးတို့နယ်ချဲ့နေမိသည်။ဘာလိုလိုနဲ့သုံးဆယ့်ငါးထဲရောက်လာပြီ။အစွံထုတ်ဖို့ကြံလိုက်တိုင်းလဲရွှေပြည်တော်မျှော်လေတိုင်းဘဲဝေးနေလားမသိ။ရည်းစားလေးထားလိုက်မိပါတယ်။အရာရာနဲ့အကြောင်းကြောင်းနဲ့ ပြတ်သွားရပြန်တော့လက်ရှိကနေလက်မဲ့ဘ၀ရောက်နေရပြန်ရော။



ရုံးမှာအသစ်ရောက်နေတဲ့ခပ်လန်းလန်းဘဲလေးတွေကိုသဘောကျသလိုလိုရှိပေမယ့်ကိုယ့်အသက်ရွယ်နဲ့မငမ်းရဲ။တော်ကြာလင်တရူးမကြီးလို့နာမည်ထွက်သွားဒုက္ခ။အသက်အရွယ်တွေကလဲဆယ်နှစ်လောက်ငယ်ကြသည်။လန်းသမှကိုရီးယားကားထဲကစတိုင်များဖြစ်ကြသည်။နွားမကြီးရွက်နုကြိုက်လို့တော့အပြောမခံနိုင်။ရင်ခံစရာအကြောင်းများကပေါ်ပေါ်လာသည်။သူတို့ချင်းရွယ်တူတွေကျတော့ထီးတစ်ချောင်းထည်းနှစ်ယောက်ဆောင်းလို့ရုံးဆင်းရုံးတက်မြင်တွေ့နေရသည်။ခြင်းတောင်းတွေချိုင့်တွေဆိုတာကိုင်စရာမလို။အော်တိုလက်လှမ်းပြီးသား။ 

အပြင်ထွက်လက်ဖက်ရည်သောက်ရင်တောင်သူတို့နဲ့ပတ်သတ်ရာပတ်သတ်ကြောင်းတွေကျတော့ပြောစရာကိုမလိုအောင်အလိုက်တသိနဲ့ကိုအချဉ်ထုပ်လက်ဖက်ရည်ကော်ဖီမုန့်ကအစ၀ယ်လာကြပေးပြီးသား။မနာလိုတယ်လို့မပြောလိုက်နဲ့။မုဒိတာမပွားနိုင်ဘူးလို့တော့စကားလုံးလှလှနဲ့နားလည်ပေးကြ။ကိုယ်တွေများကျတော့ဟဲ့ မောင်ဘယ်သူရဲ့အမတို့ကိုဒါလေးများဝယ်ခဲ့ပေးပါလားဆိုရင်လမ်းမကြုံလို့အမလို့ ပြောတာကတမျိုးဟာ မေ့သွားတယ်မကြီးရာလို့တသွယ်အဖြေကမထပ်စေရဘူး။ မေတ္တာကိုတုံးတာအဲလိုမျိူ။ဗယ်လင်တိုင်းဒေးဆိုပြီးချောကလက်တွေလက်ဆောင်ရကြတာ။ကိုယ့်များရောယောင်ပြီးပေးမယ့်လူများမရှိပေါင်။ပေးချင်တဲ့သူကြီးတစ်ယောက်ကတော့မဟာနဖူးပိုင်ရှင်မန်နေဂျာကြီးပေါ့။ 

“ဟဲ့တင်သိန်းအေးညည်းရောချောကလက်မစားချင်ဘူးလား။စားချင်ရင်ငါဝယ်ကျွေးမယ်လေတဲ့။ဒီအဆင်နဲ့ဒီအဆင်ဒီလိုပြောစရာလား။သူ့လိုနဖူးကပြောင်ပြောင်ဆံပင်ကပါးသေး။အဲဒါကိုအုန်းဆီရွဲနေအောင်လူးပြီးဒီဖက်ကဆံပင်ဟိုဘက်အထိပို့ထားရတဲ့သူကများချောကလက်ကျွေးချင်သေးသတဲ့။အံ့သြဘတော်။သူကျွေးတာတော့မစားတော့ဘူး။အဲဒီတော့ချောကလက်ကိုမုန့်ဟင်းခါးတစ်ပွဲလောက်တောင်မကြိုက်ဖူးလို့ကိုယ့်လာပေးလဲစားဖြစ်မယ်မထင်ဘူးလို့ခပ်ကျယ်ကျယ်လေးလူကြားအောင်အော်ထားလိုက်တယ်။ဟင်းဟင်းအရောင်းဖက်မှာအသစ်ရောက်နေတဲ့ပီးမက်ထိုင်းသရဲကားဆံပင်ကေနဲ့ရဲထွန်းအောင်သာလာပေးကြည့်ပါလား။ဟင်းဟင်းမမကချောကလက်ကိုမကြိုက်ပေမယ့်ကျန်းမာရေးအတွက်စားပေးတာလို့ကိုပြန်ဖြေလိုက်ဦးမှာ။အခုလား။ပေးသွားလို့သို့လာသို့လောတွေးမနေနဲ့။ပေးဖို့နေနေသာသာဗယ်လင်တိုင်းဒေးကအဲအရောင်းဖက်ကဘဲသူ့ဆော်နဲ့တည်းခိုခန်းရောက်သွားတာ။ကောင်မလေးအကိုနဲ့ပက်ပင်းတိုးလို့မရှုနိုင်မကယ်နိုင်ထိုးကြိတ်ခံလိုက်ရတယ်တဲ့လေ။မျက်နှာကိုအာလူးသီးအလုံးနှစ်ဆယ်လောက်နဲ့နှစ်ရက်လောက်ပျောက်ပြီးမှရုံးပြန်တက်လာတာ။နောက်မို့ဆိုဒင်းဘူးမှန်းတောင်သိလိုက်မှာမဟုတ်ဘူး။ခုတော့ဘူးတာဗူးပေါ်သလိုပေါ်တော့တာဘဲ။ 

အိုငါကလဲဘာတွေတွေးမိနေပါလိမ့်။သူ့ဟာသူဘူးဘူးပေါ့။ကိုယ့်ဘူးမပါရင်ပြီးတာဘဲ။အဲ။။ကိုယ့်မဘူးပြီးတာဘဲဟာ။

 “တင်သိန်းအေး....... ဟဲ့ တင်သိန်းအေးရေ..  ”
 အနားနားကပ်ပြီးအော်လိုက်တဲ့အမေ့အသံအကျယ်ကြီးကတင်သိန်းအေးအတွေးဖီလင်ကျောမှာငုတ်တုတ်ကြီးပျက်တော့တာဘဲ။
“အမလေးလန့်လိုက်တာအမေရယ်။ဘာဖြစ်လို့လဲ။” 
လက်ထဲကဂျာနယ်ကြီးပြောင်းပြန်ကိုင်ပြီးစဉ်းစားခန်းဝင်နေတဲ့တင်သိန်းအေးကိုအမေခြေဆုံးခေါင်းဆုံးကြည့်ပြီး“ နေစမ်းပါဦးအေညည်းကလဲငါအနားကပ်ပြီးခေါ်နေတာသုံးလေးခွန်းမကတော့ဘူး။ဘာတွေများဈာန်ဝင်နေတာတုန်း။ ခေါ်မကြားအော်မကြားနဲ့။”
“ဟာအေမကလဲဘာမွစ်ာန္မ၀င္ပါဘူး။အမေရဲ့။ဟိုရဲထွန်းအောင်အကြောင်းတွေး...................အဲ.ရုံးကအကြောင်းတွေတွေးနေမိတာပါ။”
သောက်ကျိူးနည်းတဲ့မှဘဲ.အမေ့ရှေ့စကားကမှားထွက်ရသေးတယ်။မျက်နှာပိုးသတ်ရင်းအမေ့ကိုလှမ်းမေးရတယ်။
“ ဘာခိုင်းမို့လဲအမေ။ ”
“မခိုင်းပါဘူးအေ။ညည်းအဖေကမနေ့ညကပြောတာပြောပြမလို့ညည်းကို။လာမယ့်လပြည့်နေ့ကျရင်သူတို့ရွာမယ်ဘုရားပွဲလည်းရှိတယ်။နောက်အလှုလဲရှိတော့ရွာပြန်ကြမယ်။ညည်းကိုလဲညည်းအဖေတို့ရွာကစပါးပွဲစားလုပ်နေတဲ့မောင်ဇော်မြင့်နဲ့လည်းညည်းကိုပေးတွေ့မလို့တဲ့။အချင်းချင်းမြင်ဖူးတယ်ရှိရအောင်လို့။”
“ ဟင် ဘာလုပ်ဖို့မြင်ဖူးအောင်လဲအမေရဲ့ ”
 “သြော်ညည်းကလည်းဒုန်းဝေးစရာမရှိကြံဖန်ဒုံးဝေးနေတယ်။လူငယ်ချင်းမြင်ဖူးအောင်ဆိုမှတော့အဆင်ပြေစေချင်လို့။ညည်းတို့အချင်းချင်းအကဲခတ်နိုင်အောင်လို့ပေါ့အေ။ညည်းအသက်လဲမငယ်တော့ဘူး။တို့မိဘတွေလဲအသက်တွေကရလာကုန်ပြီ။အကြီးကောင်နဲ့အငယ်ကောင်က ယောကျာင်္းလေးတွေသူတို့ကိုမပူရဘူး။ညည်းကိုသာဘဲငါတို့မိဘတွေမှာပူနေရတာ။ဒါ့ကြောင့်သင့်တော်ရာလေးနဲ့များတွေ့ရင်အိမ်ထောင်ရက်သားချထားပေးမလားလို့ညည်းအဖေနဲ့ငါမနေ့ညကစကားပြောတော့အရီးမသောင်းခင်ရဲ့သားလေးကလိမ်မာတယ်။မိဘကိုလုပ်ကျွေးနေတာ။အလုပ်အကိုင်ကလဲစပါးအရောင်းအ၀ယ်လုပ်နေတာ။လက်ထဲလည်းငွေကသီးတယ်။ရှာရှာဖွေဖွေလည်းရှိသလိုစုစုဆောင်းဆောင်းလဲရှိတယ်အဲအတွက်ဘာပဲပြောပြောလေညည်းတို့လူငယ်ချင်းမြင်တွေ့လို့ရင်းနှီးသွားတယ်တစ်ယောက်နဲ့တစ်ယောက်အဆင်ပြေသွားကြတယ်ဆိုရင်လဲကောင်းတာပေါ့အေ။”

အမေ့ရဲ့မိန့်ခွန်းအရှည်ကြီးအပြီးတင်သိန်းအေးစဉ်းစားမိသည်။ကိုဇော်မြင့်ဆိုတာသူလဲမမြင်ဖူး။နာမည်တော့အဖေပြောပြောနေလို့ကြားဖူးသား။အရီးသောင်းတောင်သူငယ်ငယ်ကအဖေနဲ့အတူရွာလိုက်သွားလို့ မြင်ဖူးတာ။အဖေ့ရွာကိုမရောက်တာနှစ်ပေါင်းကိုကြာလှပြီ။အဲဒီတုန်းကကိုဇော်မြင့်ကိုသူမတွေ့ခဲ့။ခရီးသွားနေသည်ဟုသာလူကြီးတွေပြောသည်ထင်။သေချာမမှတ်မိတော့။သေချာတာတော့လူချင်းမတွေ့ဖူး။အင်းလေဘာပဲပြောပြောအမေတို့နဲ့လိုက်သွားရင်လည်းကောင်းတာပါပဲ။ခရီးမထွက်တာကြာတော့စိတ်ပြေလက်ပျောက်လဲဖြစ်။ဘာအခြေအနေလည်းသိရတာပေါ့လေ။တင်သိန်းအေးအတွက်အရှုံးတော့မရှိလောက်။အင်းလေလိုက်သွားယုံပေါ့။ဘာအရေးလဲ။

ဒီလိုနဲ့တင်သိန်းအေးရုံးမှာခွင့်ငါးရက်တင်လိုက်သည်။တမိသားစုလုံးသွားကြမှာဆိုတော့ပျော်သလိုလိုတော့ရှိသား။အဖေတို့ရွာကသာယာဝတီကနေတော်တော်လေးသွားရသေးသည်။အဖေတို့ရွာကိုရောက်ဖို့ဆိုတာနွေဆိုရင်လှည်းပေါက်ပြီးမိုးတွင်းဆိုရင်တော့ လှေအားကိုးနဲ့သာသွားလို့ရတဲ့နေရာ။ခုဆောင်းအကုန်ဆိုတော့လှည်းနဲ့သွားလို့ရနေပြီရွာကလာကြိုမယ်ဟုစီစဉ်ထားကြသည်။တင်သိန်းအေးရွာမသွားခင်လုပ်လာတာရှိသေးသည်။ထိုအရာကားဆံပင်ကောက်လိုက်ခြင်းပင်ဖြစ်သည်။ကျောလည်မရှိသေးတဲ့ဆံပင်ကိုဗကာက်လိုက်တော့နည်းနည်းတော့တိုပျံတက်သွားတာပေါ့။ကိုရီးယားမင်းသမီးလို ကောက်ချင်ပါတယ်ဆိုမှဆိုင်ကအခြောက်မကဘိုင်းတာကျပြီးစကားတပြောပြောနဲ့ဝုန်းထည့်လိုက်တာထွက်လာတော့ဆံပင်ကဂုတ်နားတက်နေပြီးတရုတ်မအဘွားကြီးတွေကောက်တဲ့ပုံနဲ့တော်တော့်ကိုတူသွားသည်။မတတ်နိုင်တော့။တင်သိန်းအေးခေါင်းမှာပ၀ါစကိုပတ်ထားလိုက်ရသည်။နောက်နေကာမျက်မှန်တပ်လိုက်သည်။ ကိုယ့်ကိုကိုယ်မှန်ထဲပြန်ကြည့်တော့ ကျေနပ်သလိုလိုတော့ရှိသား။ အလဲ့ ..မဆိုးပါဘူးပေါ့။ 

သာယာဝတီကိုရောက်တော့ကားဂိတ်မှာတင်ခနတဖြူတ်နားပြီးရွာကလာကြိုမယ့်လှည်းကိုစောင့်ကြသည်။အဖေကတင်သိန်းအေးဆံပင်ကောက်လာသည်ကိုသိပုံမပေါ်။“ဟဲ့ငါ့သမီးရဲ့ပူကပူနဲ့ညည်းခေါင်းကပ၀ါကြီးခနတဖြူတ်ချွတ်ထားပါလား”လို့အကြိမ်တစ်ရာလောက်ပြောနေသည်။အလိုက်ကမ်းဆိုးမသိသောအဖေပါတကား။ရတယ်အဖေရဲ့လို့ဖြေနေလည်းမမှတ်။ 
ကံကောင်းထောက်မစွာနဲ့လှည်းကသိပ်မကြာဘဲရာက်လာတော့အလှုအတွက်ယူလာတဲ့ပစ္စည်းတွေတင်ပြီးလူတွေတက်ထိုင်ကြတာပါ့။အကိုကြီးကပစ္စည်းတွေကူသယ်ပေးပေမယ့်အငယ်ကောင်ကတော့လက်လက်ထအောင်ကို ပျော်နေသည်။နွားလှည်းနောက်မှာမောင်နှမနှစ်ယောက်ခြေတွဲလောင်းချပြီးလိုက်လာကြသည်။တလမ်းလုံးဖုန်တွေကထနေကပူလှည်းကဆောင့်နဲ့။လှည်းတချက်တချက်ဆောင့်လိုက်ရင်မြီးညှောင့်ရိုးကိုကျိူးပြီလားသာမှတ်တော့သည်။နာလိုက်သည်များပြောမနေနဲ့။မျက်မှန်မှာဖုန်တွေကအထူကြီးကပ်ကပ်နေတော့ခနခနမျက်မှန်ချွတ်လိုက်ဖုန်သုတ်လိုက်။တခါတခါများဖုန်အလုံးလိုက်ကြီးကပ်ကပ်သွားတာများဘာမှကိုမမြင်ရဘဲပိန်းပိတ်သွားသေး။လက်တဖက်ကလှည်းတိုင်ကိုကိုင်ထားရသေး။လှည်းတချက်စောင်းပြီဆိုဖင်လေးအသာလေးမကြွ။မကြွလို့ကတော့ သေပြီသာမှတ်။ကောက်ရိုးတွေကလဲယားသလိုလိုနဲ့။စိတ်ထဲ တော်တော်ကျဉ်းကြပ်ပင်ပန်းနေလိုက်တာဆိုတာ။တစ်နာရီခွဲလောက်လှည်းစီး ပြီးတော့ ရောက်ပါပြီ။အဖေတို့ရွာကို။ 
လှည်းပေါ်ကဆင်းတော့ ဖင်တွေကြိမ်းစပ်ပြီး ရုတ်တရက် ကုန်းကွကွကြီးတောင်ဖြစ်နေသည်။ အရီးသောင်း တို့အိမ်မှာဘဲတည်းရမှာမို့ အရီးသောင်း တို့တအိမ်လုံးထွက်ကြိုနေကြသည်။ လှည်းပေါ်ကဆင်းဆင်းခြင်း မျက်မှန်ကိုလည်းမချွတ်နိုင်သေး။ တခေါင်းလုံး တကိုယ်လုံးလဲ ဖုန်တွေဖွေးလို့ ။ ၀ိုးတိုးဝါးတားနဲ့ မျက်မှန်ကြီးချွတ်လိုက်မှဘဲအကုန်မြင်ရတော့သည်။ယောကျာင်္းနှစ်ယောက်နဲ့မိန်းမလေးငါးယောက်အထုပ်တွေကိုလာဆီးယူကြသည်။

“ လာသမီးလာ။ သားလာ ။ ဟဲ့ လာကြဟေ့ မောင်တင်တို့ လာကြ လာကြ ကလေးတွေလဲဒီလာနားကြ။”

ဒါကတော့တင်သိန်းအေးသိသည်။အရီးမသောင်းခင်။မျက်စိကိုဝေ့၀ဲကြည့်တော့ဘယ်မလဲကိုဇော်မြင့်ဆိုတာ။ရပ်နေတဲ့ယောကျာင်္းနှစ်ယောက်။တစ်ယောက်ကအသက်ငါးဆယ်လောက်ရှိပြီ။မဖြစ်နိုင်။တစ်ယောက်ကနဖူးပြောင်ပြောင်နှင့်အရပ်ခပ်ပုပြတ်ပြတ်အသားမဲမဲလူတစ်ယောက်။ဒါလဲမဖြစ်နိုင်ဘူး။အမေတို့စပ်ဟပ်ပေးမယ့်လူကဒီလောက်တော့ရုပ်မဆိုးနိုင်ဘူးဟုတင်သိန်းအေးကိုယ့်ဖာသာကိုယ်တွေးနေမိတာ။အမေ့အသံကြားမှဘဲကိုယ့်အထင်လုံးလုံးမှားပြီဟုသိလိုက်ရတော့သည်။ 

“မောင်ဇော်မြင်ရေ့လာဟေ့အဒေါ်တို့ကိုဒီပစ္စည်းတွေချက်ပြုတ်မယ့်နေရာသာတခါထဲယူသွားပေးလိုက်။နောက်မင်းနှမကို ရေလေးဘာလေး ပေးလိုက်ပါဦး။တလမ်းလုံးရေငတ်လို့တဲ့” 

အမေစကားအဆုံးကိုယ့်ကိုကိုယ်ရင်ထုမနာသာဖြစ်မိတော့သည်။နဖူးပြောင်တာကိုသိပ်မုန်းတဲ့သူကိုဒီလိုဂွတိုနဲ့များစပ်ပေးချင်ရသလားအမေရယ်လို့ရင်ထုပြီးသာအော်လိုက်ချင်တော့သည်။ဇော်မြင့်ခပ်လာပေးတဲ့ ရေကိုတင်သိန်းအေးလှမ်းယူပြီး ကျေးဇူးတင်ပါတယ်လို့ ပြောလိုက်တော့ပျာပျာသလဲ ခြေမကိုင်မိလက်မကိုင်မိနဲ့ကွမ်းစားထားတဲ့သွားနီကြီးပေါ်အောင်ရီပြီး“ဟာရပါတယ်ရပါတယ်.တင်တင်ရယ်။ရွာကိုလာလည်တာလိုအပ်တာပြောနော်။အားမနာနဲ့နော်။ နောက်နေ့ကျအကုန်လိုက်ပို့မယ်နော်သိလား”

တရစပ်ဖော်ရွေနေသောဇော်မြင့်ကိုကြည့်ရင်းတင်သိန်းအေးသာက်နေသည့်ရေပင်နင်သလိုလိုဖြစ်လာသည်။လူကြီးတွေဘာများပြောထားသည်မသိ။ဒီလောက်ဖော်ရွေနေပုံထောက်ရင်တော့။သူ့ယူမယ့်အစားတော့ကိုယ့်ဖာသာကိုယ်အပျိုကြီးဘ၀နဲ့ဘဲနေသွားရရင်ကောင်းမယ်ဟုသာတွေးနေမိသည်။ ပြောမယ့်သာပြောတာဟိုနှာဘူးလေးရဲထွန်းအောင်ကမှတော်သေး။ ယောကျာင်္းပဲဘူးတာတော့ဘူးမှာဘဲ။စိတ်ကူးယဉ်ရင်တောင်မှကြည့်ပျော်ရှု့ပျော်လေးပေါ့။ဘယ်နှယ့်ခုတော့ဒီဂွတိုဘူးတာကိုခံရမယ်ဆိုရင်တော့သိပ်တော့မနိပ်။အမေ့ကိုအမှတ်ဇီးရိုးသာပေးချပလိုက်မိသည်။ဘယ်နှယ့်တင်သိန်းအေးအမေဖြစ်ပြီးဖက်ရှင်အမြင်တစက်လေးမှမရှိ။ဒီလိုတောသားနဲ့များသဘောတူသတဲ့လား။ တောသားထဲမှာတောင်ဂွတိုပုပြတ် ပြောင်နေတဲ့တောသားမျိူးနဲ့မှသဘောတူတယ်ဆိုတော့တင်သိန်းအေကိုအရည်အချင်းမရှိဘူးလို့အမေကမှတ်ချက်ပေးတဲ့သဘောလား။ရတယ်လေတွေ့ကြသေးတာပေါ့။ရန်ကုန်ပြန်ရောက်မှအပြီအပြင်ကိုအလန်းဇယားခင်းပြီးရှာပြစမ်းပါ့မယ်။ဟင်းးဟင်းး တွေ့ကြသေးတာပေါ့လေ။အတွေးတွေနဲ့ တွေးနေတုန်း ဗြူန်းဆိုအနားကပ်ခေါ်သံကြောင့်ရုတ်တရက်လန့်ပြီးပါးစပ်ကယောင်ထွက်သွားသည်။  
“ အမလေး ကိုဂွတိုရဲ့”

အမေကတင်သိန်းအေးကိုရုတ်တရက်မျက်မှောင်ကြီးကြုံ့ပြီးလှမ်းကြည့်သည်။အငယ်ကောင်ကတော့တခွီးခွီးနှင့်ရီပြီးကွပ်ပြစ်ပေါ်ကခုန်ဆင်းသွားပြီ။ဇော်မြင့်ကပြောင်နေတဲ့နဖူးကိုကုတ်ရင်းတဟီးဟီးရီနေသဖြင့်တင်သိန်းအေးပူထူပြီးဘာပြောလို့ပြောရမှန်းမသိရှက်လိုက်သည့်ဖြစ်ခြင်း။အယောင်အယောင်အမှားမှားဖြင့် ခေါင်းကပါဝါကိုဆွဲဖြူတ်မိတော့တရုတ်အဖွားကြီးကေအကောက်များကဖွာလန်ကြဲပြီးထွက်လာပါလေရော။တင်သိန်းအေးဆံပင်အကောက်များကို ပြူးပြဲပြီးကြည့်နေသူကဇော်မြင့်။မျက်လုံးတွေကလှောင်ချင်သလိုလိုပြောင်ချင်သလိုလိုအရိပ်အယောင်သန်းနေသည်။ချက်ခြင်းကြီးလုပ်လာမိတာဆိုတော့ပုံမကျဖြစ်နေတာကိုး။ရှက်ရှက်နဲ့ဘဲ ခေါင်းစည်းကြိူးနဲ့အတင်းလုံးထွေးစည်းရတော့တာပေါ့။

အမေ့ကိုနားချင်တယ်ပြောပြီးအရီးသောင်းတို့စီစဉ်ပေးတဲ့အခန်းထဲဝင်လာခဲ့လိုက်သည်။အရီးသောင်းသမီးအမမလှခင်ကရေမိုးချိူးဖို့သဘက်တွေလုံချည်တွေယူလာပေးရှာသည်။ညနေအလှုအတွက်ချက်ပြုတ်နေသည့် နေရာကိုသွားရမည်ဖြစ်သဖြင့်မထူးတော့ရေချိူးမှဘဲဟုတွေးလိုက်ပြီးရေချိူးရန်ပြင်ဆင်ပြီးအမမလှခင်ကိုရေဘယ်နားချိူးရမလဲမေးလိုက်တော့အိမ်ရှေ့ရေကန်ဘောင်ပေါ်က ကျောက်စည်ပိုင်းကို မေးငေါ့ပြပြီး“အဲဟိုမှာချိူးရမယ်အတင်လေးရေ။ရေလည်းဖြည့်ထားပြီးသားရယ်။”  အမမလှခင်စကားအဆုံးသူပြတဲ့နေရာကိုကြည့်လိုက်တော့အမလေးလေးအိမ်ရှေ့တည့်တည့်။ရေကန်ဘောင်နားမရှိတရှိ။လူတွေကလဲဥဒဟိုဖြတ်သွားလာလို့။တပ်စည်းရိုးမရှိသောအိမ်တိုင်းလိုလိုကဒီရေချိူးတဲ့ နေရာကိုမြင်နိုင်လိုက်သမှ။ ရေချိူးပြီးဘယ်နားလဲရမလဲအမဟုမေးလိုက်တော့ဒီလိုဘဲအဲနားမှာဘဲလဲလို့ရတယ်လေဟူသောမလှခင်စကားကြောင့်တင်သိန်းအေး တော်တော်စိတ်ညစ်သွားပြီ။ဘယ်လိုမှမဖြစ်နိုင်။မဖြစ်နိုင်ပါ။လူပုံအလည်မှာဘယ်လိုရေချိူးဘယ်လိုဆပ်ပြာတိုက်ရမည်မသိ။ဘယ်လိုလုံချည်ကိုကွင်းလုံးချွတ်ချရမည်မသိ။ဒုက္ခတော့အကြီးအကျယ်ရောက်ပြီ။တင်သိန်းအေးတို့အိမ်မှာကမှလုံလုံခြုံခြူံရေချိူးခန်းလေးရှိသေးသည်။အမေ့ကိုကပ်ပြောတော့အမေကဘယ်တတ်နိုင်မလဲငါ့သမီးရယ် ရောမရောက်မှတော့ ရောမလိုကျင့်ပေါ့အေ။ဘယ်သူမှလည်းကြည့်မနေပါဘူးအေ။ မြန်မြန်သုတ်သုတ်ချိူးလိုက်ပေါ့တဲ့။

အမေစကားကြားမှပိုလို့တောင်ငိုချင်သွားမိသည်။ကဲရှေ့မျက်နှာနောက်ထားပြီးပဲချိူးရပေတော့မည်။မချိူးလို့ကလဲမဖြစ်။တကိုယ်လုံးညစ်ပတ်နေပြီ။စိတ်ညစ်ညစ်နဲ့ပဲ ရေကိုတ၀ုန်းဝုန်းလောင်းချပြီးဆပ်ပြာမတိုက်ဘဲအပေါ်ယံချိူးပြီးကမန်းကတန်းပြန်ဝင်လာရသည်။တင်သိန်းအေး တော်တော်တော့စိတ်ညစ်သွားသည်မှာအမှန်ပင်။ နောက်ထပ်လေးရက်ကျန်သေးသည်။ဘယ်လိုလုပ်ရမည်မသိ။ ရေမချိူးဘဲရန်ကုန်ကျမှပြန်ချိူးရင်ကောင်းမလား။ဟိုအထဲသည်အထဲပွတ်လို့မတော်။ ပေါင်တွေခြေသလုံး တွေပြောပါတယ်။ဆပ်ပြာမတိုက်လို့တော့မဖြစ်ဘူးမလား။ဘယ်တတ်နိုင်ပါ့မလဲမီးစင်ကြည့်ပွတ်ရတော့မှာပေါ့။အဲလေတိုက်ရတော့မှာဘဲပေါ့။ဒီလိုနဲရေမိုးချိူးပြီးဘုန်းကြီးကျောင်းသွားကြပြီးကူကြချက်ကြနဲ့ညဉ်နက်လာတော့အကုန်အိမ်ပြန်လာကြပြီးမောမောနဲ့အိပ်လိုက်ကြတာ။တရေးနိုးတော့၈ူး၈ူးနဲ့အသံကြီးကနားထဲဝင်လာပါ လေရော။ပထမကအိပ်ချင်မူးတူးနဲ့မို့ဘာသံမှန်း သေသေချာချာမသိသေးဘူး။ သေသေချာချာနားထောင်လေအသံကြီးကပိုပီပြင်လာလေနဲ့။ဘေးမှာအိပ်မောကျနေတဲ့အမေ့ကိုလက်ကုတ်ပြီးနှိုးရတော့တာပေါ့။ 

“ အမေ အမေ့ ထပါဦး အမေ့ ”

အိပ်မှုံစုံမွှားနဲ့ အမေပြူးပြဲပြီးနိုးလာတော့ “ဘာတုန်းအေ ညည်းကလဲ ” 

အမေ့အနားကပ်ပြီး“တိုးတိုးလုပ်ပါအမေရဲ့။ဘာသံကြီးလဲမသိဘူး။တဂူးဂူးနဲ့ထွက်နေတာသရဲခြောက်နေတာများလားဟင်”

“ မဖြစ်နိုင်တာအေ။ ဘယ်ကလာသရဲဖြစ်ရမှာလဲ။ ”

အမေကပြောပြောဆိုဆိုနားစွင့်ရင်းခြင်ထောင်ထဲမှလူးလဲထပြီးအိပ်ဆောင်ဓာတ်မီးလေးကိုထွန်းပြီးသားအမိနှစ်ယောက်အခန်းအပြင်ထွက်ကြည့်လိုက်တော့ဘုရားခန်းကြီးထဲမှာအတုံးအရုန်းအိပ်ပျော်နေကြတဲ့အဖေရယ်ကိုကြီးရယ်အငယ်ကောင်ရယ်နောက်ဇော်မြင့်ရယ်ဘကြီးရယ်နောက်အမမလှခင်ရဲ့သားမျောက်မူးလဲနှစ်ကောင်ရယ်အိပ်နေလိုက်ကြတာ။ကန့်လန့်တွေရောဇောက်ထိုးတွေရော။အဲထဲမှာအဆိုးဆုံးကအငယ်ကောင်နဲ့ဂွတိုဇော်မြင့်အဆိုးဆုံး။အငယ်ကောင်ခြေထောက်ကဇော်မြင့်လည်ပင်းကိုခွထားပြီးပုဆိုးကွင်းသိုင်းကျွတ်ပြီးတင်ပါးကြီးပြောင်နေအောင်အိပ်နေတဲ့ဇော်မြင့်ကကိုကြီးရဲ့နောက်ကျောကိုခွလို့။ဓာတ်မီးရောင်အောက်မှာအထင်းသား။အမလေးလေး။အရပ်ကတို့ရယ်အမေ့ဓာတ်မီးကသေးသာသေးတာ။အိပ်ဆောင်လို့ပြောပေမယ့်အလင်းအားကစူးနေတာ။မီးရောင်အောက်မှာဇော်မြင့်တင်ပါးမဲမဲကြီးကပြောင်လို့။တော်သေးတာပေါ။ပက်လက်လှန်အိပ်မနေတာဘဲတော်တော်ကံကောင်းသွားတယ်မှတ်ရမှာဘဲ။တင်ပါးမှာလဲငယ်ငယ်ကပွေးဝဲဂျွတ်တွေပေါက်ခဲ့တာတအားထင်တာဘဲ။အမဲရောင်အစက်အကွက်တွေမှအများကြီး။အမြင်အာရုံစူးရှတဲ့မျက်လုံးကလဲဒါမျိူးဆိုကွင်းကွင်းကွက်ကွက်ကိုသိပ်ရှိတာဂလား။ဂူးဂူးနဲ့ဟောက်နေတာဒင်းဆီကအသံ။အိပ်နေရင်ခြင်းထိုးတယ်ထင်ပါ့။ဖြန်းကနဲတင်ပါးကိုရိုက်ပြီးအိပ်ချင်မူးတူးနဲ့တဗြင်းဗြင်းကုတ်နေလိုက်တာတင်ပါးကြီးကို။အမလေးဝဲခြောက်တွေကွာကျကုန်တော့မှာဘဲ။ဘုရားဘုရားကိုကြီးတော့အိမ်အပြန်ဝဲခြောက်တွေကူးတော့မယ်ထင်တယ်။ 

အမေကဟိုဟိုသည်သည်လျှောက်ကြည့်ပြီး “ ပင်ပန်းပြီးအိပ်နေကြတာ ဟောက်သံပါအေ။ လာလာ ပြန်အိပ် ကြမယ် ”

အခန်းထဲရောက်တော့တော်တော်နဲ့ပြန်အိပ်လို့ကမရ။မျက်စိထဲတဗြင်းဗြင်းကုတ်နေတဲ့ဇော်မြင့်တင်ပါးကြီးကိုမြင်ယောင်ပြီးကိုယ်ပါရောယောင်ကုတ်ချင်တဲ့စိတ်ပါပေါ်လာသလိုလို။ဘုရားဘုရား။ဒါတွေကံကောင်းလို့မြင်ရတာပါလား။ရုပ်ရည်ဆိုးတာကြိတ်မှိတ်သည်းခံလို့ရသေးတယ်။ဒီလိုသာညအိပ်တိုင်းဝဲယားလို့ထထသာကုတ်နေရင်ဒုက္ခပဲ။သူ့ဆီက၀ဲခြောက်အမှုန်တွေကကိုယ့်ကိုမကူးဖူးလို့ပြောနိုင်လို့လား။ဆေးဆိုင်သွားဆေးဝယ်ရင်လဲဝဲဆေးလိုချင်လို့ပါလို့ ပြောဝယ်ရင်လဲအရှက်ကဗြန်းဗြန်းကွဲဦးမည်။အိမ်ကခွေးလေးဝဲတွေပေါက်နေလို့လိမ်းပေးချင်လို့ပါလို့ ပြောပြန်ရင်လဲလူစင်စစ်ကနေ ခွေးဝဲစားစင်စစ် ဖြစ်ပေဦးတော့မည်။မတွေးရဲပေါင်ယားလေစွ။ဟိုတွေးသည်တွေးနဲ့ဟိုနားကယားလာသလိုလိုကုတ်ချင်သလိုလိုနဲ့မနည်းကြိုးစားပြီးအိပ်လိုက်ရတာမိုးလင်းခါနီးမှမှေးခနဲအိပ်ပျော်သွားတော့သည်။အိပ်ယာကနိုးတော့အမေတို့တောင်အလှုသွားဖို့ပြင်နေကြသည်။ကမန်းကတန်းလူးလဲထပြီးမျက်နှာသစ်ဖို့နေရာရှာရင်းဗိုက်ကနာလာသည်။အင်းပေါ့မနေ့ကတနေကုန်စားသောက်ထားတာကိုယ်ထဲကနေအပြင်မှမထုတ်ရသေးတာ။

ဘုရားပန်းလဲနေတဲ့အရီးသောင်းကိုလှမ်းမေးလိုက်တော့အိမ်သာကအိမ်အနောက်တည့်တည့်ကိုမေးငေါ့ပြရင်းအမမလှခင်ကို ခေါ်သွားခိုင်းသည်။အိမ်အနောက်ဖက်ရောက်တော့မန်ကျည်ပင်ကြီးများနဲ့လေကတဟူးဟူးတိုက်နေသည်။အနောက်ဖက်မှာကလယ်ကွင်းတွေ။အိမ်သာကအိမ်အနောက်တည့်တည့်မှာ။ ဘေးဘီအိမ်များလဲမနီးမဝေးအိမ်သာလေးတွေကနှစ်အိမ်သုံးအိမ်ကြားတစ်ချိူ့ မြင်ရသည်။အိမ်သာတွေကအိမ်တိုင်းမှာမတွေ့ဘဲဘာလို့နှစ်အိမ်ကြားသုံးအိမ်ကြားမှာဆောက်တာလဲလို့မေးတော့ဒီလိုဘဲအိမ်သာကိုစုတက်ကြတာတဲ့။တစ်အိမ်တစ်လုံးသီးသန့်မရှိဘူးတဲ့အိမ်သာပြည့်သွားရင်စုပေါင်းပြီးတွင်းအသစ်တူးတာတွင်းဟောင်းလှယ်တာတဲ့အမမလှခင်ရဲ့အဖြေစကားအမလေးအိမ်သာတောင်စုပေါင်းစပ်ပေါင်းပါလားဟဲ့ဟုစိတ်ထဲကတွေးလိုက်မိသည်။သေချာကြည့်မိမှအိမ်သာလေးတွေကပုတုလေးတွေ။လူတစ်ထိုင်လွတ်စာကုန်းဝင်ရတဲ့ပုံစံလေးတွေ။ဗိုက်ကနာလာပြီ။မတတ်နိုင်ဘူးလေ။သူ့အရပ်ရောက်သူ့ဇာတ်နဲ့ကရမှာဘဲဆိုပြီးအိမ်သာထဲငုံ့ဝင်လိုက်တော့အောင်မလေးတွင်းကြီး။ရေလောင်းအိမ်သာမှမဟုတ်တာ။အိမ်သာကျင်းပေါ်မှာဝါးပိုးဝါးလုံးကြီးများကိုကန့်လန့်ခုတ်တင်ထားသည်။ဘုရားဘုရားမတော် ခြေချော်ပြီးကျလိုက်မှဖြင့်မတွေးဝံ့စရာ။ခေါင်းငုံ့ပြီးဝင်လိုက်တာဆိုတော့အစာဟောင်းတွေကလဲမမြင်ချင်စရာပဲ။ 

အိမ်သာအ၀င်က၀ါးတန်းကိုလက်ကအသေအချာကိုင်ပြီးဝင်လိုက်တော့အိမ်သာအကာကလှုပ်ခနဲတချက်ဖြစ်သွားလို့အမလေးရင်ထဲဒိန်းခနဲဖြစ်သွားသည်။တင်သိန်းအေးတို့ဘ၀ပြောင်းမည့်ကိန်းတော့မြင်နေပြီ။ဝါးလုံးကြီးပေါ်ခြေထောက်အမိအရတင်ပြီးအားရပါးရတံခါးပိတ်မယ်ကြံလိုက်တော့ဆာလာအိတ်အကာကလေထဲမှာတလွင့်လွင့်။အောက်ဖက်ကိုဘာနဲ့ဖိရမှန်းမသိလို့လက်တဖက်ကအိမ်သာအ၀င်ဝက၀ါးလုံးကိုကိုင်တဖက်ကဆာလာအိတ်အောက်စကိုဖိပြီးငုတ်တုတ်ထိုင်လည်းထိုင်ရောမျက်နှာကြီးကဘွားခနဲအပြင်လောကကိုမြင်နေရတာ။အပြင်မှာရပ်ရင်းကြက်တွေကိုဟိုဟိုသည်သည်မောင်းနေသောအမမလှခင်ကိုလဲအတိုင်းသားမြင်နေရသည်။ ဘေးအိမ်အနောက်အိမ်များကိုလဲအတိုင်းသားမြင်နေရသည်။သူတို့အိမ်အပေါ်ထပ်ကကြည့်ရင်လဲအိမ်သာထဲဘယ်သူရှိလဲခေါင်းကြိးပေါ်နေတာအတိုင်းသားမြင်နေရသည်။သေပါပြီ။ဒီလိုပုံနဲ့ဘယ်လိုထွက်ရမလဲ။နာနေသောဗိုက်ပင်မထွက်ချင်တော့သလိုလိုဖြစ်သွားပြီ။ကုတ်ကပ်ပြီး ပြန်ထွက်လာတော့အမမလှခင်ကပြီးပြီလားမြန်လိုက်တာလို့တောင်ဆီးမေးလိုက်သေး။ဟင့်အင်းပါမရဘူးလို့ပစ်ပစ်ခါခါပြောလိုက်ပြီးအိမ်ထဲပင်မရောက်။ 

ဗိုက်ကပြန်နာလာပြန်ပြီ။မရတော့။မရတော့ဘူး။အိမ်သာကိုခပ်သုတ်သုပ်ပြန်သွားပြီးဆာလာအိတ်တံခါးကိုအသေအခြာစုကိုင်ရင်းအားကုန်ကီသွင်းလိုက်တော့မထွက်။ဟင်။ဗိုက်ကနာပြီးဝမ်းများချူုပ်ပြီလား။ထပ်ကီသွင်းကြည့်သည်။မရသေး။အိမ်သာတိုင်ကိုကျစ်ကျစ်ပါအောင်ဆုပ်ရင်းကီထပ်သွင်း။မရ။အံတချက်ကြိတ်လိုက်ရင်းထပ်ပြီးကီထပ်သွင်း။ဒါလဲမရ။အမလေးကီသွင်းရ။ဆာလာအိတ်ကိုလေတိုက်ရင်ဖလန်းဖလန်းမဖြစ်အောင်စုကိုင်ရ။ဝါးပိုးဝါးပေါ်အားကုန်စုထားတဲ့ခြေထောက်တွေက တောင့်လာသလိုလို။အင်း..စိတ်ထဲကတော့တွေးမိ။ဘုရားဘုရား။ငါပြုတ်ကျလို့မဖြစ်ချေဘူး။လူကြားလို့မှမတော်တင်သိန်းအေးချီးတွင်းထဲပြုတ်ကျတယ်ဆိုလို့ကတော့အရှက်များဗြမ်းဗြမ်းကွဲလိုက်မယ့်ဖြစ်ခြင်း။ချွေးတွေတောင်ပျံလာသလိုလို။ကဲ နောက်ဆုံးတစ်ခေါက်လာလရော့ဟယ်.....။အံကိုကြိတ်ပြီးအားကုန်သုံးရင်းအိမ်သာတိုင်ကိုအားပြုပြီးကီသွင်းလိုက်တဲ့အချိန်မှာမျက်လုံးကအပေါ်ကိုမော့ကြည့်မိရက်သား။အပေါ်ထပ်ပြတင်းပေါက်ကနေကွမ်းစားထားတဲ့သွားကြီးတွေကိုအဖွေးသားနဲ့ရီပြနေတဲ့ ဇော်မြင့်။မိုက်ရိုင်းတာဒါမိုက်ရိုင်းတာ။ငါ့ခေါင်းကိုမြင်နေရတာတောင်မျက်နှာလွဲမသွားတာဒါသက်သက်မဲ့မိုက်ရိုင်းတာ။မရတော့ဘူးခုမှတော့။ဆာလာအိတ်တံခါးနားမျက်နှာကိုကပ်လိုက်တာပေါ့။

အားကုန်သုံးတော့ထွက်လာတဲ့ဟာတွေကပလုံဆိုအသံကြားလိုက်ရပြီးတင်ပါးကိုစိုသလိုလိုကြီးဖြစ်သွားတော့အောင်မလေးအောက်ကဟာတွေပြန်စင်တာဟဲ့ဆိုခပ်ကုန်းကုန်းလေးပြန်ထ။နောက်တစ်ခါထပ်ကီသွင်းနောက်တစ်ခါထပ်ကျရင်တခါ ပြန်ကြွသုံးလေးခါလောက်ကျတော့ဝါးပိုးဝါးလုံးပေါ်ထိုင်နေရတဲ့ခြေထောက်ကထုံသလိုလိုတောင့်သလိုလိုဖြစ်စပြူလာပြီ။ကိစ္စကမပြီးသေး။ကြွရင်းထိုင်ရင်းကြွရင်းထိုင်ရင်းနဲ့ ခြေထောက်တောင်တောင့်လာလိုက်တာများ။ကဲကိစ္စပြီးပြီဆိုပြီးကြည့်လိုက်တော့စက္ကူလဲမရှိရေလဲမရှိ။ဒါကြောင့် ဇော်မြင့်တင်ပါးဝဲခြောက်တွေပေါက်တာဟုခပ်မဲ့မဲ့တွေးလိုက်မိပြီးညအခါလသာသာမူလတန်းစာရွက်အပိုင်းအစလေးတွေထရံကြားထိုးထားတာနဲ့ရှင်းပြီးအားရပါးရထလိုက်တာ။ဝါးပိုးဝါးပေါ်ရပ်နေတဲ့ခြေထောက်ကတောင့်နေတော့အိမ်သာထရံကိုပိတ်ကိုင်လိုက်မိတာအပေါ်မှာတင်ထားတဲ့ဝါးကပ်နဲ့ ခေါင်းနဲ့တိုက်မိပြီးထရံကိုအားလွန်ဆုပ်မိလိုက်ပြီးဝုန်းဆိုအသံကြီးရယ်အမလေးအမေရေကယ်ပါဆိုတဲ့အသံကြီးရယ်ထရံနဲ့ဝါးလုံးကိုမရမကကုတ်ကပ်ဆွဲတက်နေတဲ့တင်သိန်းအေးရယ်ကိုဇော်မြင့်အပေါ်ထပ်ကနေမြင်နေရင်းဘယ်လိုမှအောင့်မနေနိုင်တော့။တဟီးဟီးကိုအသံထွက်ရီမိပြီ။ရီပြီးမှသတိရသည်။ပြေးဆယ်ဖို့။

တင်သိန်းအေးအသံကြီးနဲ့ဝုန်းဆိုတဲ့အသံကြီးကြောင့်အိမ်ထဲကပြင်ဆင်နေတဲ့အမေတို့အရီးသောင်းတို့လူကုန်ထွက်လာကြအော်ကြဟစ်ကြဆွဲကြလွဲကြမှဇော်မြင့်ပြေးဆင်းဖို့သတိရသည်။နီးစပ်ရာလူများတင်သိန်းအေးကိုဆွဲကြလွဲကြနဲ့တင်သိန်းအေးကျင်းထဲကပြန်တက်လာတော့ပေပွနံစော်ညစ်ပတ်လို့။ရှက်လိုက်သည်မှာပြောဖွယ်မရှိ။နာလဲနာနံလဲနံ။ဒီသောက်ချီးနဲ့ဘဲ ရေစက်ကပါပါနိုင်လွန်းသည်။တင်သိန်းအေးအာပြဲကြီးနှင့် အော်ငိုတော့သည်။ 

လက်တွေမှာခြေထောက်တွေမှာကိုယ်တ၀က်နီးပါးပေပွလို့။ဘေးကလူတွေကရေဆေးဖို့ရေပုံးတွေယူလာပေးသည်။ကံကောင်းသည်မှာလုံချည်တော့မကျွတ်သေး။ကျင်းတိမ်တာလဲကံကောင်းသွားသည်။လူတရပ်ကျင်းနက်လို့ကတော့တခါထဲပါးစပ်ထဲပလုံပြီးသားဖြစ်သွားနိုင်သည်။ဘာပြောကောင်းမလဲရွံလိုက်တာဆိုတာ။အရေးထဲမျက်ရည်တွေ မေ့ပြီးသုတ်မိတာမျက်နှာပါသုတ်သလိုဖြစ်သွားလို့မျက်လုံးမှာအဖတ်လိုက်ကပ်နေသေး။ဆံပင်အကောက်တွေကလဲဖွာလန်ကြဲလို့ထရံရိုးကကပ်နေသေး။အမေကလဲ ဘေးကရေတွေလောင်းပေးရင်း“ကံကောင်းလို့ပေါ့အေလူသူမရှိမှပြုတ်ကျနေရင်ညည်းသေပြီငါ့သမီးရယ်ဆိုတဖွဖွပြော။အမမလှခင်တို့ကလဲဘေးကနေရေတွေလောင်းပေးဆေးချပေးနဲ့တော်တော်ကြီးကြာမှအပြီးသတ်တော့သည်။ကိုယ့်ကိုယ်ကိုလဲမသတီတော့။ရှက်လိုက်တာဆိုတာ။ဇော်မြင့်ကတော့ဘယ်ေ၇ာက်သွားပြီမသိ။အားနာသွားတာလားသူ့ကိုဂွတိုဟုပြောလို့ဘဲလာမဆယ်တာလားမသိ။အမြီးတောင်မမြင်ရတော့။အဖေတို့ကတော့ဘုန်းကြီးကျောင်းရောက်နေပြီမို့တဆင့်စကားနဲ့တင်သိန်းအေးအိမ်သာကျင်းထဲ ပြုတ်ကျသည့်သတင်းကိုကြားပြီးပြီ။

တင်သိန်းအေးအလှုကိုမသွားရဲတော့။ဟုတ်တယ်လေဘယ်မျက်နှာနဲ့သွားရမလဲ။ဘယ်သူသိသိမသိသိဇော်မြင့်မြင်သည်။ဇော်မြင့်သိသည်။။မြိူ့ကလာတဲ့သူတွေဧည့်သည်တွေဆိုပြီးရွာကလူတွေကစိတ်ဝင်တစားရှိနေတာ။ခုလိုသာဆိုဘယ်လိုပုံနဲ့လူတောထဲသွားရမလဲ။ပြန်ပါရစေအမေရဲ့ ပြန်ပါရစေတဂျီဂျီနဲ့ငိုယိုပြီးတောင်းပန်မှအမေကလဲ“ကဲသည်လောက် တောင်ဖြစ်တာပြန်အေ။အငယ်ကောင်ပါတပါတည်းခေါ်ပြန်ချေ”ဆိုလို့.အရီးသောင်းတို့တားနေတဲ့ကြားကဇွတ်ပြန်လာလိုက်တော့သည်။လူကြီးတွေလဲမတတ်နိုင်စီစဉ်ပေးရတော့သည်ပေါ့။လင်းလင်းထင်းထင်းရှိတုန်းပြန်ကြဆိုပြီးမောင်နှမနှစ်ယောက်ကိုလှည်းနှင့်တင်ပေးလိုက်သည်။အငယ်ကောင်ကတော့မကျေနပ်။သူရွာမှာမကဲရတော့လို့။စိတ်ကောက်ပြီးစကားတောင်မပြောဘဲလိုက်လာသည်။ 
 ရန်ကုန်ပြန်ရောက်တော့ဆပ်ပြာကိုအခါတရာလောက်တိုက်ပြီးရေနွေးနဲ့ပါစိမ်ချိူးပလိုက်ရသည်။ကျန်သည့်ခွင့်လေးရက်ကိုအိမ်မှာဘဲနေပလိုက်သည်။ဘယ်မှလဲမထွက်ချင်။စိတ်ကလဲမသတီ။ထမင်းစားတာတောင်ဇွန်းနဲ့စားရသည်။ဘာမှလဲကလက်ကကိုင်တွယ်ပြီးမချက်ပြုတ်ချင်လို့မောင်နှမနှစ်ယောက်ဆိုင်မှာဝယ်စားဖြစ်ကြသည်။စိတ်ထဲမှာတော့အိမ်အပေါ်ကဲလားပေါက်ကနေရီပြနေတဲ့ ဇော်မြင့်မျက်ခွက်ကြီးကိုအိမ်သာကျင်းထဲအကြိမ်ကြိမ်ဆွဲချနေမိသည်။ဘယ်နှယ့် ပြုတ်ကျသွားတာလာမဆွဲတဲ့အပြင်တဟီးဟီးနဲ့အပေါ်ကနေအော်ရီနေလိုက်တာများ။ဒါဖြင့်သင့်လား။တကယ်ဆို ပြေးပြေးလွှားလွှားဆင်းလာပေါ့။ရုပ်ဆိုးရတဲ့အထဲကူညီချင်စိတ်မရှိတဲ့သူ။ဘယ်သောအခါမှအဖေ့ရွာကိုမလိုက်တော့ဘူးလို့ဆုံးဖြတ်ချက်ချလိုက်သည်။နောက်တစ်ခါချီးတွင်းထဲပြူတ်ကျမခံနိုင်။ခုတောင်ပွန်းပဲ့လာသည့်ဒဏ်ရာများကိုကြည့်ကြည့်ပြီး တော်တော်ကိုယ့်ကိုကိုယ်သနားနေမိသည်။

အမေတို့ပြန်လာတော့အဖေကဘာဖြစ်သေးလဲဆိုတာကလွဲလို့ထွေလာကေလာမမေးပေမယ့်အမေကတဗျစ်တောက်တောက်နဲ့ဆူသလိုလိုမာန်သလိုလိုညည်းသလိုလိုလေးနဲ့ လေပြေသွေးသည်။

“ညည်းကလဲအေတားမရဆီးမရဇွတ်ပြန်သွားလိုက်တာများ။ဟိုမှာတရွာလုံးလူတွေကအလှုကျမေးကြမြန်းကြ။တို့လူကြီးတွေမှာဘာဖြေရမှန်းတောင်မသိဘူး။တကယ်ဆိုဘာဖြစ်လဲနေလို့ရတာဘဲမဟုတ်လား။မောင်ဇော်မြင့်လေးကတောင်ဟိုမယ်ကောက်ညှင်းကျည်တောက်တွေလက်ဆောင်ပေးလိုက်သေးတယ်ညည်းစားဖို့တဲ့။ဟောဟိုမှာ”
အမေ့စကားအဆုံး တင်သိန်းအေး ပါးစပ်ကအသံအကျယ်ကြီးထွက်သွားသည်။ 
“ ဘာ ကောက်ညှင်းကျည်တောက်ပေးလိုက်တယ် ဟုတ်လားအမေ ”
“ ဟဲ့ အလန့်တကြားနဲ့ ဘာဖြစ်တာလဲ သူများကစားစေချင်လို့ စေတနာနဲ့ပေးလိုက်တဲ့ဟာကို ”
“တော်တော်အမေဒီစကားဒီတင်ရပ်။ဒင်းဒါစေတနာနဲ့ပေးတာမဟုတ်ဘူး။တခုခုအကြံအစည်နဲ့ကိုပေးတာ။အမေမသိပေမယ့်သမီးသိတယ်နော်။ဒီလူသွေးရိုးသားရိုးနဲ့ပေးတာမဟုတ်ဘူးနော်” ”
တင်သိန်းအေးယမ်းပုံမီးကျဒေါသထွက်လဲထွက်ချင်စရာ။ဇော်မြင့်ကအိမ်အပေါ်ကနေတင်သိန်းအေးကီအမျိူးမျိူးသွင်းနေတဲ့မျက်နှာကို မြင်ထားလို့ရန်ကုန်ကျကိုယ့်အိမ်သာနဲ့ကိုယ် ကောက်ညှင်းကျည်တောက်စားပြီးကီသွင်းချင်သလိုသွင်းလို့ဒါပြောလိုက်တာနဲ့အတူတုဘဲ။
ဟင်..ဂွတိုဇ်ာမြင့်ဝဲခြောက်ပေါက်ဇ်ာမြင့်။ကာလနာ!@#$%^&()!@#$%^&)_+!@#$%^&* ”
ယတိပြတ် စိတ်ဆုံးဖြတ်ပြီးအမေ့ကိုတခွန်းထဲပြောလိုက်သည်။

“ဒီမှာအမေ..ဒီလိုတင်ပါးမှာဝဲခြောက်တွေပေါက်။ညညတဗြင်းဗြင်းနဲ့ကုတ်။အိမ်သာတက်တော့တွေ့တဲ့ဗလာစာရွက်နဲ့ချီးကုန်းဒီလိုလူမျိူးနဲ့သမီးကိုလုံးဝအကြောင်းမဟပါနဲ့အမေ။အပျိူကြီးဆိုလဲအပျိူကြီးဘဲလုပ်ပါတော့မယ်။သမီးသူ့ကိုယူပြီးဝဲကူးတဲ့ဒဏ်ဝဲကုတ်ရမယ့်ဒဏ်လဲမခံနိုင်ဘူး။တထိုင်စာအိမ်သာထဲမှာထိုင်ပြီးလဲချီးမပါနိုင်ဘူး။နောက်တစ်ခါလဲချီးတွင်းထဲအကျမခံနိုင်ဘူး။ချီးတခါပါတိုင်းတခါမတ်တတ်ရပ်ရတဲ့ဒုက္ခလဲမခံစားနိုင်ဘူး။နောက်တခါအဖေတို့ရွာကိုလဲမလိုက်ဘူး။အဲဒီဇော်မြင့်အကြောင်းလဲမဟပါနဲ့တော့အမေ။ဒါဘဲ”

ခပ်ပြတ်ပြတ်ပြောလိုက်တဲ့တင်သိန်းအေးစကားအဆုံးအမေကပါးစပ်အဟောင်းသားနဲ့လှမ်းကြည့်နေသည်။တင်သိန်းအေးခေါင်းကိုခါပြီးအိမ်ရှေ့ကိုထသွားပြီးတော့ခပ်မဲ့မဲ့ ပြူံး ပြစ်လိုက်သည်။မတတ်နိုင်။ပြတ်သားမှဖြစ်ပေမည်။မတော်ထိုင်နေရင်းအကောင်းသား။ကံကောင်းလို့သူ့ယူပြီးမှဝဲခြောက်ကုတ်ရတော့မလို့။ဟင်းးဟင်းးသိတယ်မလားတင်သိန်းအေးဘဲဟာဒါမျိူးတော့ဘယ်ရမလဲ။နောက်မို့ဆိုနောက်တခါချီးတွင်းထဲပြုတ်မကျဘူးလို့ဘယ်သူပြောနိုင်သလဲ။ဝဲခြောက်တင်သိန်းအေးလို့ရောအမည်မတွင်ပါဘူးလို့ဘယ်သူပြောနိုင်သလဲ။ကဲပြော”


 
ပြီးပါပြီ

အားလုံးပြူံးပျော်ရွှင်မြူးနိုင်ကြပါစေ

စာဖတ်သူများအားလုံးကိုလေးစားလျှက် 
မဒမ်ကိုး
၂၀.၃.၂၀၁၄ 
ကြာသာပတေးနေ့
၅.၅၀ မိနစ်



8 comments:

Ma Tint said...

မနက်စောကဖတ်ပြီး ကွန်နက်ရှင်ကြောင့် ကွန်မန့်ခုမှ ပေးလို့ရတယ် မဒိုးရေ ...
မဒိုးရဲ့ဆောင်းပါးလေးတွေဖတ်တိုင်း တခွိခွိနဲ့ဖတ်ရတာကို သဘောကျတယ်- ဥပမာ...
'ဒီဖက်ကဆံပင်ဟိုဘက်အထိပို့ထားရတဲ့ သူကများ ချောကလက်ကျွေးချင်သေးသတဲ့'
'နဖူးပြောင်တာကိုသိပ်မုန်းတဲ့သူကို ဒီလိုဂွတိုနဲ့များ စပ်ပေးချင်ရသလားအမေရယ်လို့ ရင်ထုပြီးသာအော်လိုက်ချင်တော့သည်'.. :D

မေတ္တာဖြင့်
တီတင့်

Han Kyi said...

ဂျာရစ်...အရေးအသားကတော့ ရှယ်ပါပဲဗျား...တင်သိန်းအေးကို အပီပြင်ဆုံး သရုပ်ဖော်ထားတာပဲကိုး...ဂျာနယ်တို့ မဂ္ဂဇင်းတစ်ခုခုတို့မှာ ပါသင့်တဲ့ အရေးအသားလို့ ယူဆမိတယ်...တို့များ ဘကုန်းရွာမှာလည်း ပေမီဒေါက်မီ စာသမားတွေရှိတယ်ဆိုတာ ပြလိုက်စမ်းပါလေ...အားပေးပါတယ်...

မိုးငွေ့........ said...

ငလုံးရယ် ဗိုက်တောင်အောင့်တယ် ရယ်ရလွန်းလို့...ဖတ်ရင်းနဲ့ ကီပါလိုက်သွင်းမိတော့မလိုအေ...။

Iora said...

ဒါဖြစ်ရပ်မှန်ဖြစ်ရမယ်။း) ခွီ..
အိမ်သာထဲမှာကျင့်သုံးရတဲ့နည်းစနစ်ရယ်
အိမ်သာရဲ့ အခင်းအကျင်းကိုဖွဲ့ ထားတာရယ် အရမ်းလက်တွေ့ ကျတယ်။
ကုိုယ်ကနယ်ပေါင်းစုံကွင်းဆင်းခဲ့ရလို့ အိမ်သာဇာတ်လမ်းမျိုးစုံကြုံခဲ့ဘူးတော့အရေးအသားပီပြင်လှချည်လားလို့ တွေးမိတယ်။
မျက်နှာပေါ်နေတာရောကုိုယ်အိမ်သာသွားတာတရွာလုံးကမြင်နေရတာရော..
သိပ်ပီပြင်တယ်။
သိပ်သဘောကျတယ်။
စာဖတ်နေရင်းအသံထွက်အောင်ရယ်နေရတယ်။
တဆက်တည်းကွင်းဆင်းခဲ့ရတဲ့ဘ၀တွေပါအမှတ်ရသွားတယ်။း)
စာတွေဆက်ရေးပါ။ ဂျာရစ်ရဲ့ ရေးဟန်ကုိုအရမ်းသဘောကျတယ်။
ချီးလည်း(တွင်းထဲမှပစ္စည်ကိုဆိုလိုခြင်းမဟုတ်)ချီးကျူးတယ်။
အုိုင်အိုရာ

မိုးသက် said...

အိမ်သာထဲကို လှမ်းရယ်ပြနေတဲ့နေရာ..
အော်ရယ်လိုက်မိတယ်. ဟားဟားဟားဟား..

အမ်တီအန် said...

အစကနေ အဆုံးအထိကို ဆွဲခေါ်သွားတော့တာပဲ တင်သိန်းအေးရယ်... ကိုယ်တွေ့လေးများလားမသိ... :)
စကားမစပ် ရယ်စရာမဂ္ဂဇင်းကို (
yisayar.magazin@gmail.com) ပို့ကြည့်ပါလား ညီမရေ..။

ခင်မင်သော-
မြသွေးနီ

အမ်တီအန် said...

အစကနေ အဆုံးအထိကို ဆွဲခေါ်သွားတော့တာပဲ တင်သိန်းအေးရယ်... ကိုယ်တွေ့လေးများလားမသိ... :)
စကားမစပ် ရယ်စရာမဂ္ဂဇင်းကို (
yisayar.magazin@gmail.com) ပို့ကြည့်ပါလား ညီမရေ..။

ခင်မင်သော-
မြသွေးနီ

Adora etc. said...

အမရယ် ရီလိုက်ရတာ။ ကောင်းလိုက်တာအရမ်းပဲ။

Related Posts Plugin for WordPress, Blogger...