နတ်ရေကန်ထဲ ဆင်းကြသူများ

အိမ်ထောင်ပြုခြင်းဆိုတာကို လွယ်လွယ်ပြောရရင် သွေးသားတော်စပ်ခြင်းမရှိသော မိန်းကလေးတစ်ယောက် နှင့် ယောကျာင်္းလေးတစ်ယောက်တို့ လူသိရှင်ကြား တရားဝင် အတူတကွနေထိုင်ကြခြင်းလို့ ပြောကြပါလိမ့် မယ်။ခက်ခက်ခဲခဲတော့ ဘယ်လိုပြောလည်း ကျွန်တော်မသိပါဘူး။ချစ်လို့ယူတာပဲဖြစ်ဖြစ်၊မချစ်ပဲနဲ့ အတူတူ -နေရတာပဲဖြစ်ဖြစ်၊မိဘတွေ သဘောတူပေးစားလို့ ယူထားကြတာပဲဖြစ်ဖြစ် ပုံစံအမျိုးမျိုးနဲ့ အိမ်ထောင်ပြုခြင်း အမှုကို -ကျွန်တော်တို့တွေ ပြုလုပ်နေကြတယ်။မြင်တွေ့နေကြရပါတယ်။မည်သည့် အသက်အရွယ်မှာ အိမ် -ထောင်ကျသည်ဖြစ်စေ အိမ်ထောင်ပြုပြီးသွားပြီဆိုရင်တော့ ဘာအကြောင့်မှန်းမသိ အဲဒီလူကို “လူအို ဖြစ် သွားပြီ”လို့ အားလုံးက တစ်ညီတစ်ညွတ်တည်း သတ်မှတ်ပေးလိုက်ကြပါတယ်။ဘယ်အချိန်က စလိုက်မှန်း၊ ဘယ်သူက စပြီးတီထွင် သတ်မှတ်ခဲ့တဲ့ စကားလုံးဖြစ်လည်း ဆိုတာတော့ ဘယ်သူမှမသိပါဘူး။

အိမ်ထောင်ပြုပြီးသား ယောကျာင်္း မိန်းမ နှစ်ယောက်ဟာ အိမ်ထောင်ပြုပြီးသည်နဲ့တပြိုင်နက် ဟိုးယခင် သာမာန် သမီးရည်းစားဘ၀လို မဟုတ်တော့ပဲ ယောကျာင်္းဖြစ်သူရဲ့ ကိစ္စအ၀၀၊မိန်းမဖြစ်သူရဲ့ ကိစ္စအ၀၀ကို ကျန်တဲ့တစ်ဦးက အလိုအလျောက် ၀င်ရောက်စွပ်ဖက်ခွင့် ထိန်းကျောင်းပြုပြင်ခွင့် ရသွားတတ်တယ်။ တစ်ယောက်အကြိုက်ကို ကျန်တဲ့တစ်ယောက်က မိမိမကြိုက်သည်ဖြစ်စေ သည်းလံခွင့်လွှတ်ပြီး လုပ်ကိုင်ပေး တတ်ကြတယ်။ကျွန်တော့ရဲ့ အဖေနဲ့အမေညားတော့ ရွာသူဖြစ်ပေမဲ့ ငပိအနံ့မခံနိုင်တဲ့အမေဟာ အဖေ့ေ-ကြာင့် ကိုယ်တိုင် အဖေစားမဲ့ငါးပိကို တစ်နှစ်စာ သိပ်ပေးရတဲ့လူ ဖြစ်လာတယ်။ကျွန်တော့ဦးလေးနဲ့ ညားတဲ့ ဦးလေး မိန်းမဟာ ဆူးပုပ်ရွက်ကို သိပ်မုန်းပေမဲ့ ဆူးပုပ်ရွက်သိပ်ကြိုက်လွန်းတဲ့ ဦးလေးကြောင့် သူမကိုယ်တိုင် ဆူးပုပ်ပင်ကို ရေလောင်းပေး ရတဲ့သူ ဖြစ်လာခဲ့တယ်။အဲ့ဒါကြောင့် ကျွန်တော်တို့ရွာတွေ ဘက်မှာဆို ပြောကြ ပါတယ်။“အောင်မလေး..ကြည့်စမ်းပါအုံး..အိမ်ထောင်ကျတာ နတ်ရေကန်ထဲ ပစ်ချခံလိုက်ရသလား အောက် လား အောက်မေ့ရတယ်။အမေ့အိမ်မှာ မလုပ်ဘူးသမျှ လင်နဲ့ကျမှ လက်ကကို မချရတော့ဘူး.။အချိုးပြေစေ ချင်ရင် အိမ်ထောင်သာ ချပေးလိုက်ကြ” လို့ နောက်ပြောင် ပြောရတဲ့အထိပါပဲ။

တစ်ချို့ အိမ်ထောင်သည်တွေ တွေ့ဘူးကြုံဘူးပါတယ်။မိဘအိမ်မှာ အေးရာအေးကြောင်း နေခဲ့ရပေမဲ့ အိမ်ေ ထာင်ကျသွားမှာ ခေါင်းပေါ်ကို ဈေးတောင်းတင်ပြီး ရပ်တကာလှည့်ရတယ်။ဆိုက်ကားကို တစ်နေကုန် နေပူ မရှောင် မိုးရွာမရှောင် နင်းရတယ်။မိဘအိမ်မှာ ငါးပါးသီလမြဲကြပေမဲ့ အိမ်ထောင်ကျမှ ကိုယ်တိုင် ငါးခေါင်းထု တဲ့သူ ဖြစ်လာရတယ်။ကျွန်တော့အသိ ကောင်လေးတစ်ယောက်ဆို အမေ့အိမ်မှာ တစ်ဦးတည်းသောသား ချမ်းချမ်းသာသာနေခဲ့ရပေမဲ့ ချစ်လို့ယူတဲ့မိန်းကလေးက မန်ကျည်းရွက်ရောင်းတဲ့သူဖြစ်နေတော့ သူခမျာ မန်ကျည်းရွက်နုချိန်ဆို မန်ကျည်းပင်ပေါ်ကကို မဆင်းရတော့ဘူး။ကျွန်တော့အကိုကြီး ကိုညိမ်းနိုင်ဆိုရင် လည်း အိမ်ထောင်မကျခင်က နေ့စဉ် ဘီယာဆိုင်ကမပြန်ပေမဲ့ အိမ်ထောင်ကျတော့ ဘီယာနံ့မခံနိုင်တဲ့ မိန်းမကြောင့် သူ့ခမျာ အခုဆိုရင် ပုတီးကြီးလည်ပင်းဆွဲပြီး လူဖြစ်နေပေမဲ့ ကြည်ညိုဖွယ်ကြီးဖြစ်လို့.။

အိမ်ထောင်ကျမှ ကောင်းစားသွားကြတဲ့ စုံတွဲတွေလည်း ကျွန်တော်တို့ ပတ်ဝန်းကျင်မှာ ဒုနဲ့ဒေးရှိကြပါတယ်။ ကံကြမ္မာများ တကယ့်ကို ဆန်းကြယ်လွန်းလှတယ်။

ကျွန်တော်ကိုယ်တိုင်လည်း အများကြီး ပြောင်းလဲလာခဲ့တယ်လို့ ဆိုနိုင်ပါတယ်။တရုတ်စာကို ဘယ်တော့မှ မစားတဲ့ ကျွန်တော်ဟာ ကျွန်တော့ အမျိုးသမီးကြောင့် တရုတ်စာကို ကြိုက်တတ်လာခဲ့တယ်။ချဉ်ချဉ်စပ်စပ် စားတဲ့ ကျွန်တော်က အချိုစားတဲ့ မိန်းမကြောင့် ကိုယ်တိုင် ထန်းလျက်တောင်း ခေါင်းပေါ်တင်ထားရတဲ့လူ ဖြစ်လာတယ်။မိန်းမဘက်ကကြည့်ရင်ရော..သူလည်း အများကြီး ပြောင်းလဲပစ်ခဲ့ရတယ်။လမ်းဘေးက အစား အသောက် ဘယ်တုန်းကမှ မစားခဲ့တဲ့သူမဟာ ကျွန်တော့်ကြောင့် လမ်းဘေးဈေးသည်နဲ့ပါ သူငယ်ချင်း ဖြစ်သွားရတယ်။အပူအစပ်မစားတဲ့သူမဟာ ကျွန်တော့်ကြောင့် ကိုယ်တိုင် ငရုတ်ပင်ရေလောင်းတဲ့သူ ဖြစ် မှန်းမသိ ဖြစ်လာခဲ့ရတယ်။နောက်ထပ် ပြောင်းလဲလာတာတွေ အများကြီး ရှိပါသေးတယ်။

တကယ်တော့ အိမ်ထောင်ပြုတယ်ဆိုတာ အတူနေလိုက် ပြီးသွားရောဆိုတဲ့ ကိစ္စတစ်ခု မဟုတ်ပါ ဘူး။ယောကျာင်္းပဲ ဖြစ်ဖြစ် မိန်းမပဲဖြစ်ဖြစ် အိမ်ထောင်ပြုလိုက်တာနဲ့ ကိုယ့်ရဲ့ ကံကြမ္မာကို အဲဒီယောကျာင်္း အဲဒီမိန်းမနဲ့  အလဲအထပ်ပြုလုပ်လိုက်ခြင်းပါ။ချစ်နေတာတစ်ခုတည်းနဲ့  ဘ၀တစ်ခု တည်ဆောက်ဖို့ မလွယ် လှပါဘူး။အစစ အရာရာချင့်ချိန်ပြီး အိမ်ထောင်ပြုကြတာတောင် တကယ်ညားကြတဲ့အခါ  အနည်းနဲ့အ များတော့  ဒုက္ခရောက်ကြတယ်။တူနှစ်ကိုယ် တဲအိုပျက်မှာ နေရနေရဆိုပြီး ဇွတ်လုပ်ကြပြီးမှ တကယ် တဲအိုပေါ်နေရတဲ့အခါ တစ်ယောက်မျက်နှာ တစ်ယောက် မကြည့်ချင်လောက်အောင်  မျက်နှာချင်း ဆိုင်မိကြတာနဲ့ မောင်တို့ မယ်တို့ဆိုတဲ့ နာမ်စားနေရာမှာ “ဟဲ့..မသာမ..” “ဟဲ့.. သေနာကောင်”ဆိုတဲ့ နာမ်စား လေးတွေ ဖြစ်လာကြပါတယ်။

လှေကားသုံထစ်ဆင်းရင် ယောကျာင်္းတွေက လူပျိုပြန်ဖြစ်နိုင်ကြပေမဲ့ မိန်းကလေးတွေကတော့ လှေကားသုံး ထစ် ဆင်းတာပြီးတာနဲ့ တစ်ခုလပ်ဘ၀ကို ရောက်သွားပါတယ်။ကမ္ဘာပေါ်မှာ ယူပြီးတာနဲ့ ပြန်ပြီးလဲလို့ မရတဲ့ အရာတွေထဲမှာ မိန်းမနဲ့ ယောကျာင်္းဟာ တန်ဖိုးအကြီးဆုံး အရာတွေပါ။

တစ်ချို့ က နတ်ရေကန်ထဲမှာ စာသင်နေကြတယ်။တစ်ချို့ လူတွေ နတ်ရေကန်ထဲမှာ ကားမောင်းနေကြတယ်။ တစ်ချို့ လူတွေက အဲဒီရေကန်ထဲမှာ ရွှေရောင်းနေ ကြတယ်။တစ်ချို့ လူတွေ အဲဒီကန်ထဲမှာ ငါးခုတ်၊၀က်ပေါ် အလုပ်ကို လုပ်နေကြတယ်။တစ်ချို့ လူတွေ အဲဒီရေကန်ထဲမှာ ဖိနပ်ချုပ်နေကြတယ်။ကမ်းပေါ်ပြန်တက်ဖို့ ကျိတ်ပြီး ဆုတောင်းနေတဲ့လူတွေ ရှိတယ်။ ကမ်းပေါ်မှာ အဲဒါတွေကို လှမ်းမြင်ပြီး အားကျလို့နတ်ရေကန်ထဲမှာ ဘာပဲလုပ်ရလုပ်ရ အလုပ်လျှောက်မဲ့ သူတွေ လည်း ကျိတ်ကျိတ်တိုး နေကြတယ်။တစ်ချို့ လူတွေကတော့ နှာခေါင်းရှုံ့ ပြီး အဲဒီကန်ရဲ့ ဝေးဝေးမှာ ခပ်ခွာခွာနဲ့ သမင်လည်ပြန် ကြည့်နေကြတယ်။

ဘယ်လိုပဲဖြစ်ဖြစ် နတ်ရေကန်ကြီးကတော့ ဆင်းတဲ့လူတွေရဲ့ကြုံးဝါးသံ ၊တက်တဲ့လာတဲ့ လူတွေရဲ့ ညည်းတွား သံ ၊ အသံတွေနဲ့ လှပလို့ စည်ကားလို့...။

သင်ရော အဲဒီကန်ထဲက တက်ဖို့ ကြိုးစားနေတာလား.. ဆင်းဖို့ ကြံစည်နေတာလား..ဒါမှမဟုတ် သမင်လည် ပြန် ကြည့်နေတဲ့ သူပဲလား..သိချင်စမ်းပါဘိ..။

ကိုရင်
24:18(GMT)

.