လူကြုံ ပါးပါရစေ

မဒမ်ရေ..

သီတင်းတော့ ကျွတ်ပြန်ပြီ..ဒီနှစ် သီတင်းကျွတ်ကလည်း မနှစ်က သီတင်းကျွတ်လိုပါပဲ။ပိန်ကပ်ကပ်နဲ့ ကြည့်ရ အတော်ဆိုးတဲ့ သီတင်းကျွတ်ပဲ။လပြည့်နေ့ကတော့ အစောကြီးထပြီး ပြတင်းပေါက်ကနေ လကြီးကို ထိုင်ငေး ပစ်လိုက်တယ်။သူကတော့ ကျုပ် ငေးနေတာကို သိဟန်မတူပါဘူး။မဒမ်ရော ကျုပ်လိုပဲ ကောင်းကင်ကြီးကို ကြည့်ငေးနေမလား..ပို့သတဲ့မတ္တာတွေကြေင့်ပဲ နှစ်နှစ်ခြိုက်ခြိုက် အိပ်ပျော်နေခဲ့မလား သိချင်လိုက်တာ....။

မဒမ်ရေ..

ဒီနှစ်သီတင်းကျွတ်မှာ နည်းနည်း ထူးခြားပြီး မင်္ဂလာရှိတာကတော့ အကျဉ်းသားတွေ လွှတ်ပေးတယ်ဆိုတဲ့ သတင်းပေါ့။ကြားရတာ တကယ့်ကို ၀မ်းသာစရာ။ဒီလောက်ဆို မဒမ်လည်း ကြားပြီးလောက်ရောပေါ့။ အင်း..ကျောင်းတော်ကြီးက လွတ်မြောက် လာခဲ့ကြတာဆိုတော့ ကာယကံရှင်တွေ၊သူတို့ရဲ့ မိသားစုဝင်တွေ  အတွက် ဘယ်လောက်များ မင်္ဂလာရှိလိုက်ပေမလဲကွယ်..။လွတ်သင့် လွတ်ထိုက်သူတွေ လွတ်လာ ကြတာကို ၀မ်းသာမိသလို မလွတ်သင့် မလွတ်ထိုက်တဲ့သူတွေ ပါလာမှာကိုတော့ ကျုပ်စိုးရိမ်မိတယ် မဒမ်..။ဒါကတော့ သူတို့တွေ ပိုသိကြပေမပေါ့...ဆရာချော ပြောသလိုဆိုရင်တော့ လမ်းချင်းဆုံလို့ လူချင်းတွေ့ကြတာပဲနေ မှာပါ.။

မဒမ်ရေ..

ပင်လယ်ပြင်ကြီးကတော့ ခန့်မှန်းရခက်တာ သဘာဝပေပဲလား..။မျက်လှည့်၊လက်လှည့်၊စက်လှည့်တို့ထက် ပိုပြီးခန့်မှန်းရခက်တာက နိုင်ငံရေးလှည့်ကွက်ပဲကွဲ့။အခု မုန်လာဥ တော်ကြာ ခရမ်းသီးလုပ်တာ မဟုတ်ရပါ ဘူး။ဒီစိတ်ကိုက ငါမပိုင်တာလေကွယ်။ခွင့်လွှတ်ပေးပါ..ခွင့်လွှတ်ပေးလိုက်ပါ...ကွက်ကြားရွာလည်း မေတ္တာမိုး ဆိုတာဟာ စွေကာင်းတဲ့အရာကွဲ့..ခေတ်ရဲ့ သဘောအရ ဆိုရင်တော့ အညာမှာမွေးလည်း ကျုပ်တို့ .. ရေကူး တတ်ဖို့လိုပြီ မဒမ်..။

မဒမ်ရေ.. 

ဒီနေ့ ပန်းခြောက်က မနက်ဖြန်ပန်းပင်ဖြစ်ဖို့.တဲ့။ဘယ်သူမှ ရေလောင်းပါင်းသင် မလုပ်လည်း နေပါ။ရှင်သန်မဲ့ ပန်းမန်တွေအတွက် တကယ်ဆို ရေမလိုပါဘူး မဒမ်..။ဒါပေမဲ့ သိထားရမှာက သာယာတဲ့ ပန်းခင်းဖြစ်ဖို့ဆိုရင် တစ်မျိုးတည်းသော ပန်းနဲ့တော့ ကျုပ်တို့ ဖန်တီးလို့ရမယ် မထင်ဘူးကွဲ့။ရှိရှိသမျှ အလှတွေ စုဝေးနေဖို့ လိုသေး သကွဲ့။ရွက်ခြောက်ဆိုတဲ့အမျိုးက လေသယ်ရာ ပါတတ်ပေမဲ့ အောင်မြင်တဲ့ အသီးခြောက်တွေ ဆိုရင်တော့ ဘယ်နေရာရောက်ရောက် ရောက်တဲ့အရပ်မှာ ပန်းတပင်ဖြစ်နိုင်စွမ်းတယ် မဟုတ်လား။တကယ်ဆိုရင် ကျုပ် တို့တွေက ရွက်ခြောက်တွေမှ မဟုတ်တာ..။ ဘ၀အတွက် သတ္တိရှိရမှာပေါ့.။လိုအပ်ရင် ပိတောက်လိုလည်း တကိုယ်တည်း ရပ်တည် ရဲရမယ်ကွဲ့..။ 

ဒါကတော့ ဒီလိုရှိတယ် မဒမ်ရဲ့..။မြွေမှန်တိုင်းလည်း တွင်းဝင်ဖြောင့်တာ မဟုတ်ပြန်တော့ အားလုံးကို ပုံသေ တွက်ဖို့တော့ ခက်တယ် မဟုတ်လား။အကောင်းဆုံးကတော့ ကျုပ်တို့ အစာလည်းစား လေးသံလည်း နားစွင့် တာဟာ ရေရှည်အတွက် အဆင်ပြေနိုင်တယ်ကွဲ့..။အရာရာကို စောဒကတက်ဖို့တော့ စောပါသေးတယ် မဒမ်။ ကျုပ်တို့တွေလည်း အချိန်ကောင်းလိုနေသေးသလို သူများကိုလည်း အချိန်ပေးသင့်တယ်မဟုတ်လား။ဒါမှ fair play ဖြစ်မှာပေါ့။ဟော..ဟော..ကျုပ် ဒီစာရေးနေရင်းနဲ့ ချိုးဖြူတစ်အုပ် ရွှေပြည်ကြီးရဲ့ အစွန်အဖျားတွေကို ပျံ သန်းသွားတဲ့အသံ ကြားလိုက်မိလားလို့...။ဒီရုပ်ရှင်ကားကြီးပြီးရင်တော့ ကျုပ်တို့တွေ ဗီလိန်မဖြစ်ဖို့ သတိထား ရမယ်ကွဲ့..နော့..။

မဒမ်ရေ..

အရှေ့ ဆီမှာတော့ ရောင်နီတွေ ၀ိုးတ၀ါး မြင်နေရပြီ။နေ့သစ်များ ရောက်တော့မလား ထင်စရာပဲ။သြော်.. ကျုပ်ပြန်လာဖို့လား..နီးနေပါပြီ။အကောင်းဘက်ကို ဦးတည်နေရင်  သိပ်လည်းအဆိုးမမြင်ပါနဲ့ မဒမ်။ကိုယ့်ကို -ကိုယ်လည်း ဂရုစိုက်။အမေ့ကိုလည်း ဂရုစိုက်။စစ်ကြီးပြီးတာနဲ့ ကျုပ်တန်းပြန်လာခဲ့မယ်..ဟုတ်ပလား...။ ။

ကိုရင်

00:01(GMT)