Monday, July 29, 2013

တင်သိန်းအေးနှင့်ပိန်ဆေး




( ၁ )
“ တင်တင်ရေ.. အမလေ ပစ္စည်းလေးတစ်ခုပြချင်လို့ သိလား ”
“ ဘာလဲ မစန်းမြင့် ဘာပြမလို့လဲ ”

တရုံးထဲလုပ်နေသည့်ဌာနတူလုပ်ဖော်ကိုင်ဖက်မစန်းမြင့်ကထမင်းစားချိန်လေးဝတ္တုစာအုပ်ဖတ်ပြီးဇိမ်ကျ တုန်းအထုပ်လေးတစ်ထုပ်ကိုင်ပြီးအနားရောက်လာသည်။စာအုပ်ဘေးချပြီးတင်သိန်းအေးအနားလာထိုင် သည့်မစန်းမြင့်ကိုကြည့်လိုက်တော့မျက်နှာကမချိူမချဉ်နှင့်။ပြီးတော့အနားကပ်ပြီးပြောသည်။ 
" တင်တင်ခုဝိတ်ချမလို့ဆိုဝေေ၀ထွန်းပြောတာအမကြားလိုက်သလားလို့ ”
“ ဟုတ်တယ်လေ နည်းနည်းဝနေလားလို့ ”
တင်သိန်းအေးဖြေလိုက်တော့မစန်းမြင့်မျက်နှာကအားတက်သရောဖြင့်မေးလာသည်။ 


“ ဒါဆိုတင်တင် ဘယ်နှစ်ပေါင်လောက်ရှိလဲ”
စိတ်ထဲမတော့ ငါ့ဟာငါဘယ်နှစ်ပေါင်ရှိရှိ လာစပ်စုပြန်ပြီလို့ တွေးလိုက်ရင်း “ အင်း.... ပေါင် ၁၇၀ ပေါ့”
တင်သိန်အေးအဖြေကိုကြားသောမစန်းမြင့်စိတ်ထဲကတချက်မဲ့လိုက်ပြီးတွေးမိလိုက်သည်။
 “      ဒီလောက်ရင်နဲ့ ဗိုက်မှားခါးနဲ့တင်နဲ့အကုန်ပျောက်ပြီးတဖြောင့်ထဲလုံးပတ်လည်ကြီးဖြစ်နေတာကိုများ နည်းနည်းဝနေသလားလို့တဲ့.ဟိဟိ။”စိတ်ထဲကတွေးလိုက်ရင်းစကားစကိုဆက်လိုက်သည်။

“ ဟယ်..ဟုတ်လားမထင်ရဘူးနော်။တင်တင်ကိုအမကပေါင်၁၄၀လာက်ဘဲရှိမယ်ထင်ထားတာ ”
“သြော်မစန်းမြင့်ရယ်..ဘာပြောမှာလဲပြောမှာသာပြောစမ်းပါ။တကတည်း..စကားကစနေလိုက်တာမပြီးတော့ ဘူး"
စိတ်မရှည်တဲ့လေသံပစ်လိုက်တော့မှမစန်းမြင့်အားနာသည့်လေသံလေးနှင့်ဆိုလာသည်။ဟုတ်တယ်လေ။ တစ်နာရီထဲထမင်းစားရတာအကုန်လုံးအိပ်နေကြတာ။သူကလေကြောကလာရှည်နေတာကိုး ။ 
“အင်းပါတင်တင်ရဲ့အမကတင်တင့်ကိုအဲဒီဝိတ်အကြောင်းဘဲပြောမလို့။တင်တင်ဝိတ်ချမယ်ဆို ဒီပိန်ဆေးလးသုံးကြည့်ပါလား။အမရောအမယောင်းမရောဒီဆေးသောက်တာလေတစ်ပတ်အတွင်း ဆယ်ပေါင်တောင်ကျတယ်တင်တင်ရဲ့။ဆေးလက်ဖက်ခြောက်ပေါ့။ရေနွေးထဲစိမ်ပြီးတနေကုန်သောက် ရတာ။ခုအမကိုယ်စားလှယ်ယူထားတယ်။ကိုယ့်ညီမလေးသောက်မယ်ဆိုတရုံးထဲသားချင်းဘဲ ဟာ။လျှော့ပေါ့ပေးမှာပေါ့။စမ်းသုံးကြည့်ပါလားဟင် ” 
မစန်းမြင့်စကားဆုံးလေသော်တင်သိန်းအေးမျက်နှာကြီးမှာရွာတော့မည့်မိုးကဲ့သို့မဲမှောင်လာပြီး ပါးစပ်ကြီးအကျယ်ကြီးဖွင့်ပြီးအော်ထည့်လိုက်လေတော့သည်။ 
“ဘာ..............မစန်းမြင့်ပိန်ဆေးဟုတ်လား..တော်.........တန်........တိတ်........ပိန်ဆေးအကြောင်းလာ မပြောနဲ့။ရန်မဖြစ်ချင်ရင်ပိန်ဆေးအကြောင်းရပ်တော့ ။မပြော.......နဲ့ ”

အောင်မြင်လှစွာသောတင်သိန်းအေး၏အသံနက်ကြီးအောက်တွင်နေ့လည်ထမင်းစားချိန်တွင်စားပွဲပေါ်မှောက်ပြီး ထမင်းလုံးစီနေကြသူများမှာအကုန်အလန့်တကြားဖြစ်ပြီးခေါင်းများထောင်ကုန်ကြလေသည်။အကြောင်းသိကြား လိုက်သူများကပြုံးစိစိဖြစ်ကုန်ကြသလိုအကြောင်းမသိသူများကတော့အူကြောင်ကြောင်အလန့်တကြားဖြင့် ဟိုကြည့်သည်ကြည့်လို့။တင်သိန်းအေးအသံကြောင့်မစန်းမြင့်ခမျာလဲအူတိအူကြောင်ဖြင့်သူ့စားပွဲသူထွက် သွားပြီးကုပ်ကုပ်လေးထိုင်ရင်းတင်သိန်းအေးကိုမျက်စောင်းဒိုင်းခနဲတချက်ထိုးလိုက် သည်။
ဖတ်လက်စစာအုပ်ကိုဘုံးကနဲစားပွဲပေါ်ပစ်တင်လိုက်ရင်းတင်သိန်းအေးတစ်ယောက်ကျွဲမကြီးလိုတရှုးရှုးနှင့့် နှာတွေမှုတ်ပြီးစိတ်တွေတိုနေသည်ကိုအကုန်လုံးက၀ိုင်းပြီးကြည့်နေကြလေသည်။တင်သိန်းအေးစိတ်တိုမည်ဆို လည်းတိုလောက်သည်ပေါ့။ဒီပိန်ဆေးကြောင့်ခံစားခဲ့ရသည်။ဒီပိန်ဆေးကြောင့်အရှက်ကွဲခဲ့ရသည်။ ဒီပိန်ဆေးကြောင့်နာမည်ပျက်ခဲ့ရသည်။ဒင်းကြောင့်...ဒင်းကြောင့်..ဒင်းကြောင့်.......

......................................။....................................................................

အဖြစ်ကတော့ဒီလို။လွန်ခဲ့သည်တနှစ်ကျော်လောက်ကတင်သိန်းအေးကိုရုံးကသူငယ်ချင်းတစ်ယောက် ကညွန်းသဖြင့်ဆေးလက်ဖက်ခြောက်ဟုခေါ်သည့်ပိန်ဆေးကိုဝယ်ပြီးသောက်ခဲ့သည်။လက်ဖက်ခြောက်အ ထုပ်ကလေးဖြစ်ပြီးရေနွေးနှင့်စိမ်ပြီးသောက်ရသလိုအဲဒိလက်ဖက်ခြောက်အာနိသင်ကုန်သည်အထိ တနေကုန်ရေနွေးနှင့်စိမ်ပြီးအအေးခံကာရေအစားသောက်ရလေသည်။အစာစားပြီးမှသောက်ရသလိုသောက်ပြီး
နာရီဝက်လောက်အကြာမှစပြီးဝမ်းတရပ်စပ်သွားလေတော့သည်။ဆယ်မိနစ်တစ်ခါလောက်ကိုဆက်တိုက် အိမ်သာပြေးရသည်။တင်သိန်းအေးဆေးသောက်ပုံကအချိန်ကိုက်၍သောက်ခြင်းဖြစ်သည်။နေ့လည် ၁၂နာရီလောက်မှစသောက်လျှင်ရေနွေးသုံးခွက်စာလောက်ကုန်ရာညနေ၆နာရီရုံးဆင်းသည့်အချိန်အထိဆို ဆက်တိုက်၁၅ခါလောက်နွှဲရလေသည်။သူ့အာနိသင်ကရေထပ်သောက်လျှင်ထပ်သွားလေရာရုံးဆင်းခါနီး ဆယ်မိနစ်လောက်ဆိုလုံးဝရပ်သွားစေရန်ချိန်ကိုက်ပြီးသောက်ရလေသည်။ရုံးဆင်းခါနီးတစ်နာရီလောက် အလိုဆိုတင်သိန်းအေးရေလဲမသောက်ရဲတော့။

ပိန်ဆေးသောက်ရတာအကြောင်းရှိသည်။ရပ်ကွက်ထဲမှာဟိုဘက်လမ်းကမျိူးဝင်းကတင်သိန်းအေးကိုရည်းစား စကားပြောထားသည်။သို့ဖြစ်ရာတင်သိန်းအေးလှချင်လာသည်။မျိူးဝင်းရှေ့ပဲလေးနှင့်သွားချင်သည်။ ဒါ့ကြောင့်ပိန်ဆေးကိုပိုက်ဆံကုန်ခံဒုက္ခခံသောက်ရလေတော့သည်။

လှချင်တာကိုးဒီလောက်တော့ဒုက္ခခံရမပေါ့။ဝမ်းကတရပ်စပ်သွားပြီးသုံးလေးနာရီအကြာမှာရပ်သွားခြင်းဖြစ်လေ ရာခြောက်နာရီရုံးဆင်းချိန်၁၅မိနစ်တွင်လာသောဘတ်စ်ကားအားစီးပါက၁နာရီအတိကြာသော်အိမ်သို့ရောက်ပြီးလျှင် ၀မ်းလက်ကျန်များတစ်ခေါက်သွားလေရာသံပတ်ပေးထားသလိုအော်တိုအချိန်မှန်လေသည်။နည်းနည်းနောက်ကျ လျှင်လမ်းမှာပြဿနာတက်နိုင်လေရာခြောက်နာရီထိုးခါနီးဆိုခပ်သုတ်သုတ်ပြင်ဆင်ပြီးအချိန်မှန်လာသော ဘတ်စ်ကားအားအမှီစီး၍ ပြန်ရလေသည်။ 

ထိုအချိန်မှန်ကားမှစပယ်ယာနှင့်ကိုရွှေဒရိုင်ဘာသည်လဲမျက်နှာချင်းတန်းမိရင်းနှီးနေတော့သည်ဖြစ်လေ ရာတင်သိန်းအေးမှာဘီအမ်ဘတ်စ်ကားကိုခေါင်းခန်းသံဃာများအတွက်သာဆိုသောနေရာတွင်ပုံသေထိုင် ခွင့်ရရှိလေသည်။တင်သိန်းအေးတက်သည့်နေရာရောက်မှစပယ်ယာလေးကလက်သွက်သွက်ဖြင့်ပွေ့ တင်ပြီးကားဆရာမှ“လာလာ..အမလာပါ”ဆိုသောဖော်ရွေပျုငှာချိုသာစွာဖြင့်ကာထားသောသံတိုင်အား ဖယ်ပြီးတင်သိန်းအေးအားထိုင်ခွင့်ပြုလေသည်။ဘာပဲပြောပြော၂၀၀ပေးရပေမယ့်အမြဲမတ်တတ်မရပ် ရလေတော့တင်သိန်းအေးတို့ကျေကျေနပ်နပ်ကြီးစီးလေသည်။  

( ၂ ) 
တနေ့ ...ကံဆိုးမိုးမှောင်ကျသောနေ့ .........

ထိုနေ့ကိုတင်သိန်းအေးဘယ်တော့မှမမေ့ ။ ရင်ထဲအသည်းထဲကကိုမမေ့နိုင်တဲ့နေ့။ .....

နေ့လည်ထမင်းစားချိန်ကျော်ရင်ရုံးစားပွဲကနေခနခနထရနေရသူကတင်သိန်းအေး။ဆေးလက်ဖက်ခြောက်တွေ ကအစွမ်းပြပြီမို့ဆယ့်ငါးမိနစ်တစ်ခါအိမ်သာသို့ပြေးနေရသည်။အရေးထဲချဉ်ပေါင်ရွက်ကြော်လဲစားမိသည်မို့ဆေး လက်ဖက်ခြောက်ကချဉ်ပေါင်တန်ခိုးနှင့်ရောပြလေရာတင်သိန်းအေးတစ်ယောက်တညနေလုံးအိမ်သာနှင့် မိတ်ဆက်နေရလေသည်။ညနေခြောက်နာရီထိုးဖို့ငါးမိနစ်အလိုတွင်ထုံးစံအတိုင်းမျက်နှာပြင်ဆင်ပြီးပြန်ဖို့ပြင်နေ  တုန်းဟိုဘက်စားပွဲမှဥမ္မာကမန်နေဂျာရုံးခန်းမှထွက်လာပြီးမန်နေဂျာခေါ်ကြောင်းပြောလေရာကမန်းကတန်း ဂျာကြီးရုံးခန်းသို့ဝင်ပြေးရလေသည်။သို့နှင့်လေရှည်သောမန်နေဂျာ၏သြ၀ါဒအောက်တွင်မနက်ဖန် လုပ်ရန်အလုပ်များကိုမှတ်ရင်းနာရီကြည့်လိုက်မိလေရာခြောက်နာရီထိုးနေသဖြင့်တင်သိန်းအေး နာရီကြည့်လိုက်အပေါက်ဝကြည့်လိုက်ဖြင့်ဂနာမငြိမ်ဖြစ်နေတော့သည်။ 

အလိုက်ကန်းဆိုးမသိတဲ့မန်နေဂျာပြောစရာခေါ်စရာရှိစာစောမပြောဘူး။လေပေါနေပြီးတော့။ဒါလူကို သက်သက်မဲ့ခေါ်ရစ်တာ။ခြောက်ဆယ်ငါးရှီပြီ။ဟိုကားလွတ်တာနဲ့နာက်ကားတွေကကြပ်တော့မယ်။ ကားတွေစောင့်ရင်းမတော်ဗိုက်နာလာရင်ဒုက္ခ။ဟိုတွေးသည်တွေးဖြင့်တင်သိန်းအေးမျက်နှာက သုံမှုန်နေပြီ။ဆယ့်ငါးမိနစ်လောက်ကြာတော့မှသြ၀ါဒပြီး၏။တင်သိန်းအေးကမန်းကတန်းခြင်းတောင်းကိုဆွဲ လျှက်ပြေးရလေပြီ။ပးရင်းတချက်သတိရလိုက်မိသေးသည်။ဝမ်းရပ်နေတာမိနစ်နှစ်ဆယ်ကျော်နေပြီ။ ကားဘယ်အချိန်ထိစောင့်ရမလဲမသိ။တခါထဲအိမ်သာတက်ခဲ့လိုက်ရရင်ကောင်းသားဟုတွေးမိလိုက်သေး သည်။မဖြစ်တော့မဖြစ်လောက်ဘူးထင်တာပါပဲ။

ပေါ်လာသည့်အတွေးကိုခနဘေးဖယ်ပြီးခပ်သုတ်သုတ်အသော့နှင်လာလိုက်သည်။ကားဂိတ်ရောက်တော့ နာရီကြည့်လိုက်တော့ခြောက်နာရီသုံးဆယ်ဖြစ်နေပြီ။သွားပြီ။စီးနေကျကားလွတ်သွားပြီ။စောင့်ပေတော့နောက် ထပ်ကားတစ်စီး။စိတ်ပျက်လက်ပျက်ဖြင့်ကားဂိတ်တွင်မတ်တပ်ရပ်နေရင်းဗိုက်ထဲကသရိုးသရီဖြစ်လာသလို ခံစားလိုက်ရသည်။စိတ်ထဲတင်းလိုက်သည်။မဖြစ်နိုင်ပါဘူးလေ။ခုနှစ်နာရီလောက်မှနာက်ဆုံးအကျန်ဝမ်းက သွားတတ်တာဘဲဟာ။ 

ဆယ်မိနစ်လွန်လာပြီ။တင်သိန်းအေးစီးမယ့်ကားအရိပ်အယောင်မမြင်ရသေး။နည်းနည်းတော့စိတ်ကပူသ လိုလိုဖြစ်လာပြီ။ဒီထက်နောက်ကျလျှင်လမ်းမှာဒုက္ခရောက်နိုင်ပြီ။ဒီလမ်းတစ်လျှောက်လဲသူဌေးအိမ်တွေ ချည်းဘဲ။အိမ်သာတောင်းဝင်လို့မရနိုင်။တွေးရင်းလက်ကနာရီကြည့်လိုက်တော့ခြောက်နာရီခွဲပြီ။စိတ်ပျက်လက် ပျက်ဖြင့်လမ်းမဖက်ကိုလှမ်းအကြည့်ကားလာပြီ။

 “အမလေး..ပျော်လိုက်တာ။ပျော်လိုက်တာ”.တင်သိန်းအေးစီးနေကျကားကိုမြင်လိုက်သည်။ 

ဘယ်လိုဖြစ်နောက်ကျသည်မသိ။ကားပေါ်ရောက်တော့ကားဆရာကအမပြန်သွားပြီတောင်မှတ်တာ။ ကျနော်တို့ကားဒီနေ့ဂိတ်ထိုးနောက်ကျလို့လိုင်းဝင်နောက်ကျသွားတယ်လေ။အလှည့်ကျော်သွား တာအမရဲ့ဟုဆိုလေသည်။ 

သူတို့အလှည့်ကျော်တာဘဲကျေးဇူးတင်ရဦးမည်။ပုဆိုးစုတ်ကလေးဖုံးထားသောကူရှင်ပေါ်တက်ထိုင် လိုက်ရင်း“အင်းလေ..ကျွန်မကကားထွက်သွားပြီတောင်မှတ်တာ။အလုပ်နည်းနည်းများနေလို့”ဟုအလိုက် သင့်ပြန်ပြောပြီး ရှေ့ဖက်ကိုမျက်နှာမူလျှက်စီးလာလိုက်သည်။ 

ကားထွက်ပြီးသုံးမှတ်တိုင်လောက်အရောက်ဗိုက်ကနာလာပြီ။အင်း.....အောင့်နိုင်မှာပါလေ။ တင်သိန်းအေးတွေးလိုက်သည်။လေးမှတ်တိုင်အရောက်မရတော့။တကယ်အပီအပြင်ကြီးနာလာပြီ။ဆင်းလို့လဲ မရ။ဘယ်နားဆင်းမတုန်း။လမ်းတလျှောက်ကဆောက်လုပ်ရေးနေရာတွေကိုယ်မသိသောနေရာတွေချည်း။ ကဲပါလေ.မထူးပါဘူး။အောင့်လက်စနဲ့ဆက်အောင့်ပြီးအိမ်အထိအောင့်လိုက်တာပေါ့။အတွေးကိုစုပြီးထိန်း လိုက်သည်။

ကားကခုန်သည်။ပိုနာလာပြီ။လမ်းမှချိုင့်ခွက်တွေကတင်သိန်းအေးကိုပညာစပြလာပြီ။မတတ်နိုင်တေ့ာ့။  ကားခေါင်းမှာထိုင်နေရင်းရှေ့ကသံတိုင်ကိုကျစ်ကျစ်ပါအောင်ဆုပ်ထားမိသည်။အောင်မလေးချွေးစီးတွေက လဲထွက်လို့။မျက်စိတွေတောင်တချက်တချက်ပြာချင်လာသည်။ကားကချိုင့်ကိုရှောင်ရင်တင်သိန်းအေးကပါ ကိုယ်ကြီးလိုက်စောင်းသည်။ကားဆရာကွေ့လျှင်တင်သိန်းအေးကိုယ်ကြီးပါလိုက်ကွေ့သည်။ချိုင့်ကိုတက်နင်း မိပြီဆိုရင်တင်သိန်းအေးကအသာလေးကြွလိုက်သည်။ခနခနရှောင်နေရသဖြင့်အရှိန်ကမသေချင်တော့။ ကားကချိုင့်ထဲပင်မဆင်းရသေးတင်သိန်းအေးကိုယ်ကြီးကကုန်းကွကွကြီးဖြစ်နေလို့ကားဆရာက “အမဘာဖြစ်လို့ကားခုန်တိုင်းထထနေတာလဲ”ဟုမသိဆိုးရွားစွာမေးလာလေရာတင်သိန်းအေးမှာဘာပြောရမှန်းမသိ ပါးစပ်အဖြဲသားဖြင့်တင်ပါးမှာအနာစိမ်းပေါက်နေလို့ဟုရှက်ရှက်နှင့်ကမန်းကတန်းဖြေလိုက်ရလေသည်။

အရင်တစ်နာရီမရှိတရှိရောက်သည့်လမ်းကိုခုထိမရောက်နိုင်သေး။၇နာရီကျော်လာပြီမို့ကားလမ်းတွေပိတ်နေပြီ။။ မီပွိုင့်တွေခနခနမိလေပြီ။တင်သိန်းအေးဇောချွေးတွေပျံလာပြီ။အရည်တွေအရည်တွေဖြစ်နိုင်သည်။ ထွက်တော့မလားမသိ။ကိုယ်ကိုနည်းနည်းကျုံ့ကြည့်လိုက်သည်။ မတော်ထွက်ကျဒုက္ခ။

တရစ်ပြီးတရစ်ဝေဒနာကတိုးလာပြီ။အိမ်ရောက်ပါစေတော့။ဘုရားစာတွေလဲအကုန်ဆိုနေရသည်။ ကားပေါ်ကဆင်းရင်လဲဘယ်နားသွား၇မယ်မှန်းမသိ။လက်ဖက်ရည်ဆိုင်ဝင်ဖို့လဲမရဲ။တော်ကြာပေးမတက် ရင်ဒုက္ခ။ရှက်ကလဲရှက်သေးသည်။မောင်လေးအမအိမ်သာတက်ချင်တယ်လို့ဘယ်လိုပြောရမလဲ။မဖြစ်နိုင်။ အိမ်အမြန်ရောက်မှသာဖြစ်မည်။ကားတွေကလဲကြပ်သထက်ကြပ်လာပြီ။တင်သိန်းအေးထိုင်သည့်အနားတောင်   လူတွေကပြုံတိုးနေသည်။ 

အရေးထဲဘသားချောတစ်ကောင်ရေမွှေးတွေမတရားစွတ်ထားပြီးတင်သိန်းအေးနားရပ်နေရာလေသင့်တိုင်းလက် ပတ်စော်အနံပြင်းပြင်းကြီးသည်လည်းကောင်း ရေမွှေးစူးစူးဝါးဝါးကြီးသည်လည်းကောင်းဒုက္ခပေးပြန်လေသည်။  
အသက်ရှုကလဲအောင့်ထားရသေး။ဟိုဒင်းကိုလဲထိန်းထားရသေး။လူမှာဒုက္ခငရဲရောက်နေသလိုကိုခံစားနေရသည်။

“ ၀ုန်း ”

သွားပြီ။ကားကတစ်ချက်ခပ်ပြင်းပြင်းချိုင့်ထဲကျသွားရာထိုကိုရွှေဘသားချောချိုင်းမှာတင်သိန်းအေးနှာခေါင်းနား ကပ်မိသဖြင့်အားပါးတရရှုသလိုဖြစ်သွားသည်။တဖက်ကိုအာရုံစိုက်လိုက်သဖြင့်တဖက်မှာထိန်းထားသောကျုံ့ ထားသောအခြင်းအရာမှာဖွတ်ခနဲတချက်သတိလွတ်သွားသလိုဖြစ်သွားသည်။ဒါပေမယ့်ချက်ခြင်းပြန်ထိန်းထား လိုက်နိုင်သည်။နည်းနည်းတော့ထွက်သွားပုံရသည်။ဟန်မပျက်ဆက်ထိုင်နေသော်လည်းစိတ်ထဲကတော့အောက် ကပုဆိုးစုတ်ကိုသာအာရုံကရောက်နေသည်။သူများပုဆိုးပေကုန်ရင်ဒုက္ခ။ 

တင်သိန်းအေးတို့မှတ်တိုင်မရောက်ခင်တစ်မှတ်တိုင်အလိုမှာလူတော်တော်များများဆင်းကုန်သဖြင့်ကားပေါ် မှာလူနည်းနည်းကျဲသွားသည်။တင်သိန်းအေးလဲဆင်းဖို့ပြင်ရင်းထရပ်လိုက်တော့အလိုက်ကန်းဆိုးမသိတဲ့ ကိုရွှေဒရိုင်ဘာက“အမကားဆောင့်ရင်းအနာစိမ်းပြည်ပေါက်တယ်ထင်တယ်။လုံချည်မှာပေနေတယ်။ ”
“ဟမ်....”
သူပြောမှတင်သိန်းအေးခေါင်းနဘန်းကြီးသွားသည်။ထိုစဉ်ကားကလဲမှတ်တိုင်အရပ်တင်သိန်းအေးကမန်းက တန်းခေါင်းငုံ့ဆင်းလိုက်ရာစပယ်ယာလေးက“သွေးစုနာကနည်းနည်းပုပ်နေတယ်ထင်တယ်နော်အမ။ အနံ့ကြီးကတမျိးဘဲ။လိုအပ်ရင်ဆေးခန်းပြလိုက်ပါလားတဲ့။”

 စေတနာရေစီးကမ်းပြိုနှင့်လျှာကရှည်သေးသည်။ရှက်ရှက်နှင့်လှည့်မကြည့်တော့။ခြေကုန်ဖွင့်လမ်းလျှောက် သည်။မြန်မြန်လျှောက်နေရသည်။ဈေးလေးကျော်ရင်အိမ်နားရောက်ပြီ။မှောင်ရိပ်သန်းနေပြီ။အရမ်းကြီးတော့လဲ မမှောင်သေး။တင်သိန်းအေးဈေးလေးကိုကျော်ပြီးလမ်းထိပ်ဓမ္မာရုံနားရောက်တော့တဖက်မှစက်ဘီးစီးလာသော မျိုးဝင်းကိုရုတ်တရက်မြင်လိုက်သည်။သူကတင်သိန်းအေးဆီကအဖြေတောင်းထားသူမဟုတ်လား။ တင်သိန်းအေးလဲနည်းနည်းသဘောကျသလိုလိုတော့ရှိသည်။သို့ပေမယ့်ဈေးကျမှဆိုးလို့မူချင်နေသေးသည်မို့ ချက်ခြင်းအဖြေမပေးသေးဘဲမူထားခြင်းဖြစ်လေရာခုလိုတွေ့တော့သူနှင့်စကားပြောချင်ပေမယ့်ကိုယ်က ကိုယ့်ပြသနာနှင့်ကိုယ်မို့သူ့ကိုမမြင်ချင်ယောင်ဆောင်လိုက်သည်။ 

ကိုယ်ကအိမ်ကိုရောက်ချင်လှပြီ။ခပ်သုတ်သုတ်မပြေးယုံတမယ်သွားနေသည့်တင်သိန်းအေးကိုမြင်တော့ခြေ ကားယားလက်ကားယားနှင့်မျိူးဝင်းတစ်ယောက်တင်သိန်းအေးရှေ့စက်ဘီးပိတ်ရပ်လိုက်သည်။ 

မတင်.ကျွန်တော့်ကိုမြင်တာဘာလို့မတွေ့ချင်ယောင်ဆောင်သွားဖို့လုပ်တာလဲ။”

“ အို..မဟုတ်ပါဘူး.ကိုမျိုးဝင်းရဲ့။ ကျွန်မအရေးတကြီးကိစ္စလေးရှိနေလို့ပါ ”

“ မဖြစ်နိုင်ဘူး.မတင်.ကျွန်တော့်ကိုအဖြေမပေးချင်လို့ရှောင်သွားတာမဟုတ်လား။ ”

“ မဟုတ်ရပါဘူး ကိုမျိူးဝင်းရယ် ။ကျွန်မမှာတကယ်အရေးကြီးနေလို့ပါ။”

“ကျွန်တော်သိပါတယ်ဗျာ။ကျွန်တော်ကမျက်နှာမွဲတစ်ရာ့ကိုးတစ်ရာ့တစ်ဆယ်မိဘလုပ်စာထိုင်စားနေတဲ့ကောင် မို့မတင်ကျွန်တော့်ကိုမစဉ်းစားချင်လို့ရှောင်နေတာသိပါတယ်ဗျာ ” 

“ သြော်..ခက်တော့နေပြီကိုမျိုးဝင်းရယ်။တကယ်ကျွန်မမှာအရေးတကြီးကိစ္စဖြစ်နေလို့ပါ ” 

မိချောင်းမသား။စိတ်ကမရှည်ချင်တော့ဘူး။ပိတ်ကန်ချင်သည့်စိတ်ကပေါ်လာသည်။ဘယ်နှယ့်ဖြစ်လို့ ဒီလောက်လေရှည်နေပါလိမ့်။နောက်ထပ်သုံးမိနစ်လောက်ဆိုမရချင်တော့ပြီ။စကားကလဲပြောရင်း တင်သိန်းအေးခြင်းနှင့်အိတ်ကိုလဲအတင်းဆွဲထားသေးသည်။ရုန်းကြည့်တော့လဲမရ။တော်ကြာလမ်းသွား လမ်းလာတွေတမျိူးထင်ကုန်မှာလဲဆိုးရသေးသည်။ 

“မတင်ရယ်။မဟုတ်ဘူးဆိုလဲတခါထဲဒီမှာဘဲအဖြေပေးလိုက်ပါလားဟင်။ကြာလှနေပြီကျွန်တော်အဖြေတောင်း ထားတာလေ။ခုတခါတည်းပေးလိုက်ပါနော်.နော်.နော် ”

ကာလနာ။မြွေပွေးကိုက်။ဒီမှာသေတော့မယ်ဖြစ်နေပါတယ်ဆိုမှတဏှာကလာရူးနေတယ်။စိတ်ထဲမှာအပီကျိန် ဆဲပစ်လိုက်သည်။မျက်နှာကမဲ့သထက်မဲ့လာပြီ။အခြေအနေကဆိုးလာပြီ။ 

“မတင်ရယ်.ကျွန်တော့်ကိုအဖြေတခါထဲပေးလိုက်ပါတော့နော်။မတင်လည်းကျွန်တော့်ကိုချစ်တယ်မဟုတ်လား ဟင်။ကျွန်တော်လဲရိပ်မိနေပါတယ်ဗျာ ”

ပြောရင်းအားမလိုအားမရဖြင့်လူကိုလက်မောင်းကကိုင်လှုပ်သည်။သွားပြီ။အခြေအနေကအဆိုးဆုံးဖြစ်သွားပြီ။ သူဘာတွေပြောနေသည်မသိတော့ပြီ။ဇောချွေးများကြားမှထိန်းထားသည်များမရတြော့ပီ။အိမ်ထိဘယ်လိုမှ မဖြစ်နိုင်တော့ပြီ။သွားပြီ။ထိန်းထားသမျှဒင်းနှင့်တွေ့မှအလကားဖြစ်ကုန်ပြီ။အာရုံတွေကတခြားရောက်နေပြီမို့ ပါးစပ်ကလွှတ်ခနဲထွက်သွားသည်။

“ မဖြစ်နိုင်တော့ဘူး။ မဖြစ်နိုင်တော့ဘူး”

“ဟာ.မတင်ရယ်။ကျွန်တော့်ကိုမဖြစ်နိုင်ဘူးတဲ့လားဗျာ။ဘာလို့လဲဗျာ။ရက်စက်လိုက်တာဗျာ။ အဲလိုမလုပ်ပါနဲ့မတင်ရယ်။ကျွန်တော့်အသည်းတွေဗြမ်းခနဲကွဲရပါပြီ။ အရမ်းခံစားရတယ်ဗျာ”

“ဟမ် ..မဟုတ်ဘူး မဟုတ်ဘူး အဲလိုမဟုတ်ဘူး ”

“ဘာမဟုတ်ရမှာလဲ မတင်ကျွန်တော့်ကိုငြင်းပစ်လိုက်ပြီ။မရဘူး။ခုဘဲကျွန်တော်မတင်ကိုကားတင်ပြေးမယ်။ အဲ..စက်ဘီးတင်ပြေးမယ်။ ”


ဖီးအပြည့်နှင့်မျိူးဝင်းတစ်ယောက်အပီအပြင်ပေါက်ကွဲတော့သည်။
“ ဘာာာာာာာာာာာာာာ..”

မထိန်းသိမ်းနိုင်ပျော့ခွေပြီးလမ်းမပေါ်ငုတ်တုတ်ထိုင်ချလိုက်မိသောတင်သိန်းအေးကိုအတင်းစက်ဘီးပေါ် ဆွဲတင်နေလေရာတင်သိန်းအေးကရုန်းလိုက်သူကဆွဲလိုက်နှင့်ထိန်းထားသမျှတို့ဗရမ်းဗတာထွက်ကျ ကုန်လေပြီ။တင်သိန်းအေးကကွန်ကရစ်လမ်းပေါ်ထိုင်ချလိုက်။မျိူးဝင်းကအတင်းဆွဲထူလိုက်နှင့်ရုန်းရင်းဆန် ခတ်ဖြစ်နေလေပြီ။မှောင်ရိပ်ကလဲသန်းလာသဖြင့်လူသွားလူလာနည်းလာလေရာတင်သိန်းအေးအဖို့ ဘာလုပ်ရမှန်းမသိ။မထိန်းသိမ်းနိုင်ထွက်ကျလာသောအရာများ၊ပြုတ်ကျနေသောခြင်းတောင်းနှင့်။ ကယ်ကြပါဦးအော်လို့လဲမဖြစ်။ပြဿနာကကြီးသထက်ကြီးလာတော့မည်။မတတ်နိုင်သည့်အဆုံး လက်အုပ်ချီပြီးမျိူးဝင်းကိုထိုင်ရှိခိုးရလေတော့သည်။ 

“ ကိုမျိုးဝင်းရယ် ကျွန်မရှိကြီးခိုးပါတယ်။ဘယ်လိုမှခုမဖြစ်နိုင်လို့ပါ” 

“မတင်ရယ်၊မတင်ကကျွန်တော့်ကိုမဖြစ်နိုင်ဘူးလို့ပြောတာတခုခုတော့အကြောင်းပြချက်ပေးပါ လားဗျာ။ကျွန်တော်အရမ်းခံစားရလို့ပါ။ခုမဖြစ်နိုင်ဘူးဆိုတော့မတင်မှာရည်းစားသနာတွေများရှိနေလို့ လားဟင်”

“အမယ်လေးမဟုတ်ရပါဘူးကိုမျိုးဝင်းရယ်။ခုလောလောဆယ်သာကျွန်မကိုအိမ်ပြန်ခွင့်သာပေးပါတော့။ ဘယ်လိုမှကိုမဖြစ်နိုင်တော့လို့ပါ ”
“သိပ်ရက်စက်တယ်မတင်ရယ်။မထင်ဘူးဗျာ။သိပ်ရက်စက်တယ်မတင်ရယ်။မတင်မချစ်နိုင်တဲ့ဟောဒီ ကကောင်ရဲ့အသည်းတွေဗြန်းခနဲဗြန်းခနဲ့ကွဲကုန်ပါပြီဗျာ။ ”

တင်သိန်းအေးသေချင်စိတ်ပင်ပေါက်သွားသည်။ကိုယ့်ကိုယ်ရည်းစားစကားပြောထားသူအဖြေတောင်မပေးရသေး။ ချီးပါချင်သည်ဟုပြောရမည်လော။သေသာသေလိုက်ချင်တော့သည်။မှောင်ကြီးမဲကြီးထဲရင်ဘတ်ကိုတဘုန်းဘုန်းထုနေသောမျိူးဝင်း ကိုကြည့်ပြီးအာရုံကလည်းနောက်လာပြီ။ပျစ်ပျစ်နှစ်နှစ်ဆဲချင်စိတ်ကပေါက်လာပြီ။စိတ်ဝင်စားခဲ့မိသောစိတ် ပင်ကြက်ပျောက်ငှက်ပျောက်ပျောက်ကုန်ပြီ။ကွန်ကရစ်လမ်းပေါ်ထိုင်ချထားသောတင်သိန်းအေးနားထိုင်ချပြိး.
.
မတင်လဲမပြန်နဲ့ကျွန်တော်လဲမပြန်တော့ဘူး။မတင်ကိုဒီညကျွန်တော်ခိုးပြေးတော့မယ်။”ပြောရင်းဆိုရင်းကုန်း ထပြန်ရာဟန်ချက်ပျက်သွားသဖြင့်ကွန်ကရစ်လမ်းပေါ်လက်ကထောက်မိလိုက်ပုံရသည်။ 

“ ဟင် လက်မှာဘာတွေပေသွားလဲမသိဘူး။နံလိုက်တာ။ ”

သွားပြိ။သွားပြီ။ခုနကတစ်ကိုယ်လုံးကိုလှုပ်ရမ်းလိုက်လို့ထိန်းမနိုင်သိမ်းမရဗရမ်းဗတာထွက်ကျသွားသော ပျစ်ပျစ်နှစ်နှစ်များကိုမျိူးဝင်းလက်ဖြင့်ထောက်မိလေပြီ။ဘာလုပ်ရမှန်းမသိ။ထူပူပြီးရှက်ရှက်နှင့်ပျော့ခွေပြ လိုက်လေရာအချစ်သူရဲကောင်းကြီးမျိူးဝင်းခင်မျာတင်သိန်းအေးမူးလဲပြီအထင်နှင့်စွေ့ကနဲပွေ့ချီ လိုက်လေတော့သည်။

ထိုစဉ်...ထိုစဉ်..ထိန်းမနိုင်သိမ်းမရတော့ပြီဖြစ်လေသောအရာတို့သည် မျိုးဝင်းခြေထောက်ပေါ်သို့နွေးခနဲနွေးခနဲထွက်ကျကုန်တော့လေရာတင်သိန်းအေးကိုပွေ့လိုက်သော မျိုးဝင်းယောင်ရမ်းပြီးလွှတ်ချလိုက်မိလေတော့သည်။အနံ့ဆိုးဆိုးများကလဲထွက်လာလေရာမျိုးဝင်းတစ်ယောက် တရှုံ့ရှုံ့နှင့်အနံ့ခံလိုက်ခြေထောက်ငုံ့ကြည့်လိုက်ဖြင့်ဗျာများနေလေသည်။

“ ဘာတွေလဲမသိဘူး။ကျွန်တော်နွားချီးပုံများနင်းလာခဲ့မိသလားမသိဘူး။မတင်ရယ်။ဆောရီးပါနော်။ ”

ပြောပြောဆိုဆိုခြေဖမိုးပေါ်ကျနေသောအရာများအားလက်နှင့်စမ်းလိုက်ရင်းခပ်လှမ်းလှမ်းမှဓာတ်တိုင်မီး အလင်းရောင်ဖြင့်ကြည့်လိုက်လေသော် ......။

“ ဟင် .အဖတ်လေးတွေပါလား။ချဉ်ပေါင်ရွက်အဖတ်လေးတွေနဲ့တူလိုက်တာ။အဖတ်လိုက်ကလေးတွေ။” 
မှောင်မှောင်မဲမဲကိုလက်မနှင့်လက်ညိုးဖြင့်ပယ်ပယ်နယ်နယ်ဖျစ်နှစ်ပြီးနှာခေါင်းအ၀နားတေ့လိုက် မျက်စိဖြင့်သေချာကြည့်လိုက်လုပ်နေရင်းမျိုးဝင်းတစ်ယောက်ရုတ်တရက်အကျယ်ကြီးထအော်လေတော့သည်။ 
“မတင်..မ......တင်...ဒါ ..ဒါ..မတင်ချီးတွေထွက်ကျတာ။နွားချီးမဟုတ်ဘူး။မတင်ချီးတွေထွက်ကျတာ။”

အာပြဲကြီးနှင့်အလန့်တကြားအော်သဖြင့်လမ်းသွားလမ်းလာများကြားမဆိုးသဖြင့်တင်သိန်းအေးရုတ်တရက် ထရပ်လိုက်ပြီးမျိုးဝင်းပါးစပ်ကိုအတင်းပိတ်ရလေရာခုနကလက်ထောက်မိထားသောအရာများနှင့်မျိူးဝင်း ပါးစပ်အားပိတ်မိလေပြီ။မျိုးဝင်းက၀ူးဝူးဝါးဝါးဖြင့်ပါးစပ်ပြဲကြီးဖြင့်အော်။ရှက်လွန်းလို့ဘယ်ကရောက်လာမှန်းမ သိသည့်အားတွေကမျိုးဝင်းပါးစပ်အားအတင်းပိတ်။နှစ်ယောက်သားလုံးလားထွေးလားဖြစ်နေစဉ်ဓမ္မာရုံဖက် မှလျှောက်လာသောဓမ္မာရုံလူကြီးဦးအုန်းမြင့်ကချောင်းဟန့်သဖြင့်နှစ်ယောက်သားရုတ်တရက်လန့်ဖြန့်ပြီး လူခြင်းခွာလိုက်ကြသည်။နောက်ဦးအုန်းမြင့်ကတင်သိန်းအေးတို့ချိန်းတွေ့နေသည်ထင်ပြီးကျော်သွားသည်။ 
မျိုးဝင်းပါးစပ်မှာလည်းပေတလူးကျံလို့။တခုခုပေသလိုခံစားရသဖြင့်မျိူးဝင်းခုနကချဉ်ပေါင်ရွက်ဖတ်ကိုနယ် ထားသောလက်ဖြင့်ပါးစပ်ကိုစမ်းလိုက်မိလေရာ......................။

“အမလေး..မတင်ရယ်။ရက်စက်လိုက်တာ။ခင်ဗျားကျွန်တော့်ကိုနှစ်ပြန်ရက်စက်လိုက်ပြန်ပေါ့။ခင်ဗျားရက်စက် လိုက်တာဗျာ။ကျွန်တော့်ပါးစပ်မှာဘာတွေကပ်နေတာလဲ။ချီးတွေ။အနှစ်တွေ။ချဉ်ပေါင်ဖတ်တွေ။အောင်မလေး ..ဝေါ့ ဝေါ့ ..ဝေါ့ ...”

ပြောရင်းပြောရင်းတဝေါ့ဝေါ့ဖြင့်အန်ရင်းမျိုးဝင်းတစ်ယောက်ချုံးပွဲချပြီးယောကျာင်္းကြီးတန်မဲ့ဖြင့်ငိုလေတော့ သည်။မျိုးဝင်းကနဂိုကမှအသန့်အပြန့်အင်မတန်ကြိုက်သူ။ခုတော့ဒုက္ခလှလှတွေ့ပြီ။မတတ်နိုင်တော့ပြီ။ လက်တွေလွန်ကုန်ပြီ။ခုမှတော့ဘာမှလုပ်မရပြီ။နဂိုကတည်းကလွှတ်ပါလို့ပြောသား။ 

ဒင်းဟာဒင်းနှာထပြီးမလွှတ်လို့ခုလိုခံစားရတာ။ခြင်းတောင်းကိုဆွဲပြီးရှေ့မျက်နှာနောက်ထားလို့တင်သိန်းအေး တစ်ယောက်တချိုးတည်းအိမ်သို့ပြေးရလေတော့သည်။မျိုးဝင်းသည်လဲလိုက်မဆွဲတော့ချေ။စိတ်နာသွားပုံရသည်။ လမ်းပေါ်တွင်ငုတ်တုတ်ကြီးထိုင်လျှက်တဟီးဟီးနှင့်အော်ငိုနေလေတော့သည်။နာလဲနာလောက်သည်ကိုး။
လုံးရင်းထွေးရင်းပါးစပ်ပိတ်ရင်းသူ့ပါးစပ်ထဲဘယ်လောက်ဝင်သွားလဲမှမသိတာ။သူပြောတဲ့အနှစ်တွေပေါ့လေ။
တင်သိန်းအေးလှည့်မကြည့်တော့ပါ။ရက်စက်သည်ဟုဆိုချင်ဆိုပါစေတော့။
အိမ်ရောက်တော့တချိူးထဲအိမ်သာထဲဝင်ပြေးရပါလေရော။ဧည့်ခန်းထဲမှတီဗွီကြည့်နေသောအမေနဲ့မောင်လေးက ဖိနပ်တောင်မချွတ်နိုင်ဘဲပြေးဝင်လာသောတင်သိန်းအေးကိုတလှည့်ကြမ်းပြင်ပေါ်ကိုတလှည့်ကြည့် ရင်းဝေါကနဲထရီကြလေတော့သည်။

ဒီလိုနဲ့ဒီလိုနဲ့မျိုးဝင်းကိုလဲတလလောက်မတွေ့ရတော့။တင်သိန်းအေးလဲရှက်လွန်းလို့မနက်အစောကြီးထရုံး သွား။ညနေဆိုစီးနေကျကားလဲမစီးတော့ဘဲတခြားကားပြောင်းစီးခဲ့ရသည်။တင်သိန်းအေးမှမချစ်လျှင်သေရ ပါတော့မည်ဆိုသောမျိုးဝင်းအမြီးတောင်စမ်းမရတော့ပြီ။ဒီလောက်ရှောင်နေသည့်ကြားမှတစ်ရက်လမ်းထိပ်မှာ တည့်တည့်ကြီးပြန်တွေ့တော့ခေါင်းကြီးစောင်းလို့မမြင်ချင်ယောင်ဆောင်သွားသည်။ခေါင်းကြီးစောင်းသွားတာမှ ပိုလီယိုရောဂါသည်လားမှတ်လောက်အောင်လိမ်ဖယ်စောင်းသွားသည်။

စိတ်နာလိုက်သည်မှာပြောဖွယ်မရှိ။ဆေးလက်ဖက်ခြောက်ကိုလဲစိတ်နာသည်။ချစ်လှပါချည်ရဲ့မရရင်သေရ ပါတော့မယ်လို့ဆိုပြီးအနှစ်လေးများပေရုံနှင့်အသည်းအသန်ဖြစ်သောမျိုးဝင်းကိုလဲစိတ်နာသည်။ ဒါလေးပါးစပ်ကိုပေတာကိုဘဲအချစ်နှင့်လဲရက်သောမျိုးဝင်းကိုလည်းရင်ထဲသေအောင်နာသည်။ လက်ဖက်ခြောက်ဆိုဗမာလက်ဖက်ခြောက်တောင်တင်သိန်းအေးမသောက်တော့။မပိန်ရင်လဲနေပါစေတော့။ လက်ဖက်ခြောက်ကြောင့်မှန်းထားတဲ့ဒီသီတင်းကျွတ်ကိုကျော်သွားရခြင်းကိုတော့ရင်နာ၍မဆုံး။ 


ဒိပိန်ဆေးကြောင့်တင်သိန်းအေးအကြီးအကျယ်အရှက်ကွဲရသည်။နောက်အဆိုးဆုံးတစ်ခုကတော့ ပါးစပ်မလုံသောမျိူးဝင်းကြောင့်လမ်းထိပ်ကကာလသားများကဒီအထူးသတင်းကိုပြန်သိသွားလေရာမှရပ်ကွက် ထဲမှာတင်သိန်းအေးနာမည်တစ်ခုရသွားခဲ့သည်။ဒီထက်ကံဆိုးသည်ကရုံးကစာရေးတင်မောင်ဆွေမှာမျိုးဝင်းနှင့် ညီအကိုဝမ်းကွဲတော်စပ်လေရာမျိုးဝင်းတို့အိမ်လာရင်းမှထိုသတင်းအားကြားသွားသဖြင့်ရုံးမှာပါထိုနာမည်ကြီး တွင်တော့သည်။ရှေ့တင်တော့မခေါ်ရဲကွယ်ရာမှခေါ်ကြတာပြန်ကြားတိုင်းဒေါသအလိပ်လိုက်ထွက်ရသည်။ မျက်နှာလဲဘယ်ထားရမှန်းမသိတော့။ပြန်လဲပြောလို့ကမရ။ခံရခက်လိုက်သည်မှာပြောဖွယ်မရှိ။


ဘာတဲ့လဲ။သိချင်ကြလား..ရှင်တို့သိချင်ကြတယ်မဟုတ်လား.။

 ခုမှတော့မထူးတော့ပါဘူး။ပြောပြလိုက်ပါတော့မယ်လေ။ကျွန်မနာမည်က............



“ချီးထွက်တင် ”........................... တဲ့တော်တို့ရေ။
 


 အားလုံးပြုံးပျော်နိုင်ကြပါစေ။

ချစ်ခြင်းအားဖြင့်

မဒမ်ကိုး
၂၉ရက် ၇လပိုင်း ၂၀၁၃ ခုနှစ်
ဒေသစံတော်ချိန် ၅နာရီ ၁၆မိနစ်
တနင်္လာနေ့

12 comments:

မိုးသက် said...

ရွံထှာအေ.. အော့အော့..
နဂါးမောက်သီးပြတ်ပြီ...
ချဉ်ပေါင် ပြတ်ပြီ.. :/

Toe Yee Yee said...

စိတ်ညစ်တာတွေမေ့သွားတယ် ပြီးတော့ ချဉ်ပေါင်ဖတ်ကလေးတွေ......................

Cameron said...

တင်သိန်းအေးတို့ကတော့ လုပ်ချလိုက်ပြန်ပြီ...ရုံးမှာညေးစာခိုးဖတ်ပါတယ်ဆို ရီရလွန်းလို့ အသံထွက်သွားတယ်အေ ..

Candy said...

ဟဟဟဟဟဟဟဟ တင်သိန်းအေး=ချီးထွက်တင် ဖွဘုတ်မှာ လာဖွရင်ကောင်းမလား :P :P

AH said...

ရုံးမှာ တဟား ဟား ရယ်နေလို့ ဘေးက ကောင်တွေ လာမေးတာနဲ့ ဘာသာပြန်ပြလိုက်တယ်... ဒီကောင်တွေ ခု လက်ဖက်ခြောက် မသောက်တော့ဘူး ...... :P

လရိပ်အိမ် said...

အိပ်ခါနီးလေးလာဖတ်တာ ၊ အူလိမ့်အောင် ရီရတယ် အမ။

နွေတေးရှင် (မင်းဧရာ) said...

ချီးထွက်တင် ညေးလုပ်တာတွေ များပီ နော် :p

ရယ်လိုက်ရတာ အူတွေနာလို့ စိတ်နာတယ် ချဉ်ပေါင်ရွက်ကို ဘ တော့မှ စားတော့ဘူး ။

ချော(အစိမ်းရောင်လွင်ပြင်) said...

အဲလိုတွေဖြစ်မှာစိုးလို့ ဆေးလ္ဘက်ခြောက်ကို မသောက်တာ.. :)
ရီလိုက်ရတာအေ တင်သိန်းအေးလိုထွက်ကျဖို့ နည်းနည်းဘဲလိုတယ် :P

ညီလင်းသစ် said...

ဟားဟားဟား.. သဘောကျလိုက်တာ ညီမရေ..၊းD အရမ်းရီရတယ်..၊ စေတနာတွေ ပိုနေတဲ့ ကားဒရိုင်ဘာနဲ့ စပယ်ရာရယ်၊ ဘာလဲဆိုတာ သေချာသိအောင် ကြိုးစားနေတဲ့ မျိုးဝင်းရယ်ကို အတော်လေး ရီနေမိတယ်..၊းDးD

ဟာသတွေ ရေးပြီး အတင်း လုပ်ရယ်ခိုင်းတာ မဟုတ်ဘဲ အဖြစ်အပျက်ကို စီကာပတ်ကုံး ဖွဲ့နွဲ့ပြီး အစအဆုံး ဖမ်းစားသွားတဲ့ အတတ်ပညာကို ချီးကျူးပါတယ်ဗျာ...၊

နွေလ said...

စာတွေထဲမှာ ဟာသကို ရေးရတာ အခက်ဆုံးတဲ့
အစ်မတို့များကျတော့ လွယ်လိုက်တာ
ရယ်ရတာ အူကို လှိမ့်နေတယ်
တမင်တကာ ဖန်တီးထားတာမျိုး မဟုတ်ဘဲ
တကယ်ကို ရယ်ရတာ
ဟိဟိ ... အစကတည်းက ချဉ်ပေါင်ရွက် မကြိုက်တာ
အခုတော့ လှည့်ကို မကြည့်တော့ဘူး
ချီးထွက်တင်တဲ့
နာမည်လေးတောင် ခပ်ကြိုက်ကြိုက်
ဘလော့ဂါ မအိမ်ချမ်းမြေ့ရဲ့မိတောလို
တင်သိန်းအေးကိုလည်း စာအုပ်ထုတ်ပါလားဗျာ

blackroze said...

နောက်ဇာတ်လမ်းကို
တင်သိန်းအေးကို ရည်းစားပေးထားလိုက်ပါမားမား

Han Kyi said...

ဘယ်တုန်းက တင်လိုက်တဲ့ ပို့စ်ပါလိမ့်...မျက်စိလျှမ်းပြီး ကျန်သွားတာဖြစ်မယ်...ဖတ်လို့ကလည်းကောင်း ရယ်လည်းရယ်ရ...ကလေးတွေ အလုပ်များနေတုန်း ဖတ်လိုက်မိတာ တစ်ယောက်တည်း ပြုံးစိပြုံးစိဖြစ်နေတော့ ကလေးတွေတောင် အူကြောင်ကြောင်ဖြစ်ကုန်ရေား)

Related Posts Plugin for WordPress, Blogger...