Thursday, September 27, 2012

မခင်ငြိမ်း ..မငြိမ်းသေးပါ.



မိုးတွေသဲကြီးမဲကြီးရွာချနေသည်......
လောကဓာတ်တခွင်လုံးညိုမှောင်မှောင်..အေးစိမ့်စိမ့်နှင့်....
အိမ်ရှေ့လယ်ကွင်းထဲလှမ်းကြည့်လိုက်တော့..စပါးပင်ရှည်တွေကလေနဲ့အပြိုင်ယိမ်းယိုင်နေကြဆဲ...
...................................................
မခင်ငြိမ်း.သက်ပြင်းတချက်ကိုလေးလေးပင်ပင်ချလိုက်မိသည်။
ဆေးလိပ်တိုကိုကောက်ဖွာရင်း..အနားတိုထမီစကိုခပ်တင်းတင်းခြေထောက်ဖုံးအောင်ဆွဲချလိုက်သည်..။
အေးစက်စက်ရာသီဥတုကိုအံတုသည်ပေါ့......။



အနားမှာခွေခွေလေးအိပ်နေရှာသော.ကလေး၂ ယောက်.တစ်ယောက်နှင့်တစ်ယောက်
စောင်ပိုင်းကိုအလုအယက်ခြုံထားရင်းအိပ်ပျော်နေကြရှာသည်။
အကြီးကောင်လေးဖိုးထိန်ကကိုယ်တွေပူနေသည်။မနေ့ကအမေဖြစ်သူယက်သဲ့ထိုးရာကိုဝိုင်း ကူပေးရှာရင်း.ဖျားသည်။
ခလေးတို့အဖေဆုံးသွားပြီးကတည်းကထင်းခွေတစ်လဲ.နွားကျောင်းတစ်ဖုံ.လယ်စိုက်ပျိူးနှုတ်....
ယက်သဲ့လေးထိုးရသမျှဖားငါးလေးရွာထိပ်တွင်ဆန်နှင့်လဲ.ဆင်းရဲနက်သမျှ.အံတုကာခုပြိုင်ရသည်။
သြော်..အကြီးကောင်လေးဖိုးထိန်တောင်၇နှစ်..
သင်္ကန်းလေးတော့စည်းပေးလိုက်ချင်သေးသည်။
ကိုထွန်းရွှေမျက်နှာကွယ်ကတည်းက.မခင်ငြိမ်းခမျာမငြိမ်းနိုင်ရှာတော့ပဲ.
ဒီသားအမိသုံးယောက်အရေး.ကြုံးရုန်းဖြေရှင်းရရှာတော့သည်.။
နံမည်ကသာမခင်ငြိမ်း ..လူကမငြိမ်းနိုင်တော့။။။။
ခလေးတို့အဖေရှိစဉ်ကတော့ဆင်းရဲသည့်တိုင်ထမင်းတော့နပ်မှန်မြင်ရသေး..
လယ်စာရင်းငှားလုပ်.လင်မယားဖားငါးရှာအတူထွက်လို့.ထမင်းတော့နပ်မှန်အောင်မြင်ရသေးသည်။
သူရွာအလူညမှာ ငုတ်ထိုးမိလို့ငန်းဝင်ပြီး ဆုံးပြီးကတည်းက.မခင်ငြိမ်းဘ၀မငြိမ်းရရှာတော့ပါ.
ဒီလူမမယ်ခလေး၂ ယောက်ကိုထမင်းနပ်မှန်ဖို့အရေး.စဉ်းစားလာရပြီ။
သည်ကြားထဲ.ကြီးစိန်တို့အလှုမှာအကြီးကောင်လေးဖိုးထိန်ကိုသင်္ကန်းလေးတော့စည်းပေး ချင်သားရယ်လို့.မခင်ငြိမ်းအတွေးထဲရောက်လာသည်။
အငယ်မလေးမိတီကတော့၎ နှစ်မပြည့်တတ်သေးဆိုတော့ကိစ္စမရှိ။
အတွေးတို့ကတောင်စဉ်ရေမရ.................
အတွေးနဲ့တင်မခင်ငြိမ်းရင်မောသည်
သွားလေသူကလေးတို့အဖေကိုပဲတမ်းတမိသယောင်ယောင်......။ကံကြမ္မာကိုဘဲ ယိုးမယ်ဖွဲ့ရတော့မလိုလို ။
..............................................................................

ဒီနှစ်မိုးကလဲစောလိုက်တာ..အတွေးထဲမဆီမဆိုင်ရောက်လာသည်ကရာသီဥတု။
မုဆိုးမသားအမိတွေကိုများစာနာသနားရင်လေ...နည်းနည်းလောက်တော့မိုးနောက်ကျပါ့လား..။ သက်ကယ်လဲမပျစ်နိုင်သေး။ ခေါင်လဲမချူပ်ရသေး။မိုးလေကြီးလာရင် မိုးကယိုလာတော့မည်။
တအီအီမြည်နေသောဝါးကြမ်းခင်းပေါ်တွင်မထချင်ထချင်လေးပင့်တွဲစွာဖြင့်မခင်ငြိမ်းထရပ်ပြီးမီးဖိုဘေးကဆန်ခွက်ကိုလှမ်းနှိုက်လိုက်တော့ ဆန်ခွက်နှင့် အိုးထိသည့်အသံကဂလောက်ခနဲမြည်သည်။
သြော်.တနပ်စာတောင်မပြည့်တော့ပါလား..လောက်ပါ့မလားလေ.....
ဖိုးထိန်အတွက်ဆန်ပြုတ်ပေးရဦးမည်။
ကျန်နေသောမခင်ငြိမ်းတို့သားအမိဖို့လဲထမင်းမရနိုင်တော့။ဆန်ပြုတ်ပဲရတော့မည်။
ဖျားနေသောကလေးခမျာလဲ.သားငါးလေးနှင့်တော့အာခံတွင်းဖြေချင်ရှာပေလိမ့်မည်။
ရွာလိုက်သည့်မိုးကလည်းမတိတ်လေတော့..ဘယ်အငြိူးနှင့်ရွာနေလဲမသိ။
ကဲပါလေ.မထူးပါဘူး..မီးဖိုပေါ်ဆန်အိုးလေးတည်ခဲ့ပြီး
ဦးစိန်အောင်တို့လယ်ဘက်ထဲတွင် ငါးလေးနည်းနည်းလောက်ယက်သဲ့သွားထိုးလိုက်မည်။
ပြန်လာရင်.ဒီကလေးနှစ်ယောက်အတွက်ငါးလေးဖားလေးပါလာရင်တော်ပါပြီ။
....................................................................................................................
တိုနေသောထမီကိုတင်းတင်းဝတ်လိုက်သည်။မိုးရေကာဖျင်ပိုင်းလေးကိုခေါင်းကိုခြုံပြီးပုံးပလုံးများမလိုက်သောအခါ...အသံဗလံထွက်လာရာ ကိုစောင်ခြုံလေးကြားထဲမှ.ဖိုးထိန်မျက်နှာလေးထွက်လာကာလှမ်းကြည့်သည်။
အမေငါးနည်းနည်းသွားသဲ့ပြီးပြန်လာမယ်.ညီမလေးမငိုစေနဲ့လို့ပြောပြီးမခင်ငြိမ်းတဲပေါ်ကဆင်းလိုက်သည်။
အေးစက်စက်မိုးစက်တွေကမျက်နှာပြင်ကိုအပြေးအလွှားလာကြိုဆိုကြသည်
စိမ့်အေးနေသည့်လေတစ်ပွေ့ကပိန်လှီလှီသူမကိုယ်ကိုဆီးကြိုပွေ့ဖက်ကြသည်။
ကျောရိုးထဲတွင်တချက်စိမ့်ခနဲဖြစ်သွားသည်။
မတတ်နိုင်........
....................................................................................................................
လယ်ကန်သင်းရိုးပေါ်မှခပ်သွက်သွက်ကလေးလျှောက်လိုက်သည်။
ဦးစိန်အောင်တို့လယ်သည်မခင်ငြိ်မ်းတို့တဲနှင့်သိပ်မဝေး..
အော်တခေါ်စာသာလောက်သာလှမ်းသည်။
မခင်ငြိမ်းငါးသဲ့ရန်စိတ်လောနေသည်။
ရာသီဥတုကလဲမညှာတာချေ။
ကွမ်းတယာညက်ခန့်အကြာလောက်တွင်.ငါးသားနည်းနည်းရလိုက်ပြီ။
အင်း.တော်လောက်ပါပြီလေ။..အို...မဖြစ်သေးပါဘူး။။
မနက်ဖြန်ဆန်လေးရဖို့အခုငါးလိုက်တုန်းလုပ်ထားဦးမှ...
လူ့လောဘအတောမသတ်နိုင်.....
ပုံးငယ်ထဲတွင်ငါးမပြည့်တပြည့်ရချိန်တွင်.မခင်ငြိမ်း.တဆတ်ဆတ်တုန်နေပြီ။
..ပြန်ဖို့ခြေလှမ်းများပြင်သည်.
လေပြင်းတချက်တိုက်လာသည်။..ဒီတိုင်းဆိုတန်းမပြန်သေးပဲ.ခပ်လှမ်းလှမ်းကသခွပ်ပင်အောက်ခဏ၀င်ခိုရင်ကောင်းမလား...
ကလေးနှစ်ယောက်နိုးနေကြရော့မည်.ဖိုးထိန်လေးလဲဆာရောပေါ့..သနားပါသည်.ခမျာကလေး..
မှာမအေကိုချစ်လွန်းလို့.ကလေးတန်မဲ့ငါးရှာလိုက်ရသည်  ။နွားကျောင်းရသည်။အရွယ်နှင့်မမျှ..နေပူပူမိုးရွာရွာ.အမေနောက်တကောက်ကောက်....
သားရယ်.ခုအမေငါးတော်တော်ရခဲ့ပြီ။ခံတွင်းလေးတော့တွေ့ပါရဲ့လေ.....
အတွေးများနှင့်.သခွပ်ပင်အောက်ရောက်လာသည်။
ဂျိုင်းခနဲမိုးကြိုးပစ်သံ.နဲ့အတူလျှက်ပန်းတချက်မြင်လိုက်သည်။
တစ်ပြိုင်တည်း.မခင်ငြိမ်း.ငယ်ထိပ်လဲတချက်ပူကနဲဖြစ်သွားသည်။
သခွပ်ကိုင်းကျိုးကျကာမခင်ငြိမ်းခေါင်းကိုရိုက်မိလေပြီ။
ဖင်ထိုင်ရက်လဲကျသွားသည်။
လက်ထဲမှပုံးလဲလွတ်ကျသွားသည်။ငါးသားငယ်တို့ဟိုပြေးဒီလွှားထွက်ကျကုန်ပြီ။
သွေးများဖြာကနဲခေါင်းမှထွက်နေသည်။
တကိုယ်လုံးမြင်မကောင်း။
သတိလစ်မတတ်ဖြစ်နေသောစိတ်တို့သည်ဟိုပြေးဒီလွှားနှင့်စုစည်းနေသည်။အံတချက်ကြိတ်ခါကုန်းထသည်။
ဖိတ်တ၀က်မှောက်တ၀က်ငါးတို့ကိုလက်နှင့်လိုက်ဖမ်းကာပုံးထဲပြန်ထည့်သည်။
ရသလောက်ပြန်ကောက်ထည့်ကာမခင်ငြိမ်း.အံကိုကြိတ်လျှက်ကန်သင်းပေါ်ကုန်းရုန်းလျှောက်သည်။
ကလေးငယ်နှစ်ယောက်ဆာနေရှာပေလိမ့်မည်.မအေကိုလဲမျှော်နေကြရော့မည်။
တဘိုင်းဘိုင်းလဲလိုက်.ပြန်ကုန်းထလိုက်လိုက်နှင့်ခရီးမတွင်.
နာကျင်နေလိုက်သည်များ..မျက်လုံးများပင်ပြာဝေလာပြီ။
သွေးများကလဲမရပ်..ငယ်ထိပ်ပေါက်သည်နေမပေါ့.....
သြော်ရှိစေတော့.ငါ့သွေးထက်.ငါ့သား.ပိုအရေးကြီးသည်.
ငါ့အသားထက်ငါ့သားပိုအရေးကြီးသည်
မလှမ်းမကမ်းမှတဲကိုလှမ်းမြင်ရပြီ။
ဖိုးထိန်ငုတ်တုတ်ကလေးထိုင်နေရှာသည်။.မိတီကအကိုဘေးမှာစောင်ပိုင်းလေးခြုံကာထိုင်နေရှာသည်။
မြင်ရပါပြီ။
အမေ့ရင်သွေးစမ်းရေလေးတွေ....ရင်ထဲအေးသွားသည်။
ဒီသားဒီသမီးမျက်နှာမြင်ရတော့.မခင်ငြိမ်းအားတက်သွားသည်။
လျှောက်စမ်းပါဟဲ့.ဒီခြေထောက်..ရောက်ပါတော့ဟဲ့..ဒီခရီး.
သြော်...မြန်ချင်ပါတယ်ဆိုမှ.တအော်စာဝေးတဲ့ဒီခရီး..တစ်ပြပင်မကတော့....

...........................................................
မအေကိုလှမ်းမြင်တော့ဖိုးထိန်တံစက်မြိတ်အောက်မှာရပ်ခါကြိုသည်။
လက်ထဲမှငါးပုံးယက်သဲ့တံကိုအသာချ..တဲနှုတ်ခမ်းဝကွပ်ပစ်မှာတင်ပါးလွှဲထိုင်လိုက်ကာ.၀ါးတိုင်ကိုမှီလိုက်တော့............
အမေ့ခေါင်းမှာသွေးတွေ....တဲ့..သားအော်တဲ့အသံ.ပီပီသသ..
မိတီကလေးကမအေဆီပြေးပြီးမျက်နှာငယ်လေးနှင့်ရင်ခွင်ထဲတိုးဝင်လာသည်။
ဖိုးထိန်လေးကပ၀ါပိုင်းကလေးနှင့်မခင်ငြိမ်းခေါင်းကသွေးတွေကိုမသုတ်တတ်သုတ် တတ်နှင့်သုတ်ပေးရှာသည်။ခိုက်ခိုက်တုန်အောင်ချမ်းလာသည်များဘယ်ရောက်ကုန်ပြီမသိတော့။
မခင်ငြိမ်းယဲ့ယဲ့ပြုံးလိုက်သည်။..
ဖိုးထိန်လေးလက်ကိုအသာဆွဲယူလိုက်ပြီးခလေးနှစ်ယောက်လုံးကိုရင်ခွင်ထဲထည့်ပြီးတင်းတင်းဖက်ထားမိသည်။
သြော်..ဒီကလေးနှစ်ယောက်သည်မခင်ငြိမ်းအတွက်.အား...မခင်ငြိမ်းရဲ့ဘ၀...
နာကျင်မှု့တွေမရှိတော့သလိုဖြစ်သွားသည်။....ရင်ထဲတွင်နွေးကနဲဖြစ်လာသည်။
ပြီးတော့..မခင်ငြိမ်းတိုးတိုးကလေးရေရွတ်တမ်းတလိုက်မိသည်။
.......ကလေးတို့အဖေရေ..ကျုပ်တို့သားအမိတွေတစ်ခါလောက်တော့ကံကောင်းချင်သေးပါရဲ့တော်...

တဲအပြင်ဘက်တွင်မိုးတွေကလဲရွာနေဆဲ......................လေတွေကလဲတိုက်နေဆဲ.................

....................မခင်ငြိမ်းဘ၀.ခုထိမငြိမ်းနိုင်သေးပါလား..............................





ကိုယ်တိုင်ရေးမူပိုင်ဖြစ်ပါကြောင်း.....
(၁၉၉၇ ခုနှစ်ကာလများဆီတွင်  ကျောက်ပုန်းရွာသို့အလည်သွားစဉ်.
.မိုးရွာသဖြင့်.တဲထဲတွင်ခဏမိုးခိုနေစဉ်မြင်ခဲ့သောမြင်ကွင်းကိုပြန်လည်သရုပ်ဖော်ပါသည်။)

မဒမ်ကိုး
၁၉၉၉ ခုနှစ်တက္ကသိုလ်နှစ်ပတ်လည်မဂ္ဂဇင်းဝတ္တုတိုအမှတ်တရ

22 comments:

Angelhlaing(May everybody be happy and healthy! said...

တစ်ကယ်ကောင်းတဲ့ ရသပါမမရေ..

Yin Sue said...

မကြီးဒမ်ကိုးရဲ့ ၉၉ ခုနှစ်လက်ရာကလည်း ကောင်းလွန်းပါတယ်ဗျာ.....တကယ်ပီပြင်တယ်...သဘောကျတယ် မကြီးရေ.....

mstint said...

မဒိုးက ၉၉ခုနှစ်ထဲက ဝတ္ထုတွေရေးနေတာပါလား သဘာဝကျကျဇာတ်အိမ်လေး၊ စာရေးကောင်းတယ်။
ဝတ္ထုလုံးချင်းထုတ်လုပ်ရပြီ စိတ်ဖိစီးမှုခံမနေနဲ့တော့။
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

Unknown said...

ဒိုးကန်လေးရေ
၉၉တုံးက၀တ္ထုတိုမခင်ငြိမ်းမငြိမ်းသေးပါလား
ပီပြင်တဲ.ဇာတ်အိမ်လေးအားပေးသွားပါတယ်။
ခင်တဲ.အန်တီလေးမေခင်

မြတ်နိုးသူ said...

မကြီးဒိုးကန်ရေ
ဇာတ်လမ်းကောင်းလေးအားပေးသွားပါတယ်

မိုးနတ်ကြယ်စင် said...

အမရေ..ခံစားရတယ်နော်..တကယ်ကို..ခံစားရပါတယ်
ဟုတ်တယ်..မဒိုးကန်က ၉၉ ကတည်းက စာရေးဆရာမ
ဖြစ်နေတာကိုး...ရေးပုံလေးက ပီပီပြင်ပြင်သိပ်သိပ်သည်းသည်းလေးရယ်...မရေ...
တီတင့်ပြောသလို.လုံးချင်းသာထုတ်လိုက်ပါတော့ဗျာ..
နော်..ခင်မင်နေတဲ့..ညီမလေးမိုးနတ်

မိုးခါး said...

သနားလိုက်တာ ..း( စိတ်ထဲပူနေရသေးတယ် .. စာရေးဆရာ ဇာတ်နာလိုက်မလားလို့း(

နွေတေးရှင် (မင်းဧရာ) said...

ကိုယ်တိုင် ဖြတ်သန်းခဲ့ရပါသော ဘ၀ တွေပေါ့ ဂျာရစ်ရယ်
ဆင်းရဲခြင်း တွင်းနက်သလို ချစ်ခြင်းမေတ္တာ အရာမှာလည်း အဲသည်လို ဘ၀ လေးတွေက သိပ်ကိုနက်ကြတယ်ဗျာ.....
ပီပီပြင်ပြင်ကို ထုဆစ်သွားနိုင်တယ်။

ကျန်းမာရေးသိပ်မကောင်းတဲ့ ကာလ တွေမှာ သည်လိုအရေး သည်လိုအတွေး မျိုးတွေ မရေးစေချင်ဘူး
ချမ်းမြေ့ပျော်ရွှင်စွာ ရှိပါစေ။

တောက်ပကြယ်စင် said...

ဖတ်ရင်းနဲ့ ၀မ်းနည်းလာတယ် ဒိုးကန်ရေ။ ကိုယ့်ဘ၀ကိုယ်တောင် ပြန်မြင်ယောင်မိသေးတယ်။ အော်...ဆင်းရဲလှတဲ့ဘ၀ပါလား။ လူတွေမှာ ဘ၀ချင်းတူပါလျက်နဲ့ အနေအထားချင်း ကွာလိုက်ကြတာ။

ဝတ္ထုတိုလေး အရမ်းကောင်းတယ်။ သုတ၊ ရသအစုံပါတယ်။

ကျန်းမာပျော်ရွှင်ပါစေနော်...

ကိုရင်လည်း ပြောလိုက်ပါဦး သတိရကြောင်းပါ။ အွန်လိုင်းမှာလည်း မတွေ့တာကြာတော့လေ။

မိုးသက် said...

ဒီလိုအစ်မတွေရှိပါလျက်နဲ့.. ဒီမောင်ကိုက အတုံးမကျတာ ပါဗျာ..။ ကတောက်.။ ကွကို စိတ်တိုတယ်.။

ချစ်စံအိမ် said...

ပိုစ့်လေးဖတ်ပြီးစိတ်မကောင်းဖြစ်သွားတယ်မမဒမ်
ရေးတာတော်လို့ ထင်တယ်..

မိုးသူ(တောင်ကြီး) said...

မဒိုးကန်ရေ ...

ကိုယ်မြင်တွေ့ ခဲ့ရတဲ့  မြင်ကွင်းလေးကို

စာပန်းချီနဲ့ ပုံဖော်ရေးသားထားတာ

ရှင်းလင်းသပ်ရပ်ပါပေတယ်ဗျာ

ခင်တဲ့
မိုးသူ(တောင်ကြီး)

Cameron said...

အရေးအသားကောင်းချက် ငါ့သမီးရယ်...။ ဖတ်ရင်းနဲ့ ကွင်းကွင်းကွက်ကွက်ကိုမြင်သာတာ...။ဘ၀သရုပ်ဖော်ပီပြင်လွန်းတယ်..။

အလွမ်းမြို့ said...

ဒိုးကန်ရေ...

မကြီးလွမ်းရောက်ခဲ့တယ်။ မငြိမ်းချမ်းသေူတဲ့ ခင်ငြိမ်း
အကြောင်းဖတ်ရင်းပေါ့။ အားပေးနေမယ်။

ညီရဲသစ် said...

ဖတ်ပြီး စိတ်မကောင်း ဖြစ်မိတယ်... ဒီလို မိသားစုလေးတွေ ဘယ်လောက်တောင် တို့ နိုင်ငံမှာ ရှိနေမလဲလို့ တွေးလိုက်မိတော့ ရင်မောသွားမိတယ်...

ညီလင်းသစ် said...

ညီမရဲ့ ပီပြင်တဲ့ သရုပ်ဖော် အရေးအသားအောက်မှာ ဖတ်ရင်းနဲ့ စိတ်မကောင်းဖြစ်ရတယ်၊ ဟင်းစားလေး တစ်နပ်လောက် ရဖို့အရေး ရုန်းကန်ရတဲ့ ဘဝတွေက ပင်ပန်းဆင်းရဲခြင်းတွေ အပြည့်နဲ့ပါပဲ..၊ ကလေးတွေ အဖို့လည်း ဒီလိုဒုက္ခတွေနဲ့ပဲ လူလားမြောက်ကြ ရအုံးမှာ..။း(

လရိပ်အိမ် said...

မခင်ငြိမ်းကိုသနားလိုက်တာ။
မျက်လုံးထဲမှာ မြင်ကွင်းတွေကို ကွင်းကွင်းကွက်ကွက်မြင်အောင် ရေးနိုင်တဲ့ မဒမ်ကိုး နော်။

မြတ်ပန်းနွယ် (Myat Pan Nwe) said...

မြတ် ဖတ်သွားခဲ့ပါတယ် အစ်မ။ အရေးအသားကြောင့်ပေလား မသိ ဖတ်ရင်း ခံစားရတယ်။

လေးစားလျက်
မြတ်ပန်းနွယ်

ပျိုးယုဝသုန် (Pyo Yu Wathone) said...

ဖတ်ရင်း မောမိတယ်.. ရသ မြောက်တဲ့ ဝတ္ထုလေးပါပဲ ကိုး ရယ်

shwewunyatana said...

ဒိုကမ်းရေဘဝတွေဘယ်တော့မှငြိမ်ချမ်ကြမလဲနော်...တော်တော်ကောင်းပါတယ်.လိုရင်တိုရှင်းလေ...ဟီးးးးးးးးးးးးးးးး

ရွှေဝန်းရတနာ

San San Htun said...

မငြိမ်းချမ်းတာ အကောင်းဆုံး ပုံဖော်သွားတယ်..

Anonymous said...

အစ်မဆိုဒ်ကို အခုမှ ပထမဆုံးအကြိမ်ရောက်ဖူးတာပါ။
နှင်းဆီက ၀တ္ထုဖတ်တာဝါသနာပါလို့ အစ်မစာတွေလိုက်ဖတ်ပါတယ်။
ဒီဝတ္ထုလေးတော်တော်ကောင်းပါတယ်။
ရင်ထဲလဲ ထိရောက်ခဲ့ပါတယ်။

Related Posts Plugin for WordPress, Blogger...