“မခင်ငြိမ်း......မငြိမ်းနိုင်သေးပါ”

မိုးတွေသဲကြီးမဲကြီးရွာချနေသည်......
လောကဓာတ်တခွင်လုံးညိုမှောင်မှောင်..အေးစိမ့်စိမ့်နှင့်....
အိမ်ရှေ့လယ်ကွင်းထဲလှမ်းကြည့်လိုက်တော့..စပါးပင်ရှည်တွေကလေနဲ့အပြိုင်ယိမ်းယိုင်နေကြဆဲ...
...................................................
မခင်ငြိမ်း.သက်ပြင်းတချက်ကိုလေးလေးပင်ပင်ချလိုက်သည်။
ဆေးလိပ်တိုကိုကောက်ဖွာရင်း..အနားတိုထမီစကိုခပ်တင်းတင်းခြေထောက်ဖုံးအောင်ဆွဲချလိုက်သည်..
အေးစက်စက်ရာသီဥတုကိုအံတုသည်ပေါ့...
အနားမှာခွေခွေလေးအိပ်နေရှာသော.ကလေး၂ ယောက်.တစ်ယောက်နှင့်တစ်ယောက်
စောင်ပိုင်းကိုအလုအယက်ခြုံထားရင်းအိပ်ပျော်နေကြရှာသည်။
အကြီးကောင်လေးဖိုးထိန်ကကိုယ်တွေပူနေသည်။မနေ့ကအမေဖြစ်သူယက်သဲ့ထိုးရာကိုဝိုင်းကူပေးရှာရင်း.ဖျားသည်။
ခလေးတို့အဖေဆုံးသွားပြီးကတည်းကထင်းခွေတစ်လဲ.နွားကျောင်းတစ်ဖုံ.လယ်စိုက်ပျိူးနှုတ်....

ယက်သဲ့လေးထိုးရသမျှဖားငါးလေးရွာထိပ်တွင်ဆန်နှင့်လဲ.ဆင်းရဲနက်သမျှ.အံတုကာခုပြိုင်ရသည်။
သြော်..အကြီးကောင်လေးဖိုးထိန်တောင်၇နှစ်..
သင်္ကန်းလေးတော့စည်းပေးလိုက်ချင်သေးသည်။
ကိုထွန်းရွှေမျက်နှာကွယ်ကတည်းက.မခင်ငြိမ်းခမျာမငြိမ်းနိုင်ရှာတော့ပဲ.
ဒီသားအမိသုံးယောက်အရေး.ကြုံးရုန်းဖြေရှင်းရရှာတော့သည်.
ခလေးတို့အဖေရှိစဉ်ကတော့ဆင်းရဲသည့်တိုင်ထမင်းတော့နပ်မှန်မြင်ရသေး..
လယ်စာရင်းငှားလုပ်.လင်မယားဖားငါးရှာအတူထွက်လို့.ထမင်းတော့နပ်မှန်အောင်မြင်ရသေးသည်။
သူရွာအလှုညမှာ ပိုးထိလို့ဆုံးပြီးကတည်းက.မခင်ငြိမ်းဘ၀မငြိမ်းရရှာတော့ပါ.
ဒီလူမမယ်ခလေး၂ ယောက်ကိုထမင်းနပ်မှန်ဖို့အရေး.စဉ်းစားလာရပြီ။
သည်ကြားထဲ.ကြီးစိန်တို့အလှုမှာအကြီးကောင်လေးဖိုးထိန်ကိုသင်္ကန်းလေးတော့စည်းပေးချင်သားရယ်လို့.
မခင်ငြိမ်းအတွေးထဲရောက်လာသည်။
အငယ်မလေးမိတီကတော့၎ နှစ်မပြည့်တတ်သေးဆိုတော့ကိစ္စမရှိ။
အတွေးတို့ကတောင်စဉ်ရေမရ.................
အတွေးနဲ့တင်မခင်ငြိမ်းရင်မောသည်။
သွားလေသူကလေးတို့အဖေကိုပဲတမ်းတမိသယောင်ယောင်......
..............................................................................

ဒီနှစ်မိုးကလဲစောလိုက်တာ..အတွေးထဲမဆီမဆိုင်ရောက်လာသည်ကရာသီဥတု။
မုဆိုးမသားအမိတွေကိုများစာနာသနားရင်လေ...နည်းနည်းလောက်တော့မိုးနောက်ကျပါ့လား..
တအီအီမြည်နေသောဝါးကြမ်းခင်းပေါ်တွင်မထချင်ထချင်လေးပင့်တွဲစွာဖြင့်မခင်ငြိမ်းထရပ်ပြီးမီးဖိုဘေးကဆန်ခွက်ကိုလှမ်းလိုက်သည်။
သြော်.တနပ်စာတောင်မပြည့်တော့ပါလား..လောက်ပါ့မလားလေ.....
ဖိုးထိန်အတွက်ဆန်ပြုတ်ပေးရဦးမည်။
ကျန်နေသောမခင်ငြိမ်းတို့သားအမိဖို့လဲထမင်းမရနိုင်တော့။ဆန်ပြုတ်ပဲရတော့မည်။
ဖျားနေသောကလေးခမျာလဲ.သားငါးလေးနှင့်တော့အာခံတွင်းဖြေချင်ရှာပေလိမ့်မည်။
ရွာလိုက်သည့်မိုးကလည်းမတိတ်လေတော့..ဘယ်အငြိူးနှင့်ရွာနေလဲမသိ။
ကဲပါလေ.မထူးပါဘူး..မီးဖိုပေါ်ဆန်အိုးလေးတည်ခဲ့ပြီး
ဦးစိန်အောင်တို့လယ်ဘက်ထဲတွင်ငါးလေးနည်းနည်းလောက်ယက်သဲ့သွားထိုးလိုက်မည်။
ပြန်လာရင်.ဒီကလေးနှစ်ယောက်အတွက်ငါးလေးဖားလေးပါလာရင်တော်ပါပြီ။
....................................................................................................................
တိုနေသောထမီကိုတင်းတင်းဝတ်လိုက်သည်။မိုးရေကာဖျင်ပိုင်းလေးကိုခေါင်းကိုခြုံပြီးပုံးပလုံးများမလိုက်သောအခါ...
အသံဗလံထွက်လာရာကိုစောင်ခြုံလေးကြားထဲမှ.ဖိုးထိန်မျက်နှာလေးထွက်လာကာလှမ်းကြည့်သည်။
အမေငါးနည်းနည်းသွားသဲ့ပြီးပြန်လာမယ်.ညီမလေးမငိုစေနဲ့လို့ပြောပြီးမခင်ငြိမ်းတဲပေါ်ကဆင်းလိုက်သည်။
အေးစက်စက်မိုးစက်တွေကမျက်နှာပြင်ကိုအပြေးအလွှားလာကြိုဆိုကြသည်။
စိမ့်အေးနေသည့်လေတစ်ပွေ့ကပိန်လှီလှီသူမကိုယ်ကိုဆီးကြိုပွေ့ဖက်ကြသည်။
ကျောရိုးထဲတွင်တချက်စိမ့်ခနဲဖြစ်သွားသည်။
မတတ်နိုင်........
....................................................................................................................
လယ်ကန်သင်းရိုးပေါ်မှခပ်သွက်သွက်ကလေးလျှောက်လိုက်သည်။
ဦးစိန်အောင်တို့လယ်သည်မခင်ငြိ်မ်းတို့တဲနှင့်သိပ်မဝေး..
အော်တခေါ်စာသာလောက်သာလှမ်းသည်။
မခင်ငြိမ်းငါးသဲ့ရန်စိတ်လောနေသည်။
ရာသီဥတုကလဲမညှာတာချေ။
ကွမ်းတယာညက်ခန့်အကြာလောက်တွင်.ငါးသားနည်းနည်းရလိုက်ပြီ။
အင်း.တော်လောက်ပါပြီလေ။..အို...မဖြစ်သေးပါဘူး။။
မနက်ဖြန်ဆန်လေးရဖို့အခုငါးလိုက်တုန်းလုပ်ထားဦးမှ...
လူ့လောဘအတောမသတ်နိုင်.....
ပုံးငယ်ထဲတွင်ငါးမပြည့်တပြည့်ရချိန်တွင်.မခင်ငြိမ်း.တဆတ်ဆတ်တုန်နေပြီ။
..ပြန်ဖို့ခြေလှမ်းများပြင်သည်.။
လေပြင်းတချက်တိုက်လာသည်။..ဒီတိုင်းဆိုတန်းမပြန်သေးပဲ.ခပ်လှမ်းလှမ်းကသခွပ်ပင်အောက်ခဏ၀င်ခိုရင်ကောင်းမလား...
ကလေးနှစ်ယောက်နိုးနေကြရော့မည်.ဖိုးထိန်လေးလဲဆာရောပေါ့..သနားပါသည်.ခမျာကလေး..
မှာမအေကိုချစ်လွန်းလို့.ကလေးတန်မဲ့
ငါးရှာလိုက်ရသည်။နွားကျောင်းရသည်။အရွယ်နှင့်မမျှ..နေပူပူမိုးရွာရွာ.အမေနောက်တကောက်ကောက်....
သားရယ်.ခုအမေငါးတော်တော်ရခဲ့ပြီ။ခံတွင်းလေးတော့တွေ့ပါရဲ့လေ.....
အတွေးများနှင့်.သခွပ်ပင်အောက်ရောက်လာသည်။
ဂျိုင်းခနဲမိုးကြိုးပစ်သံ.နဲ့အတူလျှက်ပန်းတချက်မြင်လိုက်သည်။
တစ်ပြိုင်တည်း.မခင်ငြိမ်း.ငယ်ထိပ်လဲတချက်ပူကနဲဖြစ်သွားသည်။
သခွပ်ကိုင်းကျိုးကျကာမခင်ငြိမ်းခေါင်းကိုရိုက်မိလေပြီ
ဖင်ထိုင်ရက်လဲကျသွားသည်။
လက်ထဲမှပုံးလဲလွတ်ကျသွားသည်။ငါးသားငယ်တို့ဟိုပြေးဒီလွှားထွက်ကျကုန်ပြီ။
သွေးများဖြာကနဲခေါင်းမှထွက်နေသည်။
တကိုယ်လုံးမြင်မကောင်း။
သတိလစ်မတတ်ဖြစ်နေသောစိတ်တို့သည်ဟိုပြေးဒီလွှားနှင့်စုစည်းနေသည်။အံတချက်ကြိတ်ခါကုန်းထသည်။
ဖိတ်တ၀က်မှောက်တ၀က်ငါးတို့ကိုလက်နှင့်လိုက်ဖမ်းကာပုံးထဲပြန်ထည့်သည်။
ရသလောက်ပြန်ကောက်ထည့်ကာမခင်ငြိမ်း.အံကိုကြိတ်လျှက်ကန်သင်းပေါ်ကုန်းရုန်းလျှောက်သည်။
ကလေးငယ်နှစ်ယောက်ဆာနေရှာပေလိမ့်မည်.မအေကိုလဲမျှော်နေကြရော့မည်။
တဘိုင်းဘိုင်းလဲလိုက်.ပြန်ကုန်းထလိုက်လိုက်နှင့်ခရီးမတွင်.
နာကျင်နေလိုက်သည်များ..မျက်လုံးများပင်ပြာဝေလာပြီ။
သွေးများကလဲမရပ်..ငယ်ထိပ်ပေါက်သည်နေမပေါ့.....
သြော်ရှိစေတော့.ငါ့သွေးထက်.ငါ့သား.ပိုအရေးကြီးသည်.
ငါ့အသားထက်ငါ့သားပိုအရေးကြီးသည်။
မလှမ်းမကမ်းမှတဲကိုလှမ်းမြင်ရပြီ။
ဖိုးထိန်ငုတ်တုတ်ကလေးထိုင်နေရှာသည်။.မိတီကအကိုဘေးမှာစောင်လေးခြုံကာထိုင်နေသည်။
မြင်ရပါပြီ။
အမေ့ရင်သွေးစမ်းရေလေးတွေ....ရင်ထဲအေးသွားသည်။
ဒီသားဒီသမီးမျက်နှာမြင်ရတော့.မခင်ငြိမ်းအားတက်သွားသည်။
လျှောက်စမ်းပါဟဲ့.ဒီခြေထောက်..ရောက်ပါတော့ဟဲ့..ဒီခရီး.
သြော်...မြန်ချင်ပါတယ်ဆိုမှ.တအော်စာဝေးတဲ့ဒီခရီး..တစ်ပြပင်မကတော့....

...........................................................
မအေကိုလှမ်းမြင်တော့ဖိုးထိန်တံစက်မြိတ်အောက်မှာရပ်ခါကြိုသည်။
လက်ထဲမှငါးပုံးယက်သဲ့တံကိုအသာချ..တဲနှုတ်ခမ်းဝကွပ်ပစ်မှာတင်ပါးလွှဲထိုင်လိုက်ကာ.၀ါးတိုင်ကိုမှီလိုက်တော့............
အမေ့ခေါင်းမှာသွေးတွေ....တဲ့..သားအော်တဲ့အသံ.ပီပီသသ..
မိတီကလေးကမအေဆီပြေးပြီးမျက်နှာငယ်လေးနှင့်ရင်ခွင်ထဲတိုးဝင်လာသည်။
ဖိုးထိန်လေးကပ၀ါပိုင်းကလေးနှင့်မခင်ငြိမ်းခေါင်းကသွေးတွေကိုမသုတ်တတ်သုတ်တတ်နှင့်သုတ်ပေးရှာသည်။
မခင်ငြိမ်းယဲ့ယဲ့ပြုံးလိုက်သည်။..
ဖိုးထိန်လေးလက်ကိုအသာဆွဲယူလိုက်ပြီးခလေးနှစ်ယောက်လုံးကိုရင်ခွင်ထဲထည့်ပြီးတင်းတင်းဖက်ထားမိသည်။
သြော်..ဒီကလေးနှစ်ယောက်သည်မခင်ငြိမ်းအတွက်.အား...မခင်ငြိမ်းရဲ့ဘ၀...
နာကျင်မှု့တွေမရှိတော့သလိုဖြစ်သွားသည်။....ရင်ထဲတွင်နွေးကနဲဖြစ်လာသည်။
ပြီးတော့..မခင်ငြိမ်းတိုးတိုးကလေးရေရွတ်လိုက်သည်။
.......ကလေးတို့အဖေရေ..ကျုပ်တို့သားအမိတွေတစ်ခါလောက်တော့ကံကောင်းချင်သေးပါရဲ့တော်...

တဲအပြင်ဘက်တွင်မိုးတွေကလဲရွာနေဆဲ......................

....................မခင်ငြိမ်း..မငြိမ်းနိုင်သေးပါလား...............................





ကိုယ်တိုင်ရေးမူပိုင်ဖြစ်ပါကြောင်း.....
လေလွင့်နတ်သမီး
၁၁း၀၈မိနစ်.
၂၃.၀၁.၂၀၁၀