ကောင်းကင်ရဲ့စီရင်ချက်

ခြေသံတရှပ်ရှပ်ကိုကြားနေသည်။သူမအိပ်မပျော်ပါ။ထိုမိန်းမလာနေတာများလား။ဟင့်အင်း..မလာပါနဲ့။မုန်းတယ်။အဲမိန်းမကိုမုန်းတယ်။ပါးစပ်ပြဲပြဲအသားမဲမဲထိုမိန်းမကိုသူမမုန်းပါသည်။နာကျင်သောအသဲဆတ် ဆတ်ခါသောစိတ်နဲ့သူမမုန်းပါသည်။

အိပ်ယာပေါ်မှာဟိုလှည့်သည်လှည့်ဖြင့်သူမအိပ်မပျော်ပါ။တရေးနိုးလာတော့သူမဘေးမှာအိပ်မောကျနေတဲ့သူ့ကိုမြင်လိုက်ရပြန်တော့ရင်ထဲမှာစကားလုံးပေါင်းများစွာကိုအသံတိတ်မေးနေမိသည်။ဘယ်လိုစိတ်နဲ့ဘယ်လိုခံစားမှု့မျိူးနဲ့သူမကိုသစ္စာဖောက်ခဲ့တာပါလဲ။အလင်းပြပြ၀င်နေတဲ့အခန်းထဲမှာအသက်ရှုသံပြင်းပြင်းနဲ့အိပ်ပျော်နေတဲ့သူ့ကိုစိုက်ကြည့်နေမိသည်။

နာကျင်နေတဲ့စိတ်ပြိုလဲသွားတဲ့စိတ်တွေကြေကွဲနေတဲ့ယူကြံမရတဲ့ခံစားမှု့တွေဒါတွေတခါမှသူမခံစားဖူးလို့ကိုယ်ချင်းမစာတတ်တာများလား။သူလုပ်သမျှကိစ္စတိုင်းသူမကြိုသိနေခဲ့တာနောက်ယောင်ခံလိုက်နိုင်ခဲ့တာတွေဟာသူမကဘဲထက်မြက်လွန်းနေတာလား။သူကဘဲလုံအောင်မဖုံးနိုင်တာလား။ဒါမှမဟုတ်ဂရုမစိုက်ဘူးဆိုတဲ့ပုံစံမျိူးလား။တကယ်တော့သူမသူ့ကိုသိပ်ချစ်ခဲ့ပါသည်။မိဘအသိုင်းအ၀ိုင်းဆွေမျိူးများအားလုံးနှင့်ဆန့်ကျင်စွာလက်ထပ်ခဲ့လက်တွဲခဲ့ပြီးတဲ့နောက်သူ့သာလျှင်သူမကမ္ဘာ။သူသာလျှင်သူမရဲ့ပျော်ရွှင်မှု့။သူမရဲ့အနာဂတ်၊အဲလိုယုံကြည်မှု့တွေစုံလုံးကန်းပစ်လိုက်လို့ပိုခံစားရတာလဲဖြစ်ကောင်းဖြစ်နိုင်သည်။သူမရဲ့သူငယ်ချင်းတွေမိတ်ဆွေတွေကတော့ပြောကြအပြစ်တင်ကြသည်။  

သူမကသိပ်ချစ်လွန်းလို့သူဒီလိုလုပ်နေတာလို့ပြောကြသည်။မနေ့ကသူနဲ့စကားတွေအများကြီးပြောဖြစ်သည်။အရင်ပြသနာတွေတက်တိုင်းသူကိုပါးဘယ်ပြန်ညာပြန်ရိုက်မိအော်ဟစ်ငိုကြွေးမိပေမယ့်ခုတစ်ခေါက်မှာတော့တအားနာကျင်သွားရလို့လားမသိ။ရှိုက်ကြီးတငင်ငိုကြွေးမိယုံမှတပါးဘာမှဆိုးဆိုးဝါးဝါးမတုန့်ပြန်မိတော့ပါ။သူမရင်ထဲဘယ်လောက်နာကျင်ကြေကွဲနေသလဲပြိုလဲသွားသလဲသူမကိုယ်တိုင်အသိဆုံးသာဖြစ်သည်။အလုပ်၊လူမှု့ရေးစီးပွားရေးမည်သူတစ်ဦးတစ်ယောက်ကမှသူမကိုလဲပြိုအောင်လုပ်နိုင်စွမ်းမရှိပါ။သူတစ်ဦးထဲကသာလျှင်သူမကိုအထိုးနှက်နိုင်ဆုံးသူမကိုပုံလဲကျသွားအောင်အလုပ်နိုင်ဆုံးလူသားတစ်ယောက်သာဖြစ်ခဲ့သည်။ပါးပြင်ပေါ်ကစီးကျလာတဲ့မျက်ရည်ပူတွေကိုခပ်ပြင်းပြင်းတချက်သုတ်ချလိုက်ပြီးအိပ်မောကျနေတဲ့သူ့မျက်နှာကိုစေ့စေ့ကြည့်မိသည်။

စေ့စေ့မကြည့်ချင်လောက်အောင်နာကျည်းသွားမိပြီဆိုတာကိုသူမ၀န်ခံရပေလိမ့်မည်။သူမဘ၀မှာရွေးချယ်ခွင့်တွေပျောက်ဆုံးသွားသည်။ကြည်နူးခဲ့သောမျှော်လင့်ခဲ့သောအိပ်မက်တို့ပျောက်ကွယ်ကုန်ပြီ။သူမမပြင်နိုင်ခဲ့သောသူ့ဗီဇသည်သူမနှလုံးသားကိုနာကျင်စွာအကြိမ်ကြိမ်ထိုးနှက်နေပြီ။သူ့ပါးစပ်ကသူပတ်သတ်ခဲ့သောမိန်းမတို့သည်သူမနှင့်တန်းညှိလို့မရယှဉ်စရာမလိုပါ။သူမသာလျှင်သူဘ၀မှာတန်ဖိုးအရှိဆုံးမိန်းမဆိုသည့်စကားကိုသူမလက်မခံနိုင်ပါ။ခါးသီးစွာလက်မခံနိုင်ခဲ့ပါ။တကယ်သာသူမကိုတန်ဖိုးထားခဲ့ပါလျှင်ဘာ့ကြောင့်သူတန်ဖိုးထားခဲ့ပါသည်ဆိုသောမိန်းမကိုနာကျင်အောင်မကြာခနလုပ်နေရပါသလဲလို့ပြန်မေးမိတော့မသိဘူး။သူလုပ်ချင်တာတွေလုပ်လိုက်မိခြင်းကသူမကိုနာကျင်စေနိုင်လောက်လိမ့်မယ်လို့ထင်ကိုမထင်ခဲ့မိတာတဲ့။အပြောလွယ်ရက်လိုက်လေခြင်း။မိန်းမတစ်ယောက်နဲ့ကာမဆက်ယှက်မှု့တခုကိုလွယ်လွယ်ပြုလိုက်တာကိုသူကသူမကိုမနာကျင်စေဘူးတဲ့လား။ 

သူမမြတ်နိုးစွာနဲ့နှစ်ပေါင်းများစွာခေါင်းဦးအိပ်ခဲ့တဲ့သူ့ဘယ်ဘက်လက်မောင်းဟာဘယ်ကမှန်းမသိသောပေါက်လွှတ်ပဲစားမိန်းမတွေ ခေါင်းဦးခဲ့ရာဖြစ်နေခဲ့တာကိုသူမသိလိုက်ရတဲ့အချိန်ကသူမကမ္ဘာပြိုကျသွားတဲ့နေ့။သူမမျက်နှာတကမ္ဘာလုပ်ထားသောသူမမိဘတွေကိုပေးမသိနိုင်ပါ။သူမကြောင့်သူမမိဘတွေစိတ်မထိခိုက်စေလိုပါ။ထို့အတွက်သူမပိုပင်ပန်းစွာခံစားရသည်။

အလွယ်ရလို့အလွယ်ပါလို့ပြောလိုက်တဲ့သူ့အလွယ်စကားကသူမအတွက်တော့လွယ်ကူစွာလက်မခံနိုင်ခဲ့ပါ။သူမကဘ၀တခုကိုတန်ဖိုးရှိစွာဖြတ်သန်းချင်ပေမယ့်သူ့ရဲ့အလွယ်လုပ်ရပ်တွေကသူမနှလုံးသားကိုပြင်းပြင်းထန်ထန်ရိုက်ချထိုးနှက်ပစ်လိုက်တာ။သူမဒီလိုကြီးနဲ့ဘ၀တစ်လျှောက်လုံးဖြတ်သန်းသွားရမှာလား။သူ့ကိုမချစ်တော့ဘူးလား။ဟင့်အင်း.သူ့ကိုသိပ်ချစ်တာပေါ့။သူမသူ့ကိုသိပ်ချစ်ခဲ့လို့သိပ်နာကျည်းနေရတာပေါ့။ဒါ့ကြောင့်ယူကြုံးမရဖြစ်နေရတာပေါ့။အမှောင်ထဲမှာတိတ်တဆိတ်ပြောနေတဲ့စကား။စုန်းကဝေမတွေလိုသာအရေခွံကိုခွာပြလို့ရရင်သူမရင်ထဲမှာဘယ်လောက်စုတ်ပြတ်သတ်ထွက်သွားတယ်ကြေကွဲသွားတယ်ဆိုတာသူ့ကိုသိအောင်မြင်အောင်ပြချင်တာ။ပါးစပ်ကတော့ချစ်တယ်တန်ဖိုးထားတယ်နဲ့မကောင်းမှု့တစ်ခုကိုလွယ်တိုင်းကျူးလွန်ဖို့ကျိူးစားနေတဲ့သူ့လုပ်ရပ်တွေကသူတန်ဖိုးထားတယ်သူ့ဘ၀မှအမြတ်နိုးဆုံးမိန်းမတစ်ယောက်ရဲ့ဘ၀ကိုစုတ်ပြတ်သတ်ထွက်သွားစေလိုက်တာကိုသူမသိတာလား။မသိချင်ယောင်ဆောင်နေတာများလား။ 

သူ့ကိုပြန်ခံစားရအောင်လုပ်ချင်သည်။ဘယ်လိုလုပ်ရပါ့မလဲ။နာကျင်မှု့ဆိုတာဒီလို။ကြေကွဲမှု့ဆိုတာဒါ၊ယူကြုံးမရခြင်းဆိုတာအဲလိုမျိူးလို့သူ့ကိုသိစေချင်တာ။သူမခံစားနေရသလိုသူ့ကိုခံစားစေချင်တာ။ဟင့်အင်းအဲလိုလဲမဖြစ်ပြန်ပါဘူး။သူ့ကိုနာကျင်အောင်မလုပ်ရက်ပါဘူး။ဟင့်အင်းသူသေရမယ်။သူ့အသက်ရှင်နေရင်သူမကိုအကြိမ်ကြိမ်ထပ်ပြီးနာကျင်အောင်လုပ်နေဦးမှာ။သူမအမုန်းဆုံးအရွံရှာဆုံးအကျင့်တခုနဲ့သူမကိုထပ်ထိုးနှက်ဦးမှာ။သူမကိုကွာရှင်းမပေးနိုင်ပါ။သူဘေးနားမှာဘယ်လိုပုံစံနဲ့ဖြစ်ဖြစ်ရှိနေရမတဲ့.အတ္တကြီးလိုက်တာ။ဒီလိုစိတ်နဲ့ဘယ်မိန်းမကိုထပ်ပြီးအချိုသပ်လိမ်ညာပြီးနေဦးမှာလဲ။ရွံတယ်မုန်းတယ်။သူသေမှာအေးမှာ။သူမသေမချင်းလူ့လောကြီးရောသူမကိုရောဘယ်တော့မှကောင်းကျိူးပေးနေမှာမဟုတ်ဘူး။သူမကိုမျက်ရည်ချောင်းစီးအောင်အကြိမ်ကြိမ်လုပ်ခဲ့တဲ့သူ။သူမနှလုံးသားကိုအကြိမ်ကြိမ်တစစီအမှု့န့်ဖြစ်သွားအောင်လုပ်ခဲ့တဲ့သူ။သူမကိုအိပ်မက်ဆိုးတွေအကြိမ်ကြိမ်ပေးခဲ့တဲ့သူ။

သူမမလိုချင်ခဲ့တဲ့ဘ၀တစ်ခုကိုဖန်တီးပေးလိုက်တဲ့သူ။ရွံတယ်။အိပ်မောကျနေတဲ့သူ့ကိုကြည့်လိုက်လျှပ်စီးတွေလက်လာတဲ့ ကောင်းကင်ကိုကြည့်လိုက်နဲ့သူမဝေခွဲရခက်နေသည်။ဒီလိုညတွေဘယ်နှစ်ညရှိပြီလဲ။သူမတမှေးမှမအိပ်ပဲနေနေခဲ့တာ။သူကတော့ညစဉ်အိပ်မောတွေကျနေပေမယ့်သူမကတော့ညစဉ်ညတိုင်းဒီမှောင်ကျနေတဲ့အခန်းထဲမှာမိုးအလင်းအတွေးတွေနဲ့မျက်ရည်တွေနဲ့နေနေခဲ့ရတာ။နာကျင်မှု့ကိုဘယ်လိုပုံနဲ့ဖော်ပြလို့ရမလဲ။ပြောပြပုံဖော် ပြလို့ရရင်ပြလိုက်ချင်ပါသည်။

 ဟော..မိုးတွေတဂျိန်းဂျိန်းရွာချလိုက်ပြီ။ဘုရားရေ...သူမသိပ်ကြောက်တဲ့လျှပ်စီးတွေလက်နေလိုက်တာ။မိုးတွေကလဲခြိမ်းနေလိုက်တာတ၀ုန်းဝုန်းနဲ့။အရင်ကသာဆိုသူမသူ့ရင်ခွင်ထဲတိုးဝှေ့ပြီးကလေးတစ်ယောက်လိုဝင်နေမိမှာ။ခုတော့အဲဒီခန္ဒာကိုယ်အဲဒီလူကိုထိတွေ့ရမှာကိုရွံရှာနေတာစက်ဆုပ်နေတာ။မိုးခြိမ်းသံတွေကိုနားထောင်ရင်းလျှပ်စီးတွေလက်နေတာကိုကြည့်လိုက်လျှပ်စီးအလင်းကြောင့်တချက်တချက်မြင်လိုက်ရတဲ့သူ့မျက်နှာကိုမုန်းတီးစွာကြည့်လိုက်။ဒီမျက်နှာဒီလူဟာတဏှရာဂတွေလောင်ကျွမ်းပြီးဘယ်လိုစိတ်နဲ့ဖောက်ပြန်ခဲ့တာလဲ။ဘယ်လိုစိတ်နဲ့လုပ်ခဲ့တာလဲ။သူမခေါင်းဦးကိုလက်ထဲမှာကျစ်ကျစ်ပါအောင်ဆုပ်လိုက်သည်။ထို့နောက်ထို့နောက်အိပ်မောကျနေသည့်သူ့မျက်နှာဆီကိုအုပ်လိုက်ရင်းတင်းတင်းဖိထားလိုက်မိသည်။ ယောကျာင်္းအားနှင့်မိန်းမအားမယှဉ်နိုင်ပါ။သူတော်တော်ရုန်းပါသည်။သူမခန္ဒာကိုယ်သည်တကယ်တမ်းဆိုသူ့ကိုမယှဉ်နိုင်ပါ။နာကျည်းမှု့တွေနာကျင်မှု့တွေဖုံးလွှမ်းနေသောစိတ်တွေမောင်းနှင်နေသည့်သူမကိုယ်ခန္ဒာတွင်ခွန်အားတစ်ခုစီးဆင်းလာခဲ့ပြီ။တတစုံတခုသောအားအင်တို့ရောက်လာခဲ့ပြီ။မိနစ်အနည်းငယ်ခန့်ရုန်းကန်ရင်းသူငြိမ်ကျသွားသည်။ခေါင်းဦးကိုဖယ်လိုက်တော့မျက်လုံးနှစ်လုံးသည်ပြူးထွက်နေပြီ။ 

အသက်မရှုတော့။ဘုရားရေသူမရုတ်တရက်အသိဝင်လာသည်။ငါဘာလုပ်လိုက်တာပါလိမ့်။ဟုတ်တယ်။ငါလုပ်တာမှန်တယ်။သူဟာဒီကမ္ဘာဒီလောကကြီးမှာမရှိသင့်တဲ့လူသေသင့်တဲ့လူ။ငါ့ကိုအကြိမ်ကြိမ်အခါခါသေအောင်လုပ်တဲ့သူ။ ကောင်းတယ်သေသင့်တယ်။ကုတင်ပေါ်ကနေတုန်လှုပ်စွာသူမဆင်းလိုက်ပြီးကုတင်ဘေးအံဆွဲထဲကဆေးလိပ်ဗူးနှင့်မီးခြစ်ကိုထုတ်လိုက်ပြီးတလိပ်ထုတ်ကာမီးညှိလိုက်သည်။သူမဘယ်သူမှမသိအောင်ဆေးလိပ်စွဲနေခဲ့တာကြာပြီ။သူလုပ်ခဲ့သမျှအိပ်မပျော်သောညတွေမှာခံစားရသမျှဆေးလိပ်ကိုစမ်းသောက်ကြည့်ရင်း ဆေးလိပ်စွဲခဲ့သည်။တုန်တုန်ရီရီဖြင့်ဆေးလိပ်မီးကိုညှိရင်းပြတင်းပေါက်နားကိုသွားရပ်လိုက်သည်။မိုးတွေကလဲသည်းလိုက်တာ။မိုးခြိမ်းသံတွေကလဲဆူညံနေတာဘဲ။ ပြတင်းပေါက်ကနေမှောင်မဲနေတဲ့ကောင်းကင်ကိုမော့ကြည့်ရင်းမျက်ရည်များကအလိုလိုစီးကျလာခဲ့သည်။သူမချစ်သောသူသည်ဒီကမ္ဘာကြီးပေါ်မှာမရှိတော့ပြီ.သူမလက်ချက်ဖြင့်သူသေဆုံးခဲ့ပြီ။နောက်ဆက်တွဲပြသနာတို့ကိုသူမမသိချင်တော့ပါ။သူမသိပ်ချစ်သောထိုယောကျာင်္းသည်ဒီကမ္ဘာပေါ်မှာမရှိတော့ပါ။မျက်ရည်တွေတရဟောစီးကျလာရင်းဆေးလိပ်မီးကိုတချက်ခပ်ပြင်းပြင်းဖွာလိုက်မိသည်။အချစ်ကြီးလွန်းရင်အမျက်ကြီးသတဲ့လား။အမျက်ကြီးတာမဟုတ်ဘူး။သူမမခံစားနိုင်တော့လို့ပါ။သူမကိုခွင့်လွှတ်ပါ။ 

မိုးကသည်းသထက်သည်းလာသည်။ဝရန်တာနှင့်ဆက်ထားသည့်တံခါးမကိုဖွင့်လိုက်တော့မိုးစက်မိုးပေါက်တွေကသူမမျက်နှာကိုအပြေးအလွှားလာရိုက်ခတ်သည်။အေးစိမ့်နေတဲ့အထိအတွေ့တခုကိုသူမကိုယ်ကလက်မခံနိုင်တာ။သူမရေချိူးလို့တအားချမ်းလာရင်မေးချင်းရိုက်နေရင်သူကသူ့ကိုယ်ငွေ့နဲ့နွေးအောင်လုပ်ပေးခဲ့တာ။အခန်းထဲကိုလှည့်ကြည့်လိုက်တော့ကုတင်ပေါ်မှာငြိမ်သက်စွာလဲလျောင်းနေတဲ့သူမသိပ်ချစ်တဲ့သူ။သူမလက်ချက်နဲ့အသက်ဝိဥာဉ်ကင်းမဲ့နေတဲ့သူ။ဘုရားရေ..

မောင်...........................................................................................................

သူမမိုးရေထဲမှာရပ်နေရင်းငယ်သံပါအောင်အော်ငိုမိသည်။သူမငိုသံကိုမိုးခြိမ်းသံများကြောင့်ဘယ်သူမှမကြားနိုင်ကြပါ။သူမမျက်နှာကိုလက်နှစ်ဖက်နှင့်အုပ်ပြီးရှိုက်ကြီးတငင်ငိုမိသည်။ဟင် ခြံဝမှာဟိုမိန်းမရပ်နေတယ်။နင်မလာခဲ့နဲ့။နင်လာခဲ့လို့နင်တို့လိုမိန်းမတွေသိပ်ကိုလွယ်ခဲ့လို့သူများယောကျာင်္းကိုဖျက်ဆီးပစ်လိုက်တာ။နင်မလာခဲ့နဲ့နင်မလာခဲ့နဲ့။ဟော..ပျောက်သွားပြန်ပြီ။ထွက်သွားကြပါတော့။ငါ့ဘ၀ထဲကနင်တို့ထွက်သွားကြပါတော့။ဝရန်တာလက်ရမ်းကိုကျစ်ကျစ်ပါအောင်ဆုပ်ထားရင်းခဏတာမှာခါးကိုနည်းနည်းပိုတိမ်းညွတ်ပေးလိုက်သည်။

လေတွေကအေးနေတာဘဲမောင်ရယ်...............................လေတွေကိုထိတွေ့ရတဲ့အထိအတွေ့ကအေးနေတာဘဲမောင်ရယ်။

.
........................................................................................။.......................................................

သူရဲတွေနဲ့စကားပြောနေတယ်။ရဲတွေကဘာလုပ်ဖို့အိမ်မှာရောက်နေတာလဲ။သူကိုသူမသတ်လိုက်တယ်လို့ရဲကိုဖုန်းဆက်တိုင်လိုက်တာလား။ဝရန်တာတံခါးအကွယ်ကနေသူမအသာလေးချောင်းကြည့်နေလိုက်သည်။ရဲအရာရှိတစ်ဦးနှင့်သူစကားပြောနေတာ။သူမအမေကိုလဲအခန်းဝမှာမြင်လိုက်ရသည်။သူမအမေက၀မ်းနည်းစွာငိုထားသည့်မျက်နှာနှင့်။ဟင် မေမေ့ကိုသိအောင်ပြောလိုက်ပြီလား။သူတို့စကားပြောသံကပိုပြီပြင်လာသည်။

“ကိုဇော်တို့အချင်းချင်းပြသနာတက်တာများရှိသလား”

“ကျနော်တို့ကြားမှာလူမှု့ရေးပြသနာရှိတယ်ဆိုပါတော့။ကျနော်ရဲ့မိုက်မဲမှု့တစ်ခုကြောင့်ကျနော်တို့ချင်းမပြေမလည်ဖြစ်နေခဲ့တာတွေရှိပါတယ်။”

“ဒီရက်တွေမှာမမီးမီးအနေနဲ့ဆရာဝန်ပြရတာတွေနေထိုင်မကောင်းတာတွေများရှိလား။”

“ဆရာဝန်ပြရတော့ရှိတယ်ဟိုရက်ကသူအိပ်မပျော်ဘူးတဲ့။” ( အမေလှမ်းဖြေတဲ့အသံ )

“ညကဖြစ်စဉ်ကိုပြောပြပါဦးခင်ဗျ။ ” ရဲအရာရှိကမေးလိုက်သည်။

“ညကအိပ်ယာဝင်တော့မအိပ်ခင်တော့အေးအေးဆေးဆေးပါပဲ။ဒီရက်တွေစကားလဲနည်းနည်းများထားကြတော့သိပ်အပြောအဆိုမရှိပေမယ့်ညကတော့ကျနော်သူ့ကိုတခါထပ်တောင်းပန်လိုက်သေးတယ်။သူဘာမှမပြောဘူး။အေးအေးဆေးဆေးဘဲအိပ်တော့တဲ့။အဲဒါနဲ့ကျနော်တို့အိပ်ယာဝင်ခဲ့ကြတယ်။နောက်တော့ကျနော်လဲအိပ်ပျော်သွားတယ်။အဲဒီနောက်တော့မျက်နှာပေါ်တခုခုကျလာသလိုဘဲမွန်းကြပ်ပြီးအသိဝင်လာတော့သူကျနော့်မျက်နှာကိုခေါင်းဦးနဲ့ဖိထားတာ။ရုန်းတယ်ဗျ။နောက်ကျနော်သတိရလိုက်တာကသူကျနော့်ကိုစိတ်ဆိုးပြီးခေါင်းဦးနဲ့ကျနော့်ကိုဖိသတ်တာ။ကျနော်သေချင်ယောင်မဆောင်ရင်သူတခုခုထပ်လုပ်မှာဆိုးလို့သေချင်ယောင်ဆောင်ပြိးငြိမ်နေလိုက်တာ။အဲဒီမှာသူခေါင်းဦးဖယ်ပြီးကျနော့်ကိုကြည့်ပြီးတကယ်သေသွားပြီးထင်ပြီးဝရန်တာမှာအော်ငိုတယ်။ကျနော်လဲသူ့ကိုသွားပြီးချော့ဖို့စဉ်းစားလိုက်ပေမယ့်ပိုဆိုးသွားမှာဆိုးလို့အသာလေးငြိမ်နေလိုက်တယ်။ပြီးတော့သူဆေးလိပ်သောက်တယ်။ကျနော်သူဆေးလိပ်သောက်တာတခါမှမမြင်ဖူးဘူး။ နောက်ဝရန်တာကိုထွက်အကျယ်ကြီးအော်ငိုတယ်။နောက်ဝရန်တာလက်ရမ်းကိုကိုင်ပြီး  အော်ငိုတယ်။ကျနော်အသာလေးထလာပြီးကြည့်နေတော့သူကိုယ်ကိုကိုင်းချပစ်လိုက်တယ်.နောက်ကကျနော်လိုက်ဆွဲတာမမှီလိုက်တော့ဘူး။အဖြစ်ကတော့အဲဒါပါပဲဗျာ။”

 စကားသံအဆုံးသူဝရန်တာကိုလှမ်းကြည့်နေသည်။မျက်လုံးတွေကတော့ရီဝေေ၀နဲ့။မကြည့်ပါရစေနဲ့တော့။ဒီမျက်လုံးတွေကို။မမြင်ပါရစေနဲ့တော့။သူမကိုယ်သူမပြန်စမ်းလိုက်မိသည်။ဟင်။ငါဘာလုပ်လိုက်တာပါလိမ့်။ခေတ္တခနပြန်ငြိမ်ပြီးစဉ်းစားလိုက်တော့သူမအကျယ်ကြီးရီချလိုက်မိသည်။သူမရီသံကိုသူရောသူ့အမေရောရဲအရာရှိရောဘာမှကြားလိုက်ပုံမပေါ်။ထိုအချိန်မှာသူမညီမ၀မ်းကွဲလေးက၀င်ပြောသည်။
“ကျမညကအပေါ်ထပ်ကအသံကြားလို့အိပ်မပျော်ဖြစ်နေတုန်းမိုးရွာတာနဲ့ထပြီးတံခါးတွေစစ်နေတုန်းဝုန်းဆိုအပေါ်ကနေအိမ်ရှေ့ကိုတခုခုပြုတ်ကျတဲ့အသံကြီးကြားလိုက်ရလို့အိမ်ရှေ့ထွက်ကြည့်တော့မမကအပေါ်ကနေပြုတ်ကျလာတာ။ဝရန်တာမှာသမီးကိုဇော့်ကိုမြင်လိုက်တယ်။သူမမကိုသူတွန်းချတာပါ။သူနဲ့မမပြသနာဖြစ်နေတာသူဖောက်ပြန်လို့ဖြစ်နေကြတာပါ။အန်တီတို့ကိုမမကအသိမပေးဘူးစိတ်ဆင်းရဲမယ်ဆိုပြီးထားတာပါ။”ဒါပေမယ့်သမီးကအကုန်သိတယ်။ကိုဇော်နောက်မိန်းမလိုချင်လို့မမကိုသတ်တာ။မမကိုတွန်းချတာသူပါ။”

“ကဲ..ကိုဇော်ရေ။စိတ်တော့မရှိနဲ့ဗျာ။ခုနေမှာသံသယအဖြစ်ဆုံးတရားခံကတော့ခင်ဗျားပဲဖြစ်နေတယ်။နောက်မှဘဲရှေ့နေခေါ်ပြီးရှင်းဗျာ။ခုတော့ခင်ဗျားကိုမမီးမီးသေဆုံးမှု့နဲ့ပတ်သတ်ပြီးသံသယအရှိဆုံးတရားခံအနေနဲ့တော့စခန်းကိုခေါ်သွားရလိမ့်မယ်။တာဝန်နဲ့ဝတ္တရားအရပါ။လက်ထိပ်ခတ်လိုက်ပါ။”

ရဲအရာရှိရဲ့စကားအဆုံးရဲသားတစ်ယောက်ကသူ့ကိုလက်ထိပ်ခတ်လိုက်ပြီးဆွဲခေါ်သွားသည်။အမေ့ရဲ့အော်ငိုသံအဆုံးပျော့ခွေသွားတဲ့အမေ့ကိုညီမလေးတွဲလိုက်တာတွေ့လိုက်ရတော့အပြေးသွားထူလိုက်မိသည်။မရလေကိုလက်ဖြင့်ကိုင်ရသလိုလွတ်လပ်နေသည်။ခွင့်လွှတ်ပါအမေ။ဝရန်တာကိုထွက်ကြည့်လိုက်တော့အောက်တည့်တည့်မှာသွေးအိုင်ထဲမှာလဲနေတဲ့သူမရဲ့ရုပ်အလောင်းကိုသယ်ဖို့လုပ်နေကြသည့်လူများ။ရဲကားနားသို့လက်ထိပ်တန်းလန်းကြီးနှင့်ပါသွားသည့်သူ။သူမအလောင်းနားအရောက်သူတချက်ရပ်ပြီးကြည့်နေသည်။နောက်တော့တခုခုဆုံးဖြတ်လိုက်ပုံရပြီးရဲကားပေါ်သို့တက်သွားသည်။ရဲကားခြံထဲကထွက်သွားသည်ကိုမျက်စိတဆုံးလိုက်ကြည့်ရင်းသူမမောင့်ကိုနှုတ်ဆက်လိုက်သည်။မနှင့်သူဒီတသက်ပြန်မဆုံနိုင်ကြတော့ပါ။ဘ၀ခြားသွားခဲ့ကြပြီ။သူ့ကြောင့်သူမဘယ်သောအခါမှမနာကျင်ရတော့ပါ။

တကယ်တော့သူ့မသေဘူးဆိုတာသူမသိပါသည်။သူမစိတ်လိုက်မာန်ပါလုပ်လိုက်ပြီးနောက်ကြောက်လန့်တကြားဖြင့်သူ့သွေးခုန်နှုန်းနှလုံးခုန်နှုန်းကိုစမ်းကြည့်ချိန်မှာနှလုံးခုန်နေတာသွေးခုန်နှုန်းရှိနေတာသူမသိပြီးသားဖြစ်သည်။သူမချစ်သောသူ့ကိုဆက်လက်မနာကျင်စေလိုတော့ပါ။အဓိကကသူမသာလျှင်ပြသနာရှိသူ။သူမရှိနေသ၍သူမချစ်သောသူသည်စိတ်ကျဉ်းကြပ်စွာနေရပေလိမ့်မည်။သူမချစ်နည်းမမှန်၍သူဒီလိုလုပ်နေခြင်းသာဖြစ်ပါလိမ့်မည်။သူမမှာတစုံတခုသောချို့ယွင်းချက်ရှိနေ၍သာသူဒီလိုလုပ်နေခြင်းဖြစ်ပါလိမ့်မည်။သူမသူ့ကိုသေချာအောင်မသိမ်းသွင်းနိုင်၍သာသူဒီလိုလုပ်နေခြင်းဖြစ်ပါလိမ့်မည်။ဒါ့ကြောင့်သူမဆေးလိပ်သောက်နေရင်းဆုံးဖြတ်ချက်တခုကိုချလိုက်သည်။သူမသာမရှိတော့ရင်အရာအားလုံးငြိမ်းချမ်းပါပြီ။ချစ်သောသူ့ကိုဒီလိုလုပ်ခဲ့ရသည့်အတွက်ခွင့်လွှတ်ပါလို့သူမစိတ်ထဲအကြိမ်ကြိမ်ရေရွတ်ရင်းဝရန်တာနားသို့သူမတိုးကပ်သွားသည်။သူနောက်ကနေထလာတာကိုလဲသူမသိလိုက်သည်။သို့ပေမယ့်သူ့ရင်ခွင်ထဲမှာခေါင်းတိုးပြီးကလေးတစ်ယောက်လိုမငိုကြွေးချင်တော့ပါ။သူ့ကိုလွတ်မြောက်ခွင့်ပေးဖို့သူမကိုယ်တိုင်စီရင်ချက်ချရပါမည်။သူလဲရှေ့လျှောက်မပျော်ရွှင်ကိုယ်တိုင်လဲနာကျင်ခြင်းတွေကလွတ်မြောက်ဖို့သူမစီရင်ချက်ချရပါမည်။ပထမတော့လူတွေကသူ့ကိုသံသယရှိသူအဖြစ်နှင့်အဖမ်းခံရနိုင်သည်။သို့ပေမယ့်အမှု့မခိုင်လုံရင်လွတ်နိုင်သည့်လမ်းအများကြီးရှိသည်။ 

သို့အတွက်သူမ၀ရန်တာကခါးလေးညွတ်ပြီးလေထဲကိုထိုးဆင်းသွားလိုက်တဲ့တခဏအတွင်းမှာနာကျင်ခြင်းဝေဒနာနှင့်အတူတလောကလုံးအမှောင်ကျသွားသည်။သူမပြန်မြင်ရတော့ရဲများသူနှင့်အမေတို့။ခုတော့သူမဒီအိမ်မှာခေတ္တခနနေခွင့်ရမည်ပေါ့။ရုတ်တရက်အစွဲကြောင့်သူမဘ၀မကူးဘဲဒီနေရာကိုပြန်ရောက်လာခဲ့သည်။တနေ့ကျရင်တော့သူမပြုခဲ့တဲ့ကုသိုလ်ကံအတိုင်းတနေရာရာဘုံဘ၀တခုခုကိုရောက်သွားမည်ပေါ့။သူသည်လဲမကြာခင်လွတ်လာပါလိမ့်မည်။

အပြင်မှာမိုးခြိမ်းသံတွေကိုကြားလိုက်ရသည်။သူမစီရင်ချက်အတွက်သူမကျေနပ်စွာပြုံးလိုက်မိပါသည်။သူအိပ်သွားခဲ့တဲ့အိပ်ယာပေါ်မှသူကိုယ်ရနံ့တွေရှိနေသေးတယ်။သူမသူရဲ့ခေါင်းဦးပေါ်မှာအသာလေးလှဲလိုက်ရင်းမျက်စိကိုအသာလေးမှိတ်ထားလိုက်ပါသည်။ 

ခုတော့အရာအားလုံးငြိမ်းချမ်းသွားပါပြီ။ 


ပြီးပါပြီ

ချစ်ခြင်းအားဖြင့်

မဒမ်ကိုး
9 May 2014
Friday (5.30 pm ) 
Singapore Time